Romanɛ 1:14 - Nyangbo New Testament

¹⁴ Kɛxɔ̃ɛ kinu ɔkɔ mɛ sɛ tɛ ibu Helanɛ nɛ̀ bagɛ betinu Helanɛ, bebuitinɛ nɛ̀ bagɛ betinyi ibui.

Romanɛ 1:14 Referans Kwoze

Koloseanɛ 3:11

Nɛ ɛkɛlɛ Helaeyi alo Yudaeyi nanà ama, kɛhɔ̃a bhui bhui alo kɛhɔ̃a mabhui mabhui ma. Anɔ gɛ ehu buluhũ gɛ betielũ ɔlɛ mɛ tsyɛ ama, alo anɔ gɛ yɛ awuhũ agɛ kpà, anɔ dzidzì alo anɔ gɛ alɛ yɛishu ahɔɛ mɛ, pɔ tenikpo balɛ nɛ Kristo mɛ, kɛlɛ Kristo yɛalɛ alɛ petee mɛ.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Banɔkpɛkpɛ Axɔ̃ɛ 22:21

“Kɛlɛ Apaleteɛ etseɖe mɛasɛ, ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ”

Romanɛ 12:16

Nɔzã nɛ tenikpo bhɛbhɛtɛ mɛ nɛ̀ bagɔlɔ. Nɔtɛ ozofeke ishu, pɔ nɔdɛmɛ tɛ nɔzã tenikpo nɛ̀ bagɛ alɛ wɔnɔ esiɛ. Nɔtɛ ɔlɔkɔ ishu asɛ bebutianɛ nonu.

Korintoanɛ 2 11:19

Nɔlɔkɔ same ɔzã plɛnɔ bawɔaga ɔmɔsɛ bebutinɛ nonu so!

Romanɛ 16:19

Anɔ nyia anɔ elũ kibui nɛ wɔnɔ batɔ̃ lulũ shu, kɛlɛ kinu kibui gɛ iku mɛ same nɛ wɔnɔ shu, kɛlɛ kɛgɛ̀ ɛpɛ kɔ wɔnɔ kɛlɛinu ɔsɛ tɛ nodzi bebutinɛ nɛ kibui gbangbã shu, kɛlɛ nɛ ebui kpa shu pɔɔ, nɔkɔ wɔnɔ ahɔɛ ladalɛ nɛ kɛka nyia ka shu.

Romanɛ 13:8

Nɔtɛkɔ ɛbhɛ na nà zã ɔnɔ shu, ɔdɛ tɛdɛdɛmɛ nɔ nɛ bagɔlɔ ete ko, ɔmɔsɛ anunɔ gɛ adɛmɛ nɔ nɛ yɛɔhagbo nɔɔ, kɛlɛ abhɛtɛ nɛ ɔsha pete abha.

Romanɛ 8:12

Kliso, mɛelɛ alɛ mɔ, kɛxɔ̃ɛ lɛ ɔlɔ shu, pɔ anɛ nɛ kanɔ mɛ ebui kpa bhɛbhɛtɛ, sɛ tɛ bɔzã nɛ̀ ɛkpã nɛ alɛ ulũ.

Romanɛ 1:22

Beɖi asɛ bebuitinɛ benu, pɔ bebedzi baga,

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Korintoanɛ 2 10:12

Bɔtɛ pɛ sɛ tɛ̀ lɔkɔ bɔlɔshu shɔnɔ beeteli gɛ bakpɛ balɛishu nɛitití ana. Onupɛ balɔkɔ balɛishu asɛ banɔ gbagbla pɛ balɔkɔ balɛishu ashɔnɔ ishuɔ, betinu bebutinɛ.

Korintoanɛ 1 14:16

Onupɛ ɔɔkpɛ̀ Owusoso Akaa nɛinye nɛitití nɛ wɔ ɔfɔfuĩa nɔ, kiɖe anunɔ gɛ akpasɛ bagɛ begilũ kɛliesi mɛ abaɖɔ sɛ “Amen” ɔkɔ ahɔɛ gɛ ohuɔ, nɛ kibeɛ gɛ egilũ kibui nɔnɔ gɛ kɛlɛ wɔɖɔ niesiɛ dza?

Korintoanɛ 1 14:11

Klisoɔ onupɛ igilũ kibui tili esi gɛ anɔ teli aɖɔɔ, efu ete mɛinu ɔkɔ agɛ yɛaɖɔaɖɔ, kɛlɛ yɛtsyɛ enu efu akɔ mɛ ana.

Korintoanɛ 1 3:18

Nɔtɛ̀ wɔɛ wɔnɔshu. Onupɛ abhɛtɛ wɔnɔ mɛ anɔ teli asɛ enyi kibui nɛ obo kanɔ alɛ mɛ bubutì ulũɔ, etsyina edzì “awɔaga” sɛ tɛ̀ ebedzi ebutinɛ.

Korintoanɛ 1 2:13

Ebui alɛ bɔɖɔ, gɛnɛ banɔdzyrame ebui nɛ̀ bubutì balɔkɔ akasɛ bɔlɔ ɔdɔ̃ nɔ, pɔ gana ebuiɛ gɛ Ɔfɔfuĩa nɔ kasɛ bɔlɔ abha, gɛ ladalɛ ɔfɔfuĩa mɛ ebuiɛ gɛ lakpasɛ alɛ mɛ ɔganà ɔfɔfuĩa ebuiɖɔɖɔ mɛ.

Romanɛ 11:25

Ɛpɛ sɛ tɛ mɛkɔ noti kibui nɛ kibui kpukpũ ɛlɛ shu, tɛ notɛ ofeke ishu ɔsɛ nonyi ibui popopo. Kibuiɛ kɛlɛinu ɔsɛ, nɛ Israelanɛ teli atɔ̃ gagalĩ ibeɛ, kinu tɛtɔtɔɖɔ ɔsɛ onupɛ bamɔ̃ bagɛ betinu Yudanɛ tɛkaklàa gɛ aapɛ nɔɔ anaa, babàba Owusoso Akaa ɔkɔ.

Banɔkpɛkpɛ Axɔ̃ɛ 28:4

Gɛ banunɔ gɛ betsiɖi aƒumɛ ketukpɔ nabha amɔ eblidza gɛ akpɛ asɔ̃ nɛ yɛahɔkpɔɔ, betseɖe bagɔlɔ asɛ, “Anyɛ alɛ ebedzì anɔ gɛ eyianɔ, ɔmɔsɛ gɛ ebu yɛkpã eyinɔ nɛ aƒuɔ mɛ ebeke tsyɛɛ, beke kulu kebhu nɛ yɛ asɛ tɛ̀ atɛzã nɛkpã.”

Banɔkpɛkpɛ Axɔ̃ɛ 28:2

Banunɔ gɛ alɛ aƒumɛ ketukpɔ alɛ nabha abhɛtɛ ɛyamɛ gbangbã akɔ ɔlɔ. Bakpɛ kifú kɛlɛ bekulu bɔlɔ ɔsɛ bɔbaŋãlɛ ɛlɛ ɔmɔsɛ subha adɔ kɛlɛ bɔbɔlɔ zã.