Romanɛ 1:12 - Nyangbo New Testament

¹² Kɛgɛ ɛɖɔ, pɛ ɛpɛ nɔ, kɛlɛ inu sɛ tɛ bɔlɔkɔ bɔlɔ Owusoso Akaa abha tɛyɛyɛkɛŋãa kpɛ bagɔlɔ ohumi nɔ.

Romanɛ 1:12 Referans Kwoze

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Tito 1:4

Ɛlɔkɔ asɛsɛ wɔ Tito, mɛeyianyɛ gɛ ɔkpasɛ bɔlɔ tɛyɛyɛkɛŋã mɛ, Tibhui bhuibu nɛ̀ ishu yɔyɔ de Owusoso Akaa nɛ̀ Kristo Yesu gɛenu agɛ yɛebu ɔlɔ kɔ.

Korintoanɛ 2 7:13

Nɛ ebui alɛ nyɔ̃ɔ mɛ, bɔmɔ kemi kpɛkpɛ. Ɔlɔkɔ ɔplɛnɔ bɔlɔ kemikpɛkpɛ, kɛzã bɔlɔ uli nɛ kɛmɔ gɛ Tito tsyɛ amɔ sameɛ shu, ɔmɔsɛ wɔnɔ petee nɔkɔ yɛ ɔfɔfuĩa nɔ lodzi ɔvɔvɔ.

Romanɛ 15:32

sɛ tɛ nɛ Owusoso Akaa tɛpɛplɛnɔ mɛɛ, ɛbaku wɔnɔ ɔkɔ nɛ same kɛlɛ mɛ nɛ̀ wɔnɔ pete nɔ, tɛbɔkpɛ same nɛ bagɔlɔ shu.

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Yuda 1:3

Mɛbhia alɛ gɛ ɛdɛmɛ nɔ, gɛ kinù mɛ same ɔsɛ tɛ̀ mɛ fɔnɔ keplukpa akɔ ɔnɔ nɛ tibubuɔ gɛ bɔmɔ̃ shu tsyɛɛ, ɛmɔsɛ kɛlɛ ɔsɛ mɛ fɔnɔ keplukpa akɔ wɔnɔ tɛ̀ ɛlɔkɔ kpalà wɔnɔ ɔsɛ tɛ nɔkɔ tɛyɛyɛkɛŋã gɛ balɔkɔ akpɛ ahɔɛ akɔ bayɛyɛkɛŋã ku balɛ awɔ̃.

Yohanes 2 1:4

Kɛkɔ mɛ same gbagbla sɛ ɛmɔ wɔnɔ eyi alɛ teli sɛ bagã nɛ kibui gbã mɛ, asɛ kana gɛ Akaa akpɛ ɔsha akɔ wɔnɔ ana.

Timoteo 2 1:4

Ɛbakà ɛwɔmɛ gɛ ozobiɛ, kinu mɛ tɛpɛpɛ sɛ tɛ ɛmɔ wɔ, sɛ tɛ same eku mɛ tsyɛ.

Efesoanɛ 4:5

Apalete tenikpo, tɛyɛyɛkɛŋã tinikpo, bulĩkpɛkpɛ tunikpo,

Romanɛ 15:24

ɛtɔɖɔ sɛ tɛ mɛba wɔnɔ ɔkɔ nɛ kibeɛ gɛ ɛvɛ Spania. Kibui tɔtɔɖɔ kinu ɔsɛ tɛ mɛiku wɔnɔ ɔkɔ nɛ kibeɛ gɛ ɛfala pɛ ɛvɛɛ, kɛlɛ tɛ mɛbabisi tɛpɛplɛnɔ odenɔ wɔnɔ ɔkɔ nɛ kidzoɔ tɛgagã mɛ, onupɛ ɛzã wɔnɔ ɔbha kɛbɔɛ nɔ.

Romanɛ 1:11

Mɛ tɛpɛpɛ kɛlɛinu ɔsɛ tɛ mɛmɔ ɔnɔ, sɛ tɛ mɛlɔkɔ ɔfɔfuĩa mɛ bɔdɔ̃ kɔkɔ tuli kɔ ɔnɔ tɛ nɔmɔ ohumi.

Romanɛ 1:13

Mɛelɛ alɛ mɔ, ɛpɛ sɛ tɛ kɛzã tititì mɛ kɔ ɔnɔ ɔsɛ anɛ obo mɛtɔɖɔ wɔnɔ ɔkɔ tɛbaba ibui flogo (pɔ ɛgɛzɛmɔ ɛdzo ɔmana otsiɛ) tɛ mɛmɔ ɛdzo tɛ mɛibu atɔwui nɛ ɔnɔ mɛ, asɛ ibu gɛ itibu atɔwui teli gɛ letinu Yudanɛ nɛ ɛkɔ tili ana.