Romanɛ 1:11 - Nyangbo New Testament

¹¹ Mɛ tɛpɛpɛ kɛlɛinu ɔsɛ tɛ mɛmɔ ɔnɔ, sɛ tɛ mɛlɔkɔ ɔfɔfuĩa mɛ bɔdɔ̃ kɔkɔ tuli kɔ ɔnɔ tɛ nɔmɔ ohumi.

Romanɛ 1:11 Referans Kwoze

Petro 2 1:12

Klisoɔ ɛba zɛbakà wɔnɔ kibè nyia bè nɛ ebui alɛ shu, gɛ nɔonyi alɛ pɛ nɔkpɛ igu nɛ kibui gbã gɛ nɔyɛkɛ mɛ tsyɛ flogo.

Romanɛ 16:25

Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Tesalonikanɛ 2 3:3

Pɔ Apaleteɛ atɛasɛ asɛnɛ, abakpɛ wɔnɔ ohumi kɛlɛ ebebu wɔnɔ odenɔ anɔ kpa ahɔɛ mɛ.

Romanɛ 15:29

Inyi sɛ ɛbaku wɔnɔ ɔkɔɔ, ɛbalɔkɔ Kristo yɛtiyuyula gɛ lɛ Yɛibui Gbangbã mɛ mana wɔnɔ nɛ tikpekpè mɛ.

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Tesalonikanɛ 2 2:17

abakpɛ wɔnɔ kitúɔ niemi pɛ abakɔ wɔnɔ ohumi nɛ kɛxɔ̃ɛ gbangbã ka nyia ka wɔawɔa nɛ kibuiɛ mɛ.

Banɔkpɛkpɛ Axɔ̃ɛ 19:6

Gɛ Paulo atɔɖɔ yɛhɔɛ nɛ balɛ abha koɔ, Ɔfɔfuĩa Gbangbã ɔba balɛ abha kɛlɛ baɖɔaɖɔ nɛ beluhũ vɔvɔ mɛ pɛ baɖɔ ebui elú.

Banɔkpɛkpɛ Axɔ̃ɛ 16:5

Kliso bakɔ ɔhaa amɔ ohumi nɛ balɛ tɛyɛyɛkɛŋã mɛ kɛlɛ balɛ tɛkaklà mɛ zikpè tɔɖɔ kibe nyia be.

Tesalonikanɛ 1 3:13

Tɛ̀ Yesu akpɛ wɔnɔ etúɔ ohumi sɛ tɛ betibu wɔnɔɛpɔ tɛ wɔnɔ shu dalɛ nɛ Owusoso Akaa namɛ gɛ onupɛ bɔlɔ Apalete Yesu aba nɛ yɛ̀ banɔ dadalɛ petee.

Tesalonikanɛ 1 3:2

Bɔsɛsɛ Timoteo, gɛenu bɔlɔ adzya nɛ̀ Owusoso Akaa axɔ̃ɛwɔa ɔkɔ Kristo yɛibuiɛ tɛkakanà, sɛ tɛ akpɛ wɔnɔ ohumi nɛ̀ tɛ̀ akpɛ wɔnɔ kemi nɛ wɔnɔ tɛyɛyɛkɛŋã mɛ,

Filipianɛ 4:1

Mɛadzya alɛ mɔ, wɔnɔ agɛ ɛdɛmɛ nɔ pɛ ɛpɛ ɔnɔ amɛ sɛ mɔ, wɔnɔ agɛ onu mɛ same nɛ̀ kabha ŋaŋã ikutu, kana kɛlɛ sɛ nɔzã gagalĩi nɛ Apaleteɛ mɛ, mɛ ɔbhia alɛ gɛ ɛdɛmɛ nɔ!

Filipianɛ 2:26

Edzè gɛ aka mɔ ɔnɔ ɖi, kɛlɛ ɔwɔ̃nyɔnɔ ɔkpasɛ yɛ mɛ ɔmɔsɛ nɔolũ ɔsɛ yɛishumɛ zĩ.

Filipianɛ 1:8

Owusoso Akaa abalà dalɛ ɛlɛ mɛ nɛ kana gɛ ɛpɛ sɛ mɔ̃ ɔnɔ nɛ̀ tɛdɛdɛmɛ nɔ gɛlɛ Kristo Yesu mɛ.

Korintoanɛ 2 9:14

Kɛlɛ nɛ balɛ Owusoso Akaa tikukulu nɛ wɔnɔɛtakpu soɔ, balɛ etúɔ mɛ abazã wɔnɔ shu, nɛ tibhui bhuibuɔ gɛdɛ kɛka nyia ka gɛ Owusoso Akaa alɔkɔ akɔ wɔnɔ shu so.

Korintoanɛ 2 1:21

Otsi nɔ, Owusoso Akaa yɛabhɛtɛ ɔlɔ pɛ budzi gagalĩ nɛ Kristo mɛ. Asra bɔbɔ akɔ ɔlɔ,

Romanɛ 15:32

sɛ tɛ nɛ Owusoso Akaa tɛpɛplɛnɔ mɛɛ, ɛbaku wɔnɔ ɔkɔ nɛ same kɛlɛ mɛ nɛ̀ wɔnɔ pete nɔ, tɛbɔkpɛ same nɛ bagɔlɔ shu.

Romanɛ 15:23

Otsi alɛ gɛ mɛaxɔ̃ɛ ebelè pɛ ɛtɛkadɛ ɔkɔ na nà nɛ kɛma ɛlɛ mɛɛ, kɛlɛ agɔ gelee nɛ alɛ gɛ kinu mɛ tɛpɛpɛ sɛ tɛ mɛbaɖi unɔɔ,

Banɔkpɛkpɛ Axɔ̃ɛ 19:21

Gɛ alɛ nyɔ̃ɔ aba ɛlɛ mɛ ebekeɛ, Paulo abatɔɖɔ ɛlɛ ɔsɛ tɛ adɛgã Makedonia nɛ̀ Axaya tɛ avɛ Yerusalem. Aɖɔ asɛ, “Onupɛ ɛdɛ Yerusalem aba koɔ, ɛbadiɖi Roma tsyɛ.

Hebrianɛ 13:9

Nɔtɛkɔ ɔsɛ bɔdɔ̃ kakasɛ ka nyia ka ɛdi zɛgbana ɔnɔ. Kɛpɛ ɔkɔ ɔlɔ etúɔ asɛ tɛ lamɔ ohumi ɔgana tibhui bhuibu mɛ, pɔ anɛ bɔŋaŋã ɔsha gɛ ɛlɛ beshu pɛ lɛ tɛ plɛnɔ banunɔ gɛ baŋã ɔdɔ̃.

Korintoanɛ 2 11:4

Ɔmɔsɛ onupɛ anɔ teli aba wɔnɔ ɔkɔ pɛ abaɖɔ kibui nɛ Yesu teli shu ɔdɛ agɛ yɛ shu bɔɖɔ kaɖɔɔ, alo onupɛ nɔyɛkɛ ɔfɔfuĩa bhlatɔ ɔdɛ ɔgɛ ɔlɛ nɔtɛyɛkɛ shuɔ, alo kibui gbangbã bhlatɔ gɛ kɛgã ɔtɔ denɔ kɛgɛ kɛlɛ nɔtɛ yɛkɛ shuɔ, kɛlɛ notsyina tsiɔ̃ faanɔ.

Romanɛ 1:12

Kɛgɛ ɛɖɔ, pɛ ɛpɛ nɔ, kɛlɛ inu sɛ tɛ bɔlɔkɔ bɔlɔ Owusoso Akaa abha tɛyɛyɛkɛŋãa kpɛ bagɔlɔ ohumi nɔ.

Korintoanɛ 2 1:15

Kliso ɛyɛkɛ kɛlɛ abha ɔŋã, ɛtɔɖɔ ɛlɛ sɛ tɛ ɛbaɖí wɔnɔ putɔnɔ sɛ tɛ nɔmɔ ebui gbangbã taabha odenɔ kɛlɛ mɛ.