Petro 2 1:4 - Nyangbo New Testament

⁴ Ɔganà alɛ mɛɛ, akɔ ɔlɔ yɛɔdɔ̃ gbagbla nɛ̀ bɔgbangbã gɛ atɔɖɔ elu akɔ ɔlɔ, sɛ tɛ̀ ɔganà bɔlɛ mɛɛ, ɔbàzã yɛohumi nɔ mɛ, tɛ̀ kɛkɔ ɔsɛ nɔobu tɛtsɛɖɛ mɛ ɔshɛ̃ nɛ kanɔ mɛ ebui tsɔtsɔmɔ̃ gɛide kalɛ bɔdɔ̃ pɛpɛ nɔ mɛ.

Petro 2 1:4 Referans Kwoze

Korintoanɛ 2 3:18

Kɛlɛ bɔlɔ gɛ bagɛ tɔɖɔ kɛpɔtɛ nɛ bɔlɔ amɛ butsé nɛ̀ Apaleteɛ tɛdadalɛ, betsyina bɔlɔ akpɛ yɛ tɛzazã mɛ, nɛ̀ tɛdadalɛ gɛikpè tɔɖɔ, gɛide Apaleteɛ ɔkɔ, anɔ gɛenu Ɔfɔfuĩa nɔ ɔkɔɔ.

Koloseanɛ 3:10

pɛ nɔlɔkɔ ɛkpã vɔvɔ ɔkpɛ, gɛ babhɛtɛ ɛlɛ avɔvɔ nɛ̀ kibuititì nɛ agɛ yɛabhɛtɛ kanɔ nɔ̀ kedzi avɔvɔ tɛzazã mɛ.

Hebrianɛ 12:10

Nɛ kibe gulũi tili mɛɛ, bɔlɔ akaa alɛ akɔ ɔlɔ atɔ̃ pɔpɔ nɛ kɛpɛ gɛ bapɛ ulũ. Owusoso Akaa xɔnɔ àpɔ ɔlɔ atɔ̃ asɛ tɛ bɔpɛ, tɛ bɔbazã yɛtɛdadalɛ mɛ.

Yohanes 1 3:2

Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Korintoanɛ 2 6:17

Klisoɔ nokoeyi nɛ balɛishi tɛ nobu ɔtɔ, kana Apaleteɛ aɖɔ. Nɔoti hunu kɛnanà gɛ kɛlɛishu gɛdalɛ, kɛlɛ ɛbayɛkɛ wɔnɔ.”

Galatianɛ 6:8

Anunɔ gɛ aɖa bɔdɔ̃ sɛ tɛ eku yɛebui kpa gɛ abhɛtɛ nawɔ̃ɔ, denɔ kibui kpa ɛlɛ mɛɛ, ebedzyinì butsí, anunɔ gɛ aɖa bɔdɔ̃ sɛ tɛ eku Ɔfɔfuĩa nɔ awɔ̃ɔ xɔnɔɔ, denɔ Ɔfɔfuĩa nɔ mɛɛ, abamɔ ɛkpã tihɔɔ.

Yohanes 1 2:25

Kɛlɛ kɛgɛ atɔɖɔ elú akɔ bɔlɔ kɛlɛinu, ɛkpã gɛlɛ tihɔɔ nɔ.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Hebrianɛ 9:15

Nɛ kidzo ɛlɛ nabhaa, Kristo edzi iboe evuvũ akɔ olũgbu nyanyã vɔvɔ ɔlɛ, sɛ tɛ bagɛ bekuluɔ tɛ bamɔ kaŋãsi tihɔɔ ayɛkɛ nɛ tɛtɔtɔɖɔ nulũ, Kristo ebetsí sɛ tɛ ebu balɛ eyinɔ nɛ balɛ ebui kpaa gɛ babhɛtɛ nɛ olugbũ nyanyã gɛ oputɔ nɛibeɛ.

Korintoanɛ 2 1:20

Kikpè gɛ Owusoso Akaa ebui ɖɔɖɔ luɔ zikpè kɔ ɔlɔ tsyɛ elo, lɛenu “Ee” nɛ Kristo mɛ. Kliso ɔgana yɛabhaa, bɔɖɔ “Amen” ɔkɔ Owusoso Akaa nɛinye shu tɛdadalɛ.

Galatianɛ 3:16

Baɖɔ ebuiɛ gɛ batɔɖɔ eluɔ etseɖe Abraham nɛ̀ yɛeshui alɛ. Kibuiɛ gɛ bafɔnɔ eluɔ gɛɖɔ ɔsɛ “ɔkɔ wɔ beshui alɛ” gɛ kɛlɛ esi kɛlɛinu ɔsɛ banɔ kpekpèɛ, pɔ kɛɖɔsɛ, “nɛ̀ wɔ eshui nɔ,” gɛ kɛlɛ esi ɔsɛ enu anɔ tenikpo, gɛenu Kristoɔ.

Romanɛ 9:4

gɛenu Israelanɛ, nɛ ɛtakpu. Balɛ Owusoso Akaa etsyina ayɛkɛ asɛ beyi pɛ ebu yɛishu dadalɛ akasɛ alɛ, anya olugbũ nɛ̀ balɛ pɛ bayɛkɛ yɛɔshaa, akasɛ alɛ kɛtakpu esi ɔkpɛkɔ, nɛ̀ yɛebui tɔtɔɖɔ olu ɔkɔ alɛ.

Efesoanɛ 4:13

odiyinɔ ɔsɛ bɔlɔ petee tɔnɔ tenikpo bhɛbhɛtɛ nɛ tɛyɛyɛkɛŋã mɛ, nɛ̀ Owusoso Akaa Yɛeyiɛ kibuititiɛ mɛ pɛ bushè, pɛ bɔlɔ tɛzazã petee tsyinà gɛ ná nɛ Kristo mɛ.

Yakobo 1:27

Kɛtakpu esi kpɛkpɛ gɛ kɛli shu bhui pɛ kibo nanà ma kɛlɛishu, nɛ bɔlɔ Owusoso Akaa namɛɛ nu ɔsɛ tɛ nɔplɛnɔ batsyãnbhi nɛ̀ bavɛvɛ edzini nɛ balɛ ɔtɔ mɛ. Kɛlɛ tɛ anɔ alà yɛishu ebu nɛ kanɔ mɛ ebuiɛ gɛ letuturu anunɔɔ mɛ.

Petro 2 3:9

Anɛ gɛ Apaleteɛ atɛ ahɔa nɛ yɛ tɛtɔtɔɖɔ shu asɛ ilũɔ gɛ beteli elu tɛmahɔa mahɔa esi anà. Adɔ fɔ̃ɔ kɔ ɔnɔ, gɛ atɛ apɛ asɛ tɛ̀ ananà ɛkpã zĩ, pɔ tɛ̀ aka nyia aka etsyinà yɛitúɔ mɛ.

Petro 2 3:13

Pɔ gɛ bupo kɛgɛ Owusoso Akaa atɔɖɔ eluɔ soɔ, buuɖì kidzo mɛ tsyɛ ɔkɔ kititì vɔvɔ nɛ̀ kesiakpa vɔvɔ, bɔpã lɛ mɛ̀ gɛ ebui gbangbã bhɛbhɛtɛ̀ alɛ.