Petro 2 1:3 - Nyangbo New Testament

³ Yɛohumi nɔ ɔkɔ ɔlɔ kɛka nyia ka gɛ bɔɔpɛ ɔkɔ ɔlɔ ɛkpã nɛ̀ Akaa mɛ tɛzazã, ɔganà kanà gɛ bɔbatì yɛ gɛ ekulu ɔlɔ amanà yɛishu dadalɛ nɛ̀ yɛebui gbangbã mɛ.

Petro 2 1:3 Referans Kwoze

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Timoteo 2 1:9

anɔ gɛ yɛebu ɔlɔ pɛ ekulu bɔlɔ amana ɛkpã gɛ ɛlishu dalɛ mɛ, gɛnɛ kɛnanà gɛ bɔbhɛtɛ shu so, pɔ nɛ yɛ tɛtɔtɔɖɔ nɛ̀ tibhui bhuibuɔ shu so. Bakɔ ɔlɔ tibhui bhuibu ɛlɛ nɛ Kristo Yesu mɛ flogo pɛ kanɔ alɛ mɛ abakpɛ esi,

Romanɛ 8:32

Owusoso Akaa alɛ gɛ agɛkɔ ɛtakpu asɛ atɛ ashɛnɛ ahɔɛ nɛ Yɛeyiɛ shu, pɔ ashɛnɛ ahɔɛ nɛ yɛishu akɔ ɔlɔ petee nɔ, kiɖeso pɛ atɛ alɔkɔ bɔdɔ̃ pete tsyɛ aplɛnɔ akɔ ɔlɔ nɛ̀ sameɛ dza?

Korintoanɛ 2 12:9

Pɔ etseɖe mɛasɛ, “Mɛ tibhui bhuibuɔ kpè kɔ wɔnɔ, ɔmɔsɛ mɛ ohuminɔ ɔna denɔ tibobotsòɔ mɛ.” Klisoɔ ɛbatũ mɛitelũ tɔɖɔ nɛ̀ same nɛ mɛ tibobotsò nulũ, sɛ tɛ Kristo yɛohumi nɔ zã mɛabha.

Petro 1 2:21

Kibui ɛlɛ shu so pɛ bekulu wɔnɔ, ɔmɔsɛ Kristo atɔ nɛ wɔnɔ ɛtakpu, kɛlɛ abhɛtɛ kɛlɛ akasɛ wɔnɔ, ɔsɛ tɛ̀ wɔnɔ tsyɛ ɔgã asɛ gɛ agã ana.

Tesalonikanɛ 2 2:14

Ekulu wɔnɔ akpɛ kɛxɔ̃ɛ ɛlɛ mɛ ɔgana kibui gbangbã mɛ, sɛ tɛ nɔmɔ tɛdadalɛ gɛ kpasɛ ɔlɔ Apalete Yesu Kristoɔ mɛ.

Petro 1 2:9

Pɔ nɔonu banɔ gɛ bebú elú, bukusi ɔŋakɔ gɛ nɔonu ekusi, kɛmadi gɛdalɛ, banɔ gɛ benu Owusoso Akaa ayɛ, sɛ tɛ nɔɖɔaɖɔ ɔkpɛ anunɔ gɛ ekulu wɔnɔ yɛinyeɛ nɛitití, anunɔ gɛ ebu wɔnɔ eyinɔ odenɔ otumũɔ mɛ amana tɛdadalɛ gɛ bhɛtɛ ibiɛ mɛ.

Tesalonikanɛ 1 2:12

pɛ bɔkpɛ wɔnɔ kemi, bɔyɔ wɔnɔ ishuɔ mɛ̀ pɛ bɔkpalà wɔnɔ ɔsɛ tɛ nɔza nɛ̀ ɛkpã gɛ pɛ ɔkɔ Owusoso Akaa, anɔ gɛ yɛekulu wɔnɔ ɔkpɛ yɛ bukusiŋaŋã nɛ̀ tɛdadalɛ mɛ.

Tesalonikanɛ 1 4:7

Ɔmɔsɛ Owusoso Akaa egi kulu bɔlɔ asɛ bututru shu, pɔ tɛ bɔza nɛ ɛkpã gɛ ɛlɛ shu dalɛ.

Petro 1 1:15

Pɔ asɛ gɛ agɛ yɛekulu wɔnɔ shu dalɛ anaa, kana nɔkɔ wɔnɔ tsyɛ shu dalɛ nɛ kɛka nyia ka gɛ nɔbhɛtɛ mɛ,

Efesoanɛ 4:1

Asɛ ɔɖavũ mɛ azazã ɔkɔ Apaleteɛ anaa, ɛkpalà ɔnɔ sɛ tɛ nɔzã nɛ ɛkpã nɔnɔ gɛ shɔnɔ tikukuluɔ gɛ nɔyɛkɛ nulũ.

Korintoanɛ 1 1:9

Owusoso Akaa gɛ yɛekulu wɔnɔ akɔ ɔhakpɛkpɛ nɛ̀ Yɛeyianyɛ Yesu Kristo gɛenu bɔlɔ Apaleteɛ, enu kibui gɛlɛ kɛlɛ ɔzãkɔ abhɛbhɛtɛ elete.

Petro 2 1:2

Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ ɔganà Owusoso Akaa nɛ̀ bɔlɔ Apalete Yesu kibui titìɛ mɛ̀.

Petro 2 1:5

Kibui ɛlɛ shu soɔ, nɔga kidzo ka nyia ka abha tɛ̀ nɔlɔkɔ kibui gbangbã plɛnɔ tɛyɛyɛkɛŋã tɛ̀ ebui gbangbã tsyɛ plɛnɔ kibuititì,

Petro 1 3:9

Nɔtɛ lɔkɔ kibui kpa ɔlɔkɔ buia kɛbhɛ ɔkɔ kibui kpa nɔ, alo nɔtsɛɖakɛ̀ aklɔatu, pɔ nɔoyulà ɔkɔ bagɔlɔ, ɔmɔsɛ kibui ɛlɛ shu so pɛ bekulu wɔnɔ sɛ tɛ̀ nɔbɔmɔ tiyuyulà.

Koloseanɛ 1:16

Ɔmɔsɛ ɔganà yɛabha babhɛtɛ bɔdɔ̃ɔ petee, kititì ɔdɔ̃ nɛ̀ kesiakpa abha ɔyɛ, bɔgɛ bamɔ̃ nɛ̀ awuhũ nɛ̀ bɔgɛ batɛ amɔ̃, edzì asɛ beekusi ugbu alo ihumi elete alo beekusi alo ɔshakɔkɔ tsyɛ elo, yɛabhɛtɛ ɔdɔ̃ petee kɛlɛ bɔlɛ kɔɛ.

Timoteo 1 4:8

Ɔmɔsɛ kedzì yɛyɛkɛ tieli idi akpasɛ ishu dzya bɔdɔ̃ kakasɛ mɛ, pɔ Owusoso Akaa mɛ tɛzazã yɛkɛ kedzi ɔkɔ bɔdɔ̃ petee, kɛgɛ nyanã kibuiɛ gɛ batɔɖɔ elu ɔkɔ obo kanɔ alɛ, nɛ̀ kanɔ nɔ gɛ kababa mɛ ovunɔ.

Efesoanɛ 4:4

Ishudzya tinikpo nɛ̀ Ɔfɔfuĩa tonikpo ɔlɔ lɛ, asɛ kana gɛ bekulu ɔnɔ akɔ kidzo mɛ ɖiɖi tinikpo nɛ kibeɛ gɛ bekulu ɔnɔ.

Filipianɛ 4:8

Gɔgɔɛ nɔ, mɛadzya alɛ mɔ, kɛnɔnɔ gɛ lɛ ɛlɛ ɔzãkɔ, kɛnɔnɔ gɛ dzã kiwuhũ, kɛnɔnɔ gɛ pɛ̃, kɛnɔnɔ gɛ ɛlɛ shu dalɛ̃, kɛnɔnɔ gɛlɛ sɛ badɛmɛ nɔ, kɛnɔnɔ gɛ kiku anɔ same, onupɛ kibui gbangbã tili, kɛpɛ̃ ɔsɛ bakpɛ ɛlɛ nɛititíɛ, nɔ bhɛtɛ ekpeɖekpeɖe mɛ nɛ alɛ nɛidi shu.

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Petro 1 1:5

banɔ gɛ ɔgana tɛyɛyɛkɛŋã mɛ balɔkɔ Owusoso Akaa ohumi nɔ akpɛ ɔkã nɛ wɔnɔ shu, ɔvɛnɔ kibeɛ gɛ anɔ tibubuɔ gɛ babalɛ elu akɔ nɛ ewui gɔgɔɛ mɛ babà.

Romanɛ 9:24

bɔlɔ gɛinu yɛanɔ kukulu tsyɛ elo, anɛ bagɛ benu Yudanɛ ete, pɔ denɔ banunɔ gɛ betinu Yudanɛ tsyɛ mɛɛ dza?

Filipianɛ 3:8

Kɛgɛ zɛdɛɛ, ɛlɔkɔ ɛlɛ sɛ ɛgɛ mɔ̃ kɛnanà odenɔ kɛxɔ̃ɛ ɛlɛ mɛ, nɛ gɛinu kibui hohoe ɔdɛ ɔkɔmɛ sɛ ɛmɔ̃ Kristo Yesu gɛenu mɛ Apaleteɛ gɛ yɛ shu so pɛ ɛga mɔ̃ kɛdɔ̃ nanà nɔ. Ɛmɔ ebui alɛ sɛ tɛwɔnɔ̃ ete lenu sɛ tɛ ɛmɔ̃ Kristo

Petro 2 1:6

kɛlɛ tɛ̀ kibuititiɛ plɛnɔ ishu abha ŋaŋã, ishu abha ŋaŋã, kemi kpɛkpɛ, tɛ̀ kemi kpɛkpɛ aplɛnɔ Akaa mɛ tɛzazã,

Petro 2 1:8

Ɔmɔsɛ onupɛ ɛkpã gbangbã ɛlɛ nɛidi lɛ wɔnɔ ahɔɛ nɛ tikpekpè mɛɛ, kɛbà kɔ ɔsɛ wɔnɔ axɔ̃ɛ wɔawɔa avɛ kabha nɛ bɔlɔ Apalete Yesu Kristo yɛibui titìɛ mɛ.

Petro 2 1:10

Klisoɔ, mɛadzya alɛ mɔ, nɔ owlui ɔkpɛ emi gagalĩ tɛ kɛkasɛ ɔsɛ wɔnɔ tikukuluɔ nɛ̀ tibubuɔ lɛ ɛlɛ ɔzakɔ. Ɔmɔsɛ onupɛ nɔbhɛtɛ̀ ana, nɔtɛ bɔdɔ̃ oboe oɖi,

Petro 2 2:20

Onupɛ bebu tɛtsɛɖɛ mɛ ashɛ nɛ kanɔ alɛ mɛ ebui kpa bhɛbhɛtɛ shu pɛ bebetì Apalete Yesu pɛ banyana yɛ mɛ evunɔ gagalĩ pɛ bezetsodzì avɛ ɛkpã kpa gɛ ɛlɛ batɛzã mɛɛ eɖi pɛ lɛŋã alɛ abha, kidegba ɛkpã gɛ babà zanàa bazĩ ɔdɛ ɛgɛ batɛzã bafala nɔ.

Petro 2 3:18

Pɔ nɔzã ɛlɛ tɛ nozoshè nɛ tibhui bhuibuɔ nɛ̀ bubutiɛ gɛ Apaleteɛ Yesu Kristo gɛ ayɛkɛ akɔ bɔlɔ mɛ. Yɛ bakɔ ishu dadalɛ odenɔ otsiɛ, ɔvɛnɔ tihɔɔ! Amen.