Petro 1 5:9 - Nyangbo New Testament

⁹ Nɔlɔɛtití nɛishu, tɛ̀ nɔzã gagalĩ nɛ tɛyɛyɛkɛŋã mɛ, ɔmɔsɛ nɔonyi ɔsɛ wɔnɔ adzya alɛ nɛ kanɔ nɔ̀ mɛ petee tsyɛ bagã bɔtɔ ɔlɛ nɛidi mɛ.

Petro 1 5:9 Referans Kwoze

Yakobo 4:7

Nozhinɔ ɔnɔ ishu esi ɔkɔ Owusoso Akaa. Nɔ lɔɛtití nɛ Abosam shu tɛ ebu tɛtsɛɖɛ mɛ ashɛ nɛ ɔnɔ ɔbha.

Banɔkpɛkpɛ Axɔ̃ɛ 14:22

pɛ bazakpɛ badɔkpasɛnɛ ohumi nɛ̀ kemi tɛ̀ bazã tɛyɛyɛkɛŋã gɛinu kibui gbã nabha. “Kɛlɛ ɔsɛ bɔgã bɔtɔ̀ gele mɛ flogo tɛ bɔmɔ kidzo ɔvɛ Owusoso Akaa bukusi ŋaŋã mɛ.”

Petro 1 2:21

Kibui ɛlɛ shu so pɛ bekulu wɔnɔ, ɔmɔsɛ Kristo atɔ nɛ wɔnɔ ɛtakpu, kɛlɛ abhɛtɛ kɛlɛ akasɛ wɔnɔ, ɔsɛ tɛ̀ wɔnɔ tsyɛ ɔgã asɛ gɛ agã ana.

Korintoanɛ 1 10:13

Kibui nanà tifeke wɔɖi ɔdɛ kibui nɔnɔ gɛŋã anɔ ka nyia ka abha. Pɔ Owusoso Akaa xɔnɔ abhɛtɛ kibui gbã, atɛ bakɔ tifefekeɖi nɔnɔ gɛ kɛbà dɛwɔ ba wɔabha. Pɔ onupɛ befeke wɔ eɖiɛ, abapɛ kidzo nɔnɔ abha gɛ ɔbɔgã pɛ obokoeyì nɛ kɛlɛ mɛ.

Timoteo 2 3:12

Nɛ kibui gbã mɛɛ, babatɔnɔ anɔ ka nyia ka gɛ apɛ asɛ tɛ azãna ɛkpã kɔ Owusoso Akaa nɛ̀ Yesu Kristoɔ niede,

Efesoanɛ 6:16

Ɔlɔkɔ plɛnɔ ebui alɛ petee nɔ, nɔ lɔkɔ ɔɖaɛtɛ̃ gɛinu tɛyɛyɛkɛŋã, gɛ ɛlɛ nɔbɔ lɔkɔ olĩ ɔpɔ̃ɛ ifuɔ gɛide anɔ zizĩɛ ɔkɔ ɔbaa.

Petro 1 3:14

Pɔ onupɛ edzi asɛ kɛlɛ sɛ ɔmɔ bɔtɔ nɛ kibui gɛpɛ tɛbhɛbhɛtɛ shu tsyɛ elo, beyulà ɔkɔ wɔnɔ. “Nɔotɛ osifù nɛ̀ kɛgɛ kɛlɛ besì kifù nɔɔ, nɔtɛkɔ kifù yi wɔnɔ.”

Hebrianɛ 11:33

kɛlɛ denɔ balɛ tɛyɛyɛkɛŋã mɛɛ, beté ɛmadi, bekulu bubhu, kɛlɛ bayɛkɛ kɛgɛ batɔɖɔ elu akɔ alɛ, kɛlɛ teli xɔnɔ badzyata ilugbũ bazanyana amɔnɔ̃,

Timoteo 1 6:12

Bu tɛyɛyɛkɛŋã tɛtsɛɖɛ gbangbã mɛ. Nyana kanɔ tihɔɔ ɛkpã mɛ ovunɔ, agɛ alɛ shu bekulu wɔ nɛ kibeɛ gɛ ɔdalɛ ishumɛ nɛ banɔ kpekpèɛ gɛ bazã mɔ ebuiɛ namɛ.

Tesalonikanɛ 1 3:3

sɛ tɛ ananà atɛba mɔ ɔwɔ̃nyɔnɔ denɔ tifefekeɖi lɛ mɛ. Ɔmɔsɛ nonyi piapii ɔsɛ babhɛtɛ bɔlɔ ɔkɔ tifefekeɖi ebui alɛ.

Efesoanɛ 4:27

kɛlɛ tɛkɔ abosam ɔtsɛɖɛ odzukɔ nanà.

Kibui Bubú Kasɛ 6:11

Kɛlɛ balɔkɔ akpɛkpɛ dzlolo fufu akɔ balɛ mɛ anɔ nyia anɔ, kɛlɛ betseɖe alɛ asɛ, bewlui adɔfɔ̃ kɛbɔɛ ɔvɛnɔ kibeɛ gɛ beyí balɛ ɔhagbo baxɔ̃ɛdɛ nɛ̀ balɛ adzya alɛ gɔgɔ̃ɛ nɔ gɛ batɔɖɔ asɛ bebèyíɛ ebeke.

Petro 1 4:13

Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

Petro 1 1:6

Nɛ alɛ mɛ nɔmɔ same hohoe, pɔ otsiɛ nɔ, agɔ kibè gulũi gɛ nɔbɔ mɔ̃ ɔwɔ̃nyɔnɔ nɛ tifefekeɖi ediedi mɛ.

Koloseanɛ 2:5

Ɛma ɔnɔ ɔbha nɛ ishupi mɛ tsyɛ elo, ɛlɛ wɔnɔ ɔbha nɛ ɔfɔfuĩa xɔnɔ mɛ, kɛlɛ ɛpɛ sɛ mɛitì kɛlɛ gɛ wɔnɔ tɛyɛyɛkɛŋã lɛ gagalĩ nɛ Kristoɔ mɛ.

Kibui Bubú Kasɛ 7:14

Ibuiliulũ asɛ, “Apalete, wonyi.” Kɛlɛ aɖɔ asɛ, “Balɛ enu banunɔ gɛ bagã ekoeyì nɛ bɔtɔ gagalĩɛ mɛ, pɛ beplu balɛ akpɛkpɛ dzloloɔ, pɛ babhɛtɛ alɛ befuli frɛrɛrɛ nɛ Obhoshieyiɛ dzyosu nɔ mɛ.

Kibui Bubú Kasɛ 1:9

Mɛ, wɔnɔ adzya Yohanɛs, gɛ bɔzã itsu nɛ bɔtɔ mɛ pɛ bɔkpɛ emi, dɔ fɔ̃ɔ ɔkɔ bukusiɛ gɛinu ɔlɔ ɔyɛ ɔgana Yesu mɛ, ɛzã Patmo bulĩetukpɔ nabha, nɛ Owusoso Akaa ibuiɛ gɛ ɛɖɔ dalɛ Yesu shu so.

Timoteo 2 4:7

Ɛta keyu gbangbã, ibu tɛtsɛɖɛ mɛ beke, ɛnyana mɛ tɛyɛyɛkɛŋã mɛ vunɔ.

Hebrianɛ 12:8

Onupɛ bagɛpɔ wɔatɔ̃ (kɛlɛ anɔ nyia anɔ pɔɔ, azã batɔ̃ pɔpɔ̃ esi), kɛlɛ notinu bɔpã mɛeyi, ɔma mɛ eyi nonu.