Petro 1 5:2 - Nyangbo New Testament

² Nɔodzì ibhoshì agbagbana elete ɔkɔ Owusoso Akaa ibhoshiɛ gɛ bakpɛ nɛ wɔnɔ ahɔɛ, asɛ baxɔ̃ɛdɛ gɛeɖi bɔdɔ̃ abha ana, gɛnɛ sɛ kibui gɛ batɔɖɔ akɔ wɔnɔ, pɔ kibui gɛ nɔdɛmɛ ɔsɛ nɔbɔ bhɛtɛ̀ asɛ kana gɛ Owusoso Akaa apɛ asɛ nɔbhɛtɛ ɛlɛ ana, gɛnɛ tɛ̀ nɔpɛ ehoeyi ɔkɔ ishu, pɔ tɛ̀ nɔdɛmɛ ɔsɛ ɔbɔ ɔdɛ kɛxɔ̃ɛ,

Petro 1 5:2 Referans Kwoze

Tito 1:7

Gɛ balɔkɔ Owusoso Akaa ɛxɔ̃ɛ akpɛ osofo ahɔɛ soɔ, kɛma sɛ tɛ bamɛ tsitsí ebui azã yɛishu-kɛma ɔsɛ tɛ eze feke yɛishu, etidzi anɔ gɛ akpɛ ɔmɔpɔɛ nɛ ebui mɛ, etidzi enuwɔ̃ɛ, etidzi ebelapɛ, etidzi anɔ gɛ apɛ kanɔ mɛ ɔdɔ̃ ɔgana kidzo kpa abha.

Timoteo 1 3:8

Nɛidzo ɛlɛ nabha, ɔhamɛ ɛzãkɔ bhlui eleteɛ tsyɛ, kɛlɛ sɛ bedzi banyɛ gɛ badɛmɛ alɛ ibui, banɔ gɛ baɖɔ kibui gbã, batɛ lɔkɔ ishu ɔkpɛ bunu gbagbla tɛwɔɛwɔɛ mɛ, pɛ batɛ kpatɔnɔ bɔdɔ̃ pɛpɛ gana edzo kpa abha.

Tito 3:1

Baka banunɔ ɔsɛ bezhinì ishu esi akɔ bekusiɛ nɛ̀ ɔshaeleteɛ, tɛ belũ atɔ̃, tɛ babalɛ elù asɛ babà abhɛtɛ kibui gbangbã,

Timoteo 1 3:3

anɔ gɛ agɛ lɔkɔ yɛishu akɔ bunù gbagbla tɛwɔɛwɔɛ, etidzi agbagbà ebui bhɛbhɛtɛ elete pɔ edzì anɔ yɔyɔ, etidzi ebela pɛelete, pɛ adzã kiwuhũ nɛ ehoeyi shu.

Korintoanɛ 1 9:7

Keyuadɛ ɖuwoelu gɛ awɔa kɛxɔ̃ɛ pɛ azabuia kɛbhɛ akɔ ishu dza? Afana gɛ adɛ wain bɔyɛ pɛ atɛ aŋã yɛ eyuyuɔ dza? Afana gɛ elú ibhoshì pɛ atɛ awɔ̃ɛ ɛlɛ kɛmɔlĩɛ dza?

Petro 2 2:3

Nɛ balɛ awuhũ dzadzã nɛ bɔdɔ̃ shu soɔ, asɛnɛ badɔkasɛ alɛ abalɔkɔ alɛ ɛdzɛdzɛ gɛ bafatɛ zhinì wɔnɔ kpɛ nɔ. Balɛ ɛpɔ bubuɔ dzi po alɛ kukuku, kɛlɛ kɛgɛ bayì alɛ, lɛ nɛ̀ awɔ̃.

Hebrianɛ 12:15

Nɔnyana ishu piapii sɛ tɛ noti tsodzi nɛ Owusoso Akaa tibhui bhuibuɔ shu. Nɛ kidzo ɛlɛ nabhaa anɔ nanà atɛzã asɛ tɛwɔa kɛtɛtɛ́ gɛ tishè pɛ tɛlɔkɔ ɛlɛ abɔɛ zĩ udɔ̃ gelee nɔ ana.

Tito 1:11

Kɛlɛ sɛ bakɔ bata atɔ̃, ɔmɔsɛ bezĩ bapãmɛ nɛ̀ bɔdɔ̃ kakasɛ gɛma ɔsɛ bakasɛ ɔkɔ kidzo kpa abha ɔdɔ̃ mɔmɔ.

Filimon 1:14

Pɔ ɛgɛ pɛ sɛ tɛ ɛbhɛtɛ kɛnanà gɛ ɔgɛ kpɛ mɛ, onupɛ tɛpɛplɛnɔ babà tyɛ, gɛnɛ gɛ bebètũ ɛlɛ akpɛ wɔ ulũ.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Romanɛ 1:15

Kliso pɛ kinu kibui gɛ kɛdzã kiwuhũ ɔkɔ mɛ sɛ tɛ mɛɖɔ ibui gbangbã ɔkɔ ɔnɔ agɛ ɔlɛ Roma tsyɛ.

Banɔkpɛkpɛ Axɔ̃ɛ 21:13

Kɛlɛ Paulo ebuiliulũ asɛ, “Kiɖe sopɛ nɔobiyoyò pɛ nɔyɛɛ mɛ kitúɔ ana? Gɛnɛ mɛ tɛnyanyã ete shu mɛ balɛ ɔkɔ, pɔ ɛbalɛ tsyɛ sɛ tɛ̀ itsi nɛ Yerusalem nɛ Apalete Yesu yɛinyeɛ nɛtakpu.”

Banɔkpɛkpɛ Axɔ̃ɛ 20:29

Inyi sɛ onupɛ ɛbashɛɛ kidegbaa, igulu babà wɔnɔɛshi, kɛlɛ lɛti bàbi ibhoshiɛ ashagabui.