Petro 1 5:10 - Nyangbo New Testament

¹⁰ Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Petro 1 5:10 Referans Kwoze

Korintoanɛ 2 4:17

Ɔmɔsɛ bɔlɔ bɔtɔ lɛ gidzi foele pɛ bɔfalà gulũi nɔ, bakɔ bɔlɔ̀ tɛdadalɛ gɛbazã tihɔɔ gɛ dɛ kɛka nyia ka.

Tesalonikanɛ 2 3:3

Pɔ Apaleteɛ atɛasɛ asɛnɛ, abakpɛ wɔnɔ ohumi kɛlɛ ebebu wɔnɔ odenɔ anɔ kpa ahɔɛ mɛ.

Yuda 1:24

Ishu dadalɛ ɔkɔ anunɔ gɛ yɛakɔ asɛ tɛ̀ nɔtɛ dɔ oboe, sɛ tɛ̀ alɔkɔ ɔnɔ elù anɔ dadalɛ amɛ tɛ̀ kibui kpa tɛzã wɔnɔ shu pɔ nɛ same mɛɛ,

Timoteo 1 6:12

Bu tɛyɛyɛkɛŋã tɛtsɛɖɛ gbangbã mɛ. Nyana kanɔ tihɔɔ ɛkpã mɛ ovunɔ, agɛ alɛ shu bekulu wɔ nɛ kibeɛ gɛ ɔdalɛ ishumɛ nɛ banɔ kpekpèɛ gɛ bazã mɔ ebuiɛ namɛ.

Tesalonikanɛ 2 2:17

abakpɛ wɔnɔ kitúɔ niemi pɛ abakɔ wɔnɔ ohumi nɛ kɛxɔ̃ɛ gbangbã ka nyia ka wɔawɔa nɛ kibuiɛ mɛ.

Korintoanɛ 2 13:11

Otsi alɛ mɛ adzya alɛ, ɛshɛ mɔ̃ o. Nɔoɖi kɛgɛ bakɔ nɔbɔ pɛ ɔtɔɖɔ ɔkɔ, nɔolũ mɛibuiɛ gɛ ibisi denɔ wɔnɔ ɔkɔ, nɔzã ekpeɖekpeɖe tenikpo mɛ, nɔzã ishu yɔyɔ mɛ. Kɛlɛ Owusoso Akaa gɛ alɛ ɔkɔ tɛdɛdɛmɛ nɔ nɛ̀ ishu yɔyɔ mɛɛ abazã plɛnɔ wɔnɔ.

Korintoanɛ 1 1:9

Owusoso Akaa gɛ yɛekulu wɔnɔ akɔ ɔhakpɛkpɛ nɛ̀ Yɛeyianyɛ Yesu Kristo gɛenu bɔlɔ Apaleteɛ, enu kibui gɛlɛ kɛlɛ ɔzãkɔ abhɛbhɛtɛ elete.

Tesalonikanɛ 1 2:12

pɛ bɔkpɛ wɔnɔ kemi, bɔyɔ wɔnɔ ishuɔ mɛ̀ pɛ bɔkpalà wɔnɔ ɔsɛ tɛ nɔza nɛ̀ ɛkpã gɛ pɛ ɔkɔ Owusoso Akaa, anɔ gɛ yɛekulu wɔnɔ ɔkpɛ yɛ bukusiŋaŋã nɛ̀ tɛdadalɛ mɛ.

Romanɛ 16:25

Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Petro 2 1:3

Yɛohumi nɔ ɔkɔ ɔlɔ kɛka nyia ka gɛ bɔɔpɛ ɔkɔ ɔlɔ ɛkpã nɛ̀ Akaa mɛ tɛzazã, ɔganà kanà gɛ bɔbatì yɛ gɛ ekulu ɔlɔ amanà yɛishu dadalɛ nɛ̀ yɛebui gbangbã mɛ.

Petro 1 1:15

Pɔ asɛ gɛ agɛ yɛekulu wɔnɔ shu dalɛ anaa, kana nɔkɔ wɔnɔ tsyɛ shu dalɛ nɛ kɛka nyia ka gɛ nɔbhɛtɛ mɛ,

Filipianɛ 4:13

Ɛba là bhɛtɛ kɛka nyia ka ɔganà agɛ yɛakɔ mɛ ohumi nɔ abha.

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Tesalonikanɛ 2 2:14

Ekulu wɔnɔ akpɛ kɛxɔ̃ɛ ɛlɛ mɛ ɔgana kibui gbangbã mɛ, sɛ tɛ nɔmɔ tɛdadalɛ gɛ kpasɛ ɔlɔ Apalete Yesu Kristoɔ mɛ.

Timoteo 2 1:9

anɔ gɛ yɛebu ɔlɔ pɛ ekulu bɔlɔ amana ɛkpã gɛ ɛlishu dalɛ mɛ, gɛnɛ kɛnanà gɛ bɔbhɛtɛ shu so, pɔ nɛ yɛ tɛtɔtɔɖɔ nɛ̀ tibhui bhuibuɔ shu so. Bakɔ ɔlɔ tibhui bhuibu ɛlɛ nɛ Kristo Yesu mɛ flogo pɛ kanɔ alɛ mɛ abakpɛ esi,

Koloseanɛ 2:7

nɔkpɛ̀ igu tɛ̀ nɔbhɔ tɔɖɔ kabha nɛ yɛ mɛ, nɔzã gagalĩ nɛ tɛyɛyɛkɛŋã mɛ asɛ kana gɛ bakasɛ ɔnɔ ana, tɛ̀ nɔkɔ ɔnɔ ahɔɛhuhu eyuku gbagbà.

Romanɛ 15:5

Owusoso Akaa gɛ akɔ kemikpɛkpɛ nɛ̀ kité kpɛkpɛɛ, akɔ ɔnɔ tenikpo bhɛbhɛtɛ ɔfɔfuĩa asɛ banɔ gɛ alɛ Yesu ede anaa,

Yohanes 1 2:25

Kɛlɛ kɛgɛ atɔɖɔ elú akɔ bɔlɔ kɛlɛinu, ɛkpã gɛlɛ tihɔɔ nɔ.

Hebrianɛ 9:15

Nɛ kidzo ɛlɛ nabhaa, Kristo edzi iboe evuvũ akɔ olũgbu nyanyã vɔvɔ ɔlɛ, sɛ tɛ bagɛ bekuluɔ tɛ bamɔ kaŋãsi tihɔɔ ayɛkɛ nɛ tɛtɔtɔɖɔ nulũ, Kristo ebetsí sɛ tɛ ebu balɛ eyinɔ nɛ balɛ ebui kpaa gɛ babhɛtɛ nɛ olugbũ nyanyã gɛ oputɔ nɛibeɛ.

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Romanɛ 9:11

Pɔ flogo tɛ baba mɔ́ taabhaeyiɛ alo pɛ babhɛtɛ kibui gbangbã tili alo kɛkpa, sɛ tɛ Owusoso Akaa ɛtakpu mɛ tɔtɔɖɔ lu nɛ yɛanɔ bubuɔ shu vɛ ɛlɛ abhaa,

Petro 1 4:11

Onupɛ anɔ teli aɖɔaɖɔɔ, abhɛtɛ ɛlɛ asɛ anɔ gɛ aɖɔ Owusoso Akaa nɛibui ana. Onupɛ anɔ teli adɛ axɔ̃ɛ, abhɛtɛ ɛlɛ nɛ̀ ohumiɛ gɛ Owusoso Akaa akɔɛ nɔ mɛ, sɛ tɛ̀ nɛ ebui petee mɛɛ, babà kpɛ Owusoso Akaa nɛinye nɛitití ɔganà Yesu Kristo abha. Ishu dadalɛ nɛ̀ ohumi ɔlɛ onu yɛ ɔyɛ odenɔ otsiɛ vɛnɔ tihɔɔ. Amen.

Romanɛ 9:24

bɔlɔ gɛinu yɛanɔ kukulu tsyɛ elo, anɛ bagɛ benu Yudanɛ ete, pɔ denɔ banunɔ gɛ betinu Yudanɛ tsyɛ mɛɛ dza?

Korintoanɛ 1 1:10

Mɛelé alɛ mɔ, ɛkɔɔ wɔnɔ kɛtakpu nɛ bɔlɔ Apalete Yesu Kristo yɛinye mɛ sɛ tɛ̀ wɔnɔ nyɔ̃ɔ nɔ ozolũ bagɔlɔ esi, tɛ̀ ɔtɔbubu nanà ɔtɔzã wɔnɔɛshi, tɛ̀ nɔbhɛtɛ tenikpo piapii nɛ ekpeɖekpeɖe nɛ̀ ebui tɔtɔɖɔ mɛ.

Petro 1 4:10

Anɔ ka nyia ka alɔkɔ yɛdɔkɔkɔ gɛ ayɛkɛ tɛ̀ aplɛnɔ bagɔgɔɛ nɔ, gana tɛyɛyɛkɛŋã ibui gbangbã tɛbhɛbhɛtɛ mɛ tɛ̀ alɔkɔ aɖɔ Owusoso Akaa tibhui bhuibuɔ nɛ edzo gelee abha.