Petro 1 4:7 - Nyangbo New Testament

⁷ Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Petro 1 4:7 Referans Kwoze

Petro 1 1:13

Klisoɔ, nɔ balɛ wɔnɔ ekpeɖekpeɖeɛ ɔkɔ kɛxɔ̃ɛ wɔawɔa, nɔŋã wɔnɔ shu abha tɛ nozoɖì kidzo mɛ ɔkɔ tibhui bhuibuɔ gɛ babà kɔ wɔnɔ gɛ onupɛ Yesu Kristo ebè ekoeyìɛ.

Petro 1 5:8

Nɔŋã wɔnɔ ishu abha tɛ̀ nɔzã nɛ̀ awɔ. Agɛ atɛadɛmɛ wɔnɔ ɛbui gɛenu abosamuɔ aafala asɛ dzata gɛ aadzɔ̀ pɛ apɛ anɔ asɛ tɛ̀ evũ atã.

Timoteo 2 4:5

Pɔ wɔ xɔnɔɔ, zã gagalĩi nɛ kɛka nyia ka mɛ, kpɛ emi nɛ ebui gagalĩ mɛ, wɔa kɛxɔ̃ɛ asɛ anɔ gɛ akanà kibuiɛ ana, wɔa axɔ̃ɛ petee ɔkɔ wɔ ɔhaa.

Hebrianɛ 10:25

Nɔtɛkɔ bɔshɛnɛ ahɔɛ nɛ tɛtsyɔatsyɔa itsu shu, ɔmɔ asɛ kɛbhɛtɛ gɛ beteli baabhɛtɛ ana, pɔ nɔkɔ bɔkpɛ bagɔlɔ emi, kɛlɛ nɔbhɛtɛ ɛlɛ ɔtɔɖɔ ɔdɛ, gɛ nɔɔ mɔ ɔsɛ Kiwuiɛ tso ubaa.

Koloseanɛ 4:2

Nɔzã ɛlɛ abha tɛ nozo kulu Owusoso Akaa, nɔzã nɛ̀ awɔ̃ tɛ̀ nɔ ozohu ahɔɛ.

Tito 2:12

Kɛkasɛ ɔlɔ sɛ bɔɖɔ sɛ, “Ao” nɛ kɛgɛ gɛ kpaplɛnɔ Owusoso Akaa pɛ kinu kanɔ mɛ ebui tɛpɛpɛ shu, nɛ tɛ̀ bɔŋã bɔlɔ shu abha, bɔɖɔ olugbũ tonikpo tɛ bɔzana ɛkpã ɔkɔ Owusoso Akaa nɛ obo kanɔ alɛ mɛ,

Romanɛ 12:12

Awɔ̃ lulu azã wɔnɔ same mɔmɔ mɛ, tɛdɔdɔ fɔ̃ɔ nɛ banɔ luhũ ikpɛ ibe, nɔlɔkɔ tɛyɛyɛkɛŋã okulu Akaa nɔ.

Filipianɛ 4:5

Nɔkɔ wɔnɔ ishu nyanyana dzi kibui mɔmɔ ɔkɔ banɔ nɔ̀ petee. Apaleteɛ etso aba.

Kibui Bubú Kasɛ 16:15

“Ɖio, ɛba ɔmɔ asɛ ezĩ ana! Beyula anunɔ gɛ alɛ nɛ awɔ̃, pɛ alɔkɔ yɛɔdɔ̃ kpɛkpɛ elu yɛɔbha sɛ tɛ atɛzã bɔdɔ̃ makpɛ makpɛ, sɛ tɛ etibu yɛishu elu nɛ awuĩ mɛ.”

Petro 1 3:7

Badzɛenyine mɔ, nɛ kidzo ɛlɛ abhaa, wɔnɔ tsyɛ nɔolũ ebui esi ɔkɔ wɔnɔ edzinì alɛ nɛ kibeɛ gɛ nɔlɛ ɔplɛnɔ alɛ, tɛ nɔgbanà alɛ nɛ̀ kɛtakpu esi kpɛkpɛ ɔkɔ alɛ asɛ ohumi bhlui elete ana gɛ wɔnɔ nɛ alɛ ɔbɔ mɔ kaŋãsiɛ nɛ̀ tibhui bhuibu idɔ kɔkɔ ɔkɔ ɛkpã, sɛ tɛ kɛdɔ̃ nanà tɛbà kɔ nɔyɔlɔ Owusoso Akaa tikukulu.

Efesoanɛ 6:18

Kɛlɛ nɔokulu Owusoso Akaa nɛ Ɔfɔfuĩa nɔ mɛ kibe nyia be nɛ̀ Owusoso Akaa tikukulu nɛ̀ tibibisi ka nyia ka ɛdi. Gɛ alɛ akpasɛ wɔnɔ kɛtakpuɔ mɛ soɔ, nɔzã nɛ̀ awɔ̃ tɛ nɔzã Owusoso Akaa tikukulu abha ɔkɔ bagɛ ayɛkɛ aŋã petee.

Korintoanɛ 1 15:24

Kɛlɛɛ́ kibè gɔgɔɔ babà, gɛ onupɛ ashɛnɛ ahɔɛ nɛ bukusi ŋaŋã shu akɔ Owusoso Akaa gɛenu Yɛakaa nɛ kibeɛ gɛ ayɛɛ bukusiɛ petee, ɔshaeleteɛ nɛ̀ ohumi balɛ bukusi ɔŋãkɔ.

Korintoanɛ 1 7:29

Mɛ adzyaa alɛ, kɛgɛ mɛɖɔ kɛlɛinu ɔsɛ, kibeɛ dzi gulũi. Denɔ otsiɛ ɔvɛnɔ, bagɛ bagbana adzɛ bazã asɛ gɛ adzɛ ama balɛ ahɔɛ ana,

Hebrianɛ 9:26

Pɛ otɛ ɔsɛ kana kɛlɛɛ, tsyɛ alo Kristo atazã bɔtɔ gelee odenɔ kanɔ mɛ esi kpɛkpɛ ibe. Pɔ otsiɛ nɔ Kristo aba kanɔ nɔ̀ mɛ nɛ tɛbaba tinikpo ete mɛ ko nɛ kibe gɔgɔɛ lɛ mɛ, sɛ tɛ alɔkɔ yɛishu akɔ, sɛ tɛ ebu ɔlɔ ebui kpa atɛ.