Petro 1 4:4 - Nyangbo New Testament

⁴ Kɛbhɛtɛ balɛibi nɛ kibui nɔnɔ shu so pɛ, nɔgɛ dɛmɛ ɔsɛ tɛ̀ nɔkpà plɛnɔ balɛ nɛ ɛkpã kpa zazãna ɛlɛ mɛ, kliso bakɔalà wɔnɔ.

Petro 1 4:4 Referans Kwoze

Petro 1 3:16

tɛ̀ ɔkɔ wɔnɔ etúɔ mɛ ebuiɛ adalɛ piapi, sɛ tɛ̀ kiwũi yi bagɛ balɛ aɖɔaɖɔ kpa pɛ beezhinì olugbũ esi nɛ wɔnɔ ɛkpã gbangbã tɛzazãna nɛ Kristo mɛ shu.

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Banɔkpɛkpɛ Axɔ̃ɛ 18:6

Pɔ gɛ Yudanɛ alɔɛtití nɛ Paulo shu nɛ̀ akwalatu ebui soɔ, eshuku yɛakpɛkpɛ akasɛ balɛ asɛ, “Wɔnɔ dzosu nɔ aba wɔnɔ atakpu nabha! Ɛbhɛtɛ mɛ ɔbhɛtɛ ɔkɔ. Odenɔ otsiɛ ɔvɛnɔɔ, ɛbavɛ bagɛ betinu Yudanɛ ɔkɔ.”

Yuda 1:10

Pɔ banɔ alɛ xɔnɔ baɖɔ akwalatu ebui alɔɛtití nɛ kibui nɔnɔ gɛ begilũ kɛlɛ esiɛ shu. Asɛ efutumɛ agã gɛ batɛ abhɛtɛ ekpeɖekpeɖe mɛ, ebui nɛ alɛ gɛezĩ alɛ.

Banɔkpɛkpɛ Axɔ̃ɛ 13:45

Gɛ Yudanɛ amɔ banɔɛza gɛishogòɔ, kabhã wɔawlɔakɛ eku balɛ mɛ, kɛlɛ bakpà akwalatu ebui aɖɔ nɛ kɛgɛ Paulo azaɖɔɔ shu.

Petro 2 2:22

Buluhũ sheshèɛ gɛ behu nɛ alɛ shu sɛ, “Ebú etsodzì avɛ̀ yɛoyukukùɔ shu, kɛlɛ ɛhàa gɛ bewulunɔ piapii nɔ tsyɛ eze etsyina avɛ̀ edi wulu nɛ apɔtɔ mɛ̀.”

Petro 2 2:12

Pɔ banɔ alɛ aaɖɔ atsɔ̃bui nɛ ebui nɔnɔ gɛ̀ begilũ alɛ esi mɛ. Bedzi asɛ kifutù mɛ bagãhoe, gɛ bamɔ alɛ sɛ tɛ̀ bevu alɛ eyí, kɛlɛ balɛ tsyɛ ebetsì asɛ bagãhoe ana.

Romanɛ 13:13

Nɔkɔ bɔzã nɛ ɛkpã gbangbã asɛ kiwui dadalɛ mɛ ana, tɛ bɔta bhɛtɛ agbagbà ebui asɛ bɔmɔ same, tɛ bɔzɛwɔ̃ɛ bunũ tizì buku, tɛ bɔɔbhɛtɛ banyɛ nɛ̀ badzɛ ebui pɛ bɔbaatɛ ishu lu esi. Kɛgɛ pɛ ɔsɛ tɛ bɔɔkpɛ ɔmɔpɔɛ tɛ bɔzɛpɛ ebalá alo tɛ bɔzɛdzã awuhũ nɛ bagɔlɔ shu.

Efesoanɛ 5:18

Nɔtɛwɔɛ bunu obuku, kɛdɔ̃ gɛ gbana anɔ kpɛ same mɔmɔ falanɔ ɛfú mɛ. Pɔ nɔkɔ ɔfɔfuĩa nɔ zã ɔnɔ mɛ.