Petro 1 4:3 - Nyangbo New Testament

³ Ɔmɔsɛ nɔotizĩ kibè dzlolo nɛ ewuiɛ gɛ atɛ fala mɛ pɛ nɔbhɛtɛ kɛgɛ ibudì eleteɛ azatɔɖɔ abhɛtɛ mɛ, nɔzã nɛkpã nɛ kɛgɛ ishudzya pɛ ulũ, kanɔ mɛ same mɔmɔ, bunù bubuku, akpɛnɛ ebui bhɛbhɛtɛ, bunù ɔhakpɛkpɛ nɛ̀ ibudì ɛkɔ tishushù.

Petro 1 4:3 Referans Kwoze

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Efesoanɛ 5:18

Nɔtɛwɔɛ bunu obuku, kɛdɔ̃ gɛ gbana anɔ kpɛ same mɔmɔ falanɔ ɛfú mɛ. Pɔ nɔkɔ ɔfɔfuĩa nɔ zã ɔnɔ mɛ.

Tesalonikanɛ 1 4:5

gɛnɛ sɛ tɛ tɛwɔwɔsɔ̃ nɛ̀ bagɔlɔ zɛlɔ̀ nɛ wɔnɔ shu mɛ asɛ bagɛ bakpɛ kɛtakpu esi akɔ ibudi gɛ betinyi Owusoso Akaa,

Petro 1 1:14

Asɛ beyi gɛ belũ atɔ̃ ana, nɔtɛ̀ dɛmɛ ɔtɔɖɔ abosam yɛebuiɛ gɛ lazã wɔnɔ mɛ nɛ kibeɛ gɛ nɔzã matì matiɛ mɛ.

Galatianɛ 5:21

nɛ̀ kawɔ̃kpɛ, bunù tibubuku, edzo kpa ede tɛtɔtɔnɔ, nɛ agɛ dzi asɛ alɛ nɛidi. Ɛkpɛ ɔnɔ ɔsha, asɛ gɛ ɛtɛ kpɛ bafala nɔ ɔsɛ, banɔ gɛ edzi nɛ ɛkpã ɛlɛ nɛidiɛ batɛ bavɛ Owusoso Akaa bukusi ŋaŋãa mɛ.

Galatianɛ 5:19

Ebuiɛ gɛ akpà ɔplɛnɔ ebui kpa bhɛbhɛtɛ edzoɔ awɔ̃ɛ asɛ, ɔmamɛ dɛdɛ, atsɔ̃bui bhɛbhɛtɛ nɛ̀ ɛkpã kpa tɛŋaŋã,

Yuda 1:4

Ɔmɔsɛ banɔ teli gɛ batɛ fɔnɔ balɛ ɛpɔ bubuɔ elù kibè tili gɛ bafalaa, banɔ alɛ abafala eku wɔnɔɛshi nɛ tikpukpũ mɛ. Benu banɔ gɛ betinyi Owusoso Akaa, gɛ balɔkɔ Owusoso Akaa tibhui bhuibuɔ asɛ kidzo kɔkɔ anɔ ɔkɔ kɛgɔlɔ ŋaŋã kɛlɛ bagɛ yɛkɛ Yesu Kristoɔ gɛenu bɔlɔ Apalete nɛ̀ Ekusi Gbagbla tenikpo nɔ.

Banɔkpɛkpɛ Axɔ̃ɛ 17:30

Kuku ibeɛ, Owusoso Akaa ezedzini awɔ̃ atɔɖɔ ebui alɛ gɛ noɔtinyiɛ nabha, pɔ otsiɛ xɔnɔɔ akpɛ ɔsha akɔ aka nyia aka asɛ betsyina nɛ balɛ etúɔ mɛ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Korintoanɛ 2 12:21

Kifù yimɛ sɛ onupɛ ɛzɛba, mɛ Owusoso Akaa abakɔ mɛizhini mɛishu esi nɛ wɔnɔ amɛ, kɛlɛ ɛbàmɔ ɔwɔ̃nyɔnɔ denɔ banɔ gelee gɛ batɛ bhɛtɛ ebui kpa akpɛ otugbà pɛ begitsyina nɛ balɛ etúɔ mɛ odenɔ atsɔ̃bui bhɛbhɛtɛ mɛ, ebui asɛ ɔmamɛ dɛdɛ nɛ̀ bunu tibubuku ebui gɛ balɔkɔ balɛishu ashɔkpɛ mɛ.

Korintoanɛ 1 12:2

Nɔonyi ɔsɛ gɛ nodzì ibudi eleteɛ, bawɔɛ wɔnɔ agbanà avɛnɔ ibudiɛ gɛ lɛtɛ ɖɔ kaɖɔɔ ɔkɔ.

Romanɛ 13:13

Nɔkɔ bɔzã nɛ ɛkpã gbangbã asɛ kiwui dadalɛ mɛ ana, tɛ bɔta bhɛtɛ agbagbà ebui asɛ bɔmɔ same, tɛ bɔzɛwɔ̃ɛ bunũ tizì buku, tɛ bɔɔbhɛtɛ banyɛ nɛ̀ badzɛ ebui pɛ bɔbaatɛ ishu lu esi. Kɛgɛ pɛ ɔsɛ tɛ bɔɔkpɛ ɔmɔpɔɛ tɛ bɔzɛpɛ ebalá alo tɛ bɔzɛdzã awuhũ nɛ bagɔlɔ shu.