Petro 1 4:2 - Nyangbo New Testament

² Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Petro 1 4:2 Referans Kwoze

Petro 1 1:14

Asɛ beyi gɛ belũ atɔ̃ ana, nɔtɛ̀ dɛmɛ ɔtɔɖɔ abosam yɛebuiɛ gɛ lazã wɔnɔ mɛ nɛ kibeɛ gɛ nɔzã matì matiɛ mɛ.

Efesoanɛ 6:6

Nɔotilũ atɔ̃ kɔ alɛ sɛ tɛ noku balɛ awɔ̃ nɛ kibeɛ gɛ balɛ awuhũɔ etsiɖi wɔnɔ abha ete, pɔ asɛ banɔ dzidzi ɔkɔ Kristo ana, tɛ nɔbhɛtɛ Owusoso Akaa tɛpɛpɛ odenɔ wɔnɔ etúɔ mɛ.

Romanɛ 6:11

Kidzo ɛlɛ nabha lũɔ nɔlɔkɔ wɔnɔshu ɔmɔ asɛ banɔ tsitsí ɔkɔ ebui kpa, pɔ nonu anɔ gɛ ɔlɛ nɛ ɛkpã ɔkɔ Owusoso Akaa nɛ Kristo Yesu mɛ.

Korintoanɛ 2 5:15

Kɛlɛ etsí akɔ bɔlɔ petee, sɛ tɛ bagɛ alɛ nɛkpã atakazã nɛkpã akɔ balɛishu pɔ tɛ̀ bàzã nɛkpã akɔ agɛ yɛetsí nɛ balɛ kɛtakpuɔ pɛ beze feke yɛ edenɔ bekpuɔ mɛ.

Efesoanɛ 2:3

Bɔlɔ petee tsyɛ tɛzã balɛishi ɖi nɛ kibè tili gɛ bafala, pɛ bɔzɛ kpɛ samè nɛ bɔlɔ ebui kpa bhɛbhɛtɛ shu, kɛlɛ bɔzɛ pɛedzo alɛ pɛ bɔɔ bhɛtɛ ekpeɖekpeɖe mɛ nɛ alɛishu. Asɛ gɛ banɔ gɔgɔ̃ɔ aza bhɛtɛɛ, budzi banɔ gɛ ɔmɔpɔɛ kpa ɔzã bɔlɔ mɛ.

Romanɛ 6:2

Kɛma ɛlɛ mɛ ana! Gɛ butitsí kɔ kibui kpaa, kiɖeso pɛ bɔbazã kɛlɛ tɛbhɛbhɛtɛ abha vɛnɔ otugbà?

Efesoanɛ 4:17

Kliso itseɖe ɔnɔ ibui ɛlɛ, pɛ ɛɛtɔɖɔ̀ ɛklagbu nɛ ɛlɛ abha nɛ Apaleteɛ mɛ ɔsɛ, nɔtɛɔkɔ zã nɛkpã asɛ bagɛ etinu Yudanɛ, nɛ balɛ ekpeɖekpeɖeɛ gɛ ama kɛnanà mɛ.

Romanɛ 14:7

Ɔmɔsɛ bɔlɔ ɔmayɛmɛ na nà atɛ azã nɛ ɛkpã ɔkɔ yɛahɔɛ ishu ete, kana ɛbe bɔlɔ ɔmayɛmɛ anɔ na nà atɛ etsí akɔ yɛahɔɛ ishu ete.

Petro 1 2:1

Klisoɔ nɔobu ishu oyinɔ odenɔ banɔ shu zizĩ nɛ̀ banɔ wɔɛwɔɛ mɛ, asɛnɛ sɛsɛ, kawɔ̃kpɛ nɛ̀ banɔ ishutibui tɛɖɔɖɔ ka nyia ka ɛdi mɛ.

Yohanes 1 2:17

Kanɔ nɔ̀ nɛ̀ kalɛ mɛ bɔdɔ̃ pɛpɛ ulũ baafala, pɔ anunɔ gɛ abhɛtɛ̀ tɔɖɔ Owusoso Akaa tɛpɛpɛ nabha xɔnɔ abazã nɛ̀ ɛkpã tihɔɔ.

Yakobo 1:18

Adɛmɛ ayɛkɛ ɔlɔ amɔ aganà yɛibuiɛ gɛlɛ ɛlɛ ɔzãkɔ mɛ, sɛ tɛ budzi asɛ yɛɔdɔ̃ eyuyu gɛiputɔ odenɔ yɛɔdɔ̃ bhɛbhɛtɛ nɛishi.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Tesalonikanɛ 1 5:18

Nɔohu ahɔɛ nɛ ebui ka nyia ka mɛ, ɔmɔsɛ kɛlɛinu Owusoso Akaa tɛpɛpɛɛ ɔkɔ wɔnɔ nɛ Kristo Yesu mɛ.

Koloseanɛ 1:9

Nɛ kibui ɛlɛ shu soɔ, odenɔ kiwuiɛ gɛ kɛlɛ abha bulũ wɔnɔ ɔdɔ̃ɔ, bɔkà yɔlɔ Owusoso Akaa tikukulu kɔ ɔnɔ pɛ bubisi Owusoso Akaa sɛ eyuku ɔnɔ mɛ nɛ̀ kibuititì nɛ yɛ tɛpɛpɛ ulũ ɔganà ɔfɔfuĩa mɛ bubuti nɛ̀ ebui esi lulũɔ petee mɛ.

Efesoanɛ 5:17

Klisoɔ nɔotidzì bawɔaga, pɔ nɔolũ kɛgɛ Apaleteɛ apɛɛ asɛ ɔbhɛtɛ.

Romanɛ 12:2

Nɔtɛ ɔzã nɛkpã asɛ kanɔ alɛ mɛanɛ, pɔ nɔkɔ Owusoso Akaa yɛetsyina wɔnɔ ekpeɖekpeɖe mɛ tɛbhɛbhɛtɛ yɛedzi avɔvɔ. Kɛlɛ̀ bakɔ ɔsɛ nɔpɔ̃ɛ Owusoso Akaa ebui tɔtɔɖɔɔ mɛ oɖi, kɛgɛ ɛpɛ nɛ̀ kɛgɛ yɛadɛmɛ nɔ, pɛ kɛlɛ ná piapii nɔ.

Romanɛ 7:4

Kliso mɛelɛ alɛ mɔ, wɔnɔ tsyɛ notsí ɔkɔ ɔshaa ɔgana Kristo abha, tɛ nodzi tenikpo ɔkɔ anunɔ gɛ befeke edenɔ bekpuɔ mɛɛ, tɛ buyu busi eyuyu gbangbã ɔkɔ Owusoso Akaa.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Koloseanɛ 3:3

Ɔmɔsɛ nɔotsí, kɛlɛ otsi alɛ balɔkɔ ɔnɔ ɛkpã ekpũ nɛ Kristoɔ gɛ akpasɛ Owusoso Akaa mɛ.