Petro 1 4:16 - Nyangbo New Testament

¹⁶ Klisoɔ, onupɛ nɔmɔ bɔtɔ asɛ Kristoeyi ana, nɔ tɛkɔ kiwũi yi wɔnɔ, pɔ nɔkpɛ Owusoso Akaa nɛinye nɛitití sɛ nɔyɛkɛ kinye ɛlɛ nɛidi.

Petro 1 4:16 Referans Kwoze

Filipianɛ 1:29

Ɔmɔsɛ batɛ dɛmɛ atɔɖɔ ɛlɛ abha nɛ Kristo inyeɛ mɛ ɔsɛ, gɛnɛ yɛabha tɛyɛyɛkɛŋã ete, pɔ tɛ nɔmɔ bɔtɔ ɔplɛni tsyɛ,

Petro 1 4:19

Klisoɔ otsiɛ nɔ, bagɛ bamɔ ɔtɔ nɛ Owusoso Akaa tɛpɛpɛ ulũɔ, balɔkɔ balɛishu akɔ Agɛ yɛabhɛtɛ̀ alɛ pɛ aɖɔ kibui gbã tɛ̀ bazã ɛlɛ abha azabhɛtɛ ebui gbangbã.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Banɔkpɛkpɛ Axɔ̃ɛ 5:41

Banɔkpɛkpɛ ashɛ nɛ kebhu okulukɔ nɛ̀ same, ɔmɔsɛ bakalà balɛ asɛ banɔ gɛ bashɔnɔ asɛ bamɔ bɔtɔ nɛ̀ awuĩ nɛ Yesu yɛinyeɛ nɛ takpu.

Filipianɛ 1:20

Iɖi idzo mɛ gagalĩi pɛ ilu awɔ̃ sɛ ɛtɛ bà ŋã kiwũi nɛidzo nanà abha, pɔ ɛba mɔ̃ kemì kpɛkpɛ gelee, sɛ tɛ otsiɛ nɔ gɛ babà zakpɛ̀ Kristo inyeɛ nɛitití nɛ mɛ mɛ̀, kɛbà gã ɛkpã mɛ alo butsì mɛ tsyɛo.

Banɔkpɛkpɛ Axɔ̃ɛ 26:28

Kɛlɛ Agripa ebisi Paulo asɛ, “Ɔyɛkɛ ɔŋã asɛ nɛ kibè gulũi ɛlɛ mɛɛ, ɔbɔlàwɔɛ mɛulũ pɛ ɛbàdzi Kristoeyi dza?”

Banɔkpɛkpɛ Axɔ̃ɛ 11:26

kɛlɛ gɛ adɛmɔɛ, agbani amana Antioxia. Nɛ kɛgɔ zɛzɛ petee mɛ̀, Barnaba nɛ̀ Saulo atsyɔa nɛ̀ ɛháa pɛ bazakasɛ banɔ kpekpè teli bɔdɔ̃. Antioxia ɔha mɛ beputɔ ekulu badɔkpasɛanɛ asɛ Kristoanɛ.

Banɔkpɛkpɛ Axɔ̃ɛ 28:22

Pɔ bɔpɛ sɛ tɛ̀ bulũ kɛgɛ ɔmɔ nɛ kɛlɛ shuɔ, ɔmɔsɛ bunyi sɛ banunɔ nɛ ɔkɔ nyia ɔkɔ aɖɔaɖɔ nɛ ɔhakpa alɛ shu.”

Yakobo 2:7

Anɛ ehoeyielete alɛ balɛ ebu olugbũ mɛ nɛinye gbangbã gɛ nɔyɛkɛ odenɔ Yesu ede zazã mɛ mɔɔ dza?

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Petro 1 4:11

Onupɛ anɔ teli aɖɔaɖɔɔ, abhɛtɛ ɛlɛ asɛ anɔ gɛ aɖɔ Owusoso Akaa nɛibui ana. Onupɛ anɔ teli adɛ axɔ̃ɛ, abhɛtɛ ɛlɛ nɛ̀ ohumiɛ gɛ Owusoso Akaa akɔɛ nɔ mɛ, sɛ tɛ̀ nɛ ebui petee mɛɛ, babà kpɛ Owusoso Akaa nɛinye nɛitití ɔganà Yesu Kristo abha. Ishu dadalɛ nɛ̀ ohumi ɔlɛ onu yɛ ɔyɛ odenɔ otsiɛ vɛnɔ tihɔɔ. Amen.

Petro 1 4:14

Onupɛ bakwala ɔnɔ nɛ Kristo yɛtakpù tsyɛ elo, beyulà akɔ ɔnɔ, ɔmɔsɛ ishu dadalɛ Ɔfɔfuĩa nɛ̀ Owusoso Akaa otsiɖì wɔnɔ abha.