Petro 1 3:8 - Nyangbo New Testament

⁸ Gɔgɔɛ nɔ mɔ, wɔnɔ petee, nɔzã tenikpo nɛ̀ bagɔlɔ, nɔobì ɔkɔ bagɔlɔ, nɔdɛmɛ nɛ̀ anɔ asɛ baadzya ana, nɔoɖi ashagabui tɛ nɔozhinì wɔnɔ ishu esi.

Petro 1 3:8 Referans Kwoze

Romanɛ 12:10

Nɔlɔkɔ tɛpɛplɛnɔ ɔkɔ bagɔlɔ nɛ tɛdɛdɛmɛ nɔ̀ nɛ̀ bagɔlɔ mɛ, ɔmɔ asɛ bélɛɛ nɛ Kristo mɛ ana. Nɔkpɛ ɛtakpu esi ɔkɔ bagɔlɔ ɔdɛ wɔnɔ ahɔɛ ishu.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Efesoanɛ 4:31

Nɔobu ishu mɛ pɔpɔɛ, ɔmɔpɔɛ zizĩ nɛ̀ ɔmɔpɔɛ, banɔ kwɔakwɔala nɛ̀ olugbũ edzi gagã, banɔ shu zizĩ ka nyia ka ɛdi nɛ wɔnɔ ɛshi.

Yakobo 3:17

Bubutiɛ gɛide kititíɛ pɔɔ, putɔ nɔɔ, bɔlɛishu dalɛ, gɛ bɔdɛmɛ nɛ anɔ nɛishu yɔyɔ mɛ, ɔhagbo esi tilulũ, ishu esi tizhizhinɔ, gɛ ashagabui ɖiɖi nɛ̀ eyuyu gbangbã akpasɛ, banɔ amɛ maɖimaɖi nɛ̀ ebui mɛ dadalɛ alɛ.

Efesoanɛ 4:2

Nɔ ozhinì ishu esi tɛ nɔ nyanà ishu ovunɔ piapii, nɔdɔ fɔ̃ɔ, tɛ nɔmɔ̃ ɔtɔ mɛ kɔ agɔlɔ nɛ tɛdɛdɛmɛ nɔ mɛ.

Koloseanɛ 3:12

Kliso asɛ banɔ gɛ Owusoso Akaa ebu elù, gɛ balɛishu dalɛ pɛ adɛmɛ nɛ alɛ ana, nɔlɔkɔ ashagabui ɖiɖi, ɛyamɛ gbangbã tɛbhɛbhɛtɛ, ishu esi zhizhini, ishu nyanyana ovunɔ nɛ̀ kitu esi lulu ɔkpɛ asɛ akpɛkpɛ.

Korintoanɛ 1 12:26

Onupɛ kawɔ̃pɛ tienikpo tieli amɔ bɔtɔɔ, bɔwɔ̃pɛ petee mɔ bɔtɔ ɔplɛnɔ kalɛ, onupɛ bakpɛ kawɔ̃pɛ tienikpo nɛititíɛ, bɔwɔ̃pɛ petee mɔ samè ɔplɛnɔ kalɛ.

Yohanes 1 3:14

Bunyi sɛ̀ budekoeyì nɛ butsi mɛ ba ɛkpã mɛ, ɔmɔsɛ bɔdɛmɛ bɔlɔ adzya alɛ ibui. Anunɔ gɛ atɛ adɛmɛ nɔ nɛ̀ anɔ akakpasɛ butsì mɛ.

Korintoanɛ 1 1:10

Mɛelé alɛ mɔ, ɛkɔɔ wɔnɔ kɛtakpu nɛ bɔlɔ Apalete Yesu Kristo yɛinye mɛ sɛ tɛ̀ wɔnɔ nyɔ̃ɔ nɔ ozolũ bagɔlɔ esi, tɛ̀ ɔtɔbubu nanà ɔtɔzã wɔnɔɛshi, tɛ̀ nɔbhɛtɛ tenikpo piapii nɛ ekpeɖekpeɖe nɛ̀ ebui tɔtɔɖɔ mɛ.

Banɔkpɛkpɛ Axɔ̃ɛ 4:32

Bayɛyɛkɛŋã pete azã tenikpo nɛ kitú nɛ̀ ekpeɖekpeɖe mɛ. Balɛ ɔmayɛmɛ ananà agɛ lɔkɔ yahɔɛmɛ kɛdɔ̃ asɛ yɛ kɛdɔ̃ kinu, pɔ beebu kɛka nyia ka gɛzã balɛ ahɔɛ mɛ akɔ bagɔlɔ.

Petro 1 5:5

Bayisɔ̃ mɔ, nɛ kidzo ɛlɛ nabha wɔnɔ tsyɛ nɔozhinì wɔnɔ ishu esi ɔkɔ bagɛ eshè adɛ ɔnɔ. Wɔnɔ petee nɔozhinì ishu esi ɔkɔ bagɔlɔ, ɔmɔsɛ, “Owusoso Akaa alɔɛtití nɛ bagɛ beefeke balɛishuɔ shu pɛ ebhui bagɛ bezhinì balɛ ishu esiɛ xɔnɔ ebú.”

Hebrianɛ 13:1

Nɔvɛ ɛlɛ abha tɛ nɔɔdɛmɛ nɔ nɛ bagɔlɔ.

Petro 2 1:7

tɛ̀ Akaa mɛ tɛzaã plɛnɔ ɛyamɛ gbangbã bhɛbhɛtɛ ɔkɔ adzya, tɛ̀ ɛyamɛ gbangbã ɔkɔ adzya plɛnɔ tɛdɛdɛmɛ nɔ nɛ̀ anɔ.

Petro 1 2:17

Nɔkpɛ kɛtakpu esi gbangbã ɔkɔ aka nyia aka. Nɔdɛmɛ nɔ nɛ̀ bayɛyɛkɛŋã balɛ kɛdzya bhɛbhɛtɛ, nɔosì Owusoso Akaa nɛifù, tɛ nɔkpɛ ɛtakpu esi ɔkɔ ekusiɛ.

Yakobo 5:11

Asɛ gɛ nonyi ana, bagɛ beyulaa, balɛ edzi anɔ gɛ bakpɛ emi. Nolũ kɛkpɛ gɛ Hiob akpɛ emi, kɛlɛ nɔmɔ kɛgɛ Apaleteɛ abhɛtɛ akɔɛ gɔgɔɛ nɔ. Apaleteɛ ɛyamɛ yɔ kɛlɛ eɖi anɔ ashagabui.

Yakobo 2:13

ɔmɔsɛ babalɔkɔ ashagabui maɖimaɖi ekulu ebhu akɔ bagɛ etiɖi anɔ ashagabuiɛ. Yɛ pɔɔ, ashagabui ɖiɖi yɛenu yɛtɛtɔtɔ ɖɔ nɛ yɛebhu kukulu mɛ. Ashagabui ɖiɖi pɔ yɛaŋã abha nɛ yɛebhu kukulu mɛ.

Filipianɛ 3:16

Nɔkɔ bɔzã nɛ̀ ɛkpã nɛ kɛgɛ bɔtɛ yɛkɛ ete shu.

Romanɛ 15:5

Owusoso Akaa gɛ akɔ kemikpɛkpɛ nɛ̀ kité kpɛkpɛɛ, akɔ ɔnɔ tenikpo bhɛbhɛtɛ ɔfɔfuĩa asɛ banɔ gɛ alɛ Yesu ede anaa,

Banɔkpɛkpɛ Axɔ̃ɛ 28:7

Bevũ teli azã kibe ɛlɛ gɛenu Publio, anɔ gɛ yɛaŋã bukusi nɛ aƒumɛ kesiakpa nabha ayɛ. Ayɛkɛ bɔlɔ akpɛ yɛɔpã mɛ kɛlɛ nɛ ewui tata mɛɛ, akpɛ bɔlɔ samɛ kɛlɛ awɔa bufu akɔ ɔlɔ.

Banɔkpɛkpɛ Axɔ̃ɛ 27:3

Gɛ keliɛ azaa, budizhi nɛ Sidon, kɛlɛ Yulio abhɛtɛ ɛyamɛ gbangbã akɔ Paulo, kɛlɛ akɔ yɛidzo asɛ avɛ yɛɔbhia alɛ ɔkɔ tɛ̀ bakɔyɛ kɛdɔ̃ nɔnɔ gɛ apɛɛ nɔ̀.

Banɔkpɛkpɛ Axɔ̃ɛ 2:1

Gɛ Pentekoste kiwuiɛ baa, balɛ petee bazã kitsù nɛ ɔkɔ tonikpo.

Efesoanɛ 4:32

Nɔbhɛtɛ ɛyamɛ gbangbã tɛ nɔdɛmɛ nɔ nɛ̀ bagɔlɔ, nɔlɔkɔ kibui otsye agɔlɔ, asɛ kana gɛ ɔgana Kristo mɛɛ, Owusoso Akaa alɔkɔ etsye ɔnɔ.

Filipianɛ 2:3

Nɔtɛ bhɛtɛ kibui nanà ɔlɔkɔ pɛ ishu tɛpɛpɛ̃ nɔ, alo ishu fefeke gɛ ma kɛnanà mɛ, pɔ nɔ ozhinì ishu esi, tɛ nɔmɔ babhlatɔ asɛ bapɛ̃ adɛ ɔnɔ shu.