Petro 1 3:21 - Nyangbo New Testament

²¹ kɛlɛ bulĩ ɛlɛ kasɛ bulĩkpɛkpɛ nɛ kɛtakpu ɔkɔ anɔ gɛ ayɛkɛ wɔnɔ elu nɛkpã otsiɛ. Gɛnɛ sɛ tɛ̀ bebù kibò nɛ anɔ shu, pɔ kibui tɔtɔɖɔ lu ɔganà kitú mɛibui gbangbã nɛ Owusoso Akaa shu. Kɛlɛ yɛkɛ ɔkɔ wɔnɔ ganà Yesu Kristo yɛ̀ tɛlɔlɔ odenɔ bekpuɔ mɛ,

Petro 1 3:21 Referans Kwoze

Banɔkpɛkpɛ Axɔ̃ɛ 2:38

Petro ebuiliulũ asɛ, “Notsyina etúɔ mɛ, tɛ bakpɛ bulĩ akɔ wɔnɔ ɔmayɛmɛ ka nyia ka nɛ Yesu Kristo yɛinye mɛ̀, tɛ balɔkɔ wɔnɔ ebui kpa etsye wɔnɔ. Kɛlɛ nɔbɔ yɛkɛ Ɔfɔfuĩa Gbangbã ɛdɔ̃ kɔkɔ.

Galatianɛ 3:27

ɔmɔsɛ wɔnɔ agɛ bakpɛ ulĩ akɔ petee nɛ Kristoɔ mɛ, nɔkpɛ akpɛkpɛ akɔ ishu ɔplɛnɔ Kristo.

Banɔkpɛkpɛ Axɔ̃ɛ 22:16

Kɛlɛ otsiɛ nɔpɔ, kiɖe woko opoɔ dza? Lɔ, kɔ bakpɛ bulĩ akɔwɔ nɛ kɛtakpu tɛ̀ beplu wɔ ebui kpa atɛ́ɛ gana yɛinyeɛ tikukulu mɛ.’

Efesoanɛ 5:26

sɛ tɛ abhɛtɛ tɛ ɔlɛ ishuɔ dalɛ nɛ tipuplu nɛ̀ ɔlɛ tiwuwulu nɔ nɛ̀ bulĩ ɔganà kibuiɛ mɛ,

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Korintoanɛ 1 12:13

Ɔmɔsɛ Ɔfɔfuĩa tonikpo balɔkɔ akpɛ bulĩ akɔ bɔlɔ nɔ, edzì asɛ Yudaeyi alo Helaeyi, anɔ dzidzì alo anɔ gɛ alɛ yɛishu ahɔɛ mɛ tsyɛ elo, Ɔfɔfuĩa tonikpo ɔlɛ bakɔ bɔlɔ nyɔ̃ɔ ɔsɛ bɔwɔ̃ɛ.

Koloseanɛ 2:12

gɛ bavɔbɔ wɔnɔ aplɛnɔ yɛ nɛ bulĩ kpɛkpɛ mɛ pɛ befeke wɔnɔ aplɛnɔ yɛ nɛ wɔnɔ tɛyɛyɛkɛŋã mɛ, ɔganà Owusoso Akaa yɛohumi nɔ mɛ, anɔ gɛ yɛefeke yɛ edenɔ bekpuɔ mɛ.

Hebrianɛ 9:24

Ɔmɔsɛ Kristo egitsoku trɛwɔɛagba gɛ banɔ bedzu pɛ kenu kagbangbã ɔdɛ ɛtɔwui ɛyɛ mɛ. Kitití boŋ yɛavɛ pɛ alɛ Owusoso Akaa na mɛ nɛ bɔlɔ inye mɛ.

Timoteo 1 6:12

Bu tɛyɛyɛkɛŋã tɛtsɛɖɛ gbangbã mɛ. Nyana kanɔ tihɔɔ ɛkpã mɛ ovunɔ, agɛ alɛ shu bekulu wɔ nɛ kibeɛ gɛ ɔdalɛ ishumɛ nɛ banɔ kpekpèɛ gɛ bazã mɔ ebuiɛ namɛ.

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Korintoanɛ 1 4:6

Mɛdzya alɛ mɔ, mɛ nɛ̀ Apolo lɔkɔ ebui alɛ kɔ wɔnɔ nɛ wɔnɔ tɛpɛpɛ̃ shu, ɔsɛ tɛ nɔkpasɛ bɔdɔ̃ odenɔ bɔlɔkɔ tɛ nolũ ebui alɛ niesi ɔsɛ “Nɔtɛ bhɛtɛ ɔfalanɔ kɛgɛ bafɔnɔ eluɔ shu.” Sɛ tɛ notibo feke anana owunɔ kabha ɔdɛ yɛɔhagbo.

Banɔkpɛkpɛ Axɔ̃ɛ 16:33

Nɛ elishi ɔɖa tatá ɔlɛ mɛɛ, ɔɖavũ abha eɖiɖi eleteɛ agbanà alɛ avɛnɔ adɛbɔ apɔ̃ɔ akɔ alɛ, kɛlɛ tsiɔ̃ ɔlɛ koɔ bakpɛ bulĩ nɛ ɛtakpu akɔɛ nɛ̀ yɛɔpãmɛanɛ.

Banɔkpɛkpɛ Axɔ̃ɛ 8:36

Gɛ bagã pɛ bavɛɛ, badɛ tɔnɔ bulĩ tuli kɛlɛ anyɛ gɛ batsarà aɖɔ asɛ, “Ɖio, bulĩ nɔlɛ. Kiɖuwoe so pɛ batɛ akpɛ bulĩ nɛ kɛtakpu ɔkɔ mɛ dza?”

Romanɛ 5:14

Klisoɔ butsí zɛŋã ukusi odenɔ Adam ibe ɔmana Mose abha, gɛ bagɛta esi asɛ Adam yɛibui kpa bhɛbhɛtɛ ana tsyɛ flogo. Anunɔ gɛ yɛtɛzazã mɛ lɛ asɛ anunɔ gɛ ababaa.

Hebrianɛ 11:19

Abraham ayɛkɛ aŋã asɛ, Owusoso Akaa abalà akɔ anɔ alɔ ede bekpu mɛ, kliso kidzi ibui gbã sɛ edzinɔ Isak ayɛkɛ edzu nɛ ɛkpã.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Timoteo 1 1:5

Kɛgɛ kɛlɛishu bakpɛ ɔsha ɔlɛ kɛlɛinu tɛdɛdɛmɛ nɔ, gɛide kitúɔ gɛ dalɛ nɛ̀ ekpeɖekpeɖeɛ gɛ yɛmɛ adalɛ ɔplɛnɔ tɛyɛyɛkɛŋã gbangbã.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Hebrianɛ 10:22

nɔkɔ butso ɔplɛnɔ Owusoso Akaa nɛ̀ etúɔ gɛ akpɛ igu nɛ tɛyɛyɛkɛŋã gagalĩi mɛ, etúɔ gɛ beplu alɛ mɛ ebui zizĩ eyinɔ nɛ bɔlɔ ishupiɛ gɛ bewulu nɔ piapii nɛ̀ bulĩ dadalɛ.

Hebrianɛ 13:18

Nookulu Owusoso Akaa nɛ ɔlɔ ɛtakpu. Bɔyɛkɛ ŋã sɛ bɔlɛ nɛ etú dadalɛ mɛ, kɛlɛ bɔɔpɛ sɛ tɛ bɔzã nɛ̀ ɛkpã dadalɛ nɛidzo nyiɛ idzo abha.

Petro 1 3:16

tɛ̀ ɔkɔ wɔnɔ etúɔ mɛ ebuiɛ adalɛ piapi, sɛ tɛ̀ kiwũi yi bagɛ balɛ aɖɔaɖɔ kpa pɛ beezhinì olugbũ esi nɛ wɔnɔ ɛkpã gbangbã tɛzazãna nɛ Kristo mɛ shu.

Banɔkpɛkpɛ Axɔ̃ɛ 8:37