Petro 1 3:15 - Nyangbo New Testament

¹⁵ Pɔ nɛ wɔnɔ etúɔ mɛɛ, nɔlɔkɔ Kristo asɛ wɔnɔ Apalete. Nɔbalɛ kibe nyia be tɛ̀ nɔobu kibui ulũ ɔkɔ aka nyia aka gɛ ebisì wɔnɔ kibui sɛ tɛ̀ nɔɖɔ kɛnɔnɔ shu sopɛ nɔoɖì kidzo mɛ ɔkɔ ebui alɛ. Pɔ nɔbhɛtɛ alɛ nɛ tɛdɔdɔ fɔ̃ɔ nɛ̀ kaɖɔ gbangbã tɛɖɔɖɔ mɛ,

Petro 1 3:15 Referans Kwoze

Koloseanɛ 4:6

Nɔkɔ ɔnɔ kaɖɔ ɖɔɖɔ akasɛ sɛ bebhui ɔnɔ ebu, kaɖɔ gɛ bɔmɔɛ kpasɛ alɛ mɛ, sɛ tɛ̀ nɔotì kana gɛ nɔ obobù kibui ulũ ɔkɔ aka nyia aka.

Petro 1 3:2

gɛ onupɛ bamɔ ɛkpã dadalɛ nɛ̀ kɛtakpu esi kpɛkpɛ nɛ balɛ ɛkpã shu.

Tito 1:2

tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Hebrianɛ 6:1

Kliso nɔkɔ bɔshɛnɛ ahɔɛ nɛ kesi kpɛkpɛ ɔdɔ̃ kakasɛ nɛ Kristo shuɔ lu, tɛ bushe tɔɖɔ. Nɔtɛ ɔkɔ buwlui zɛkasɛ ɔdɔ̃ nɛ kitú mɛ tsyitsyina ebuiɛ gɛ lagbana anɔ akpɛ butsí mɛɛ shu, nɛ̀ ɔdɔ̃ kakasɛ vɔvɔ nɛ kɛyɛkɛ gɛ bɔba yɛkɛ Owusoso Akaa nabha ɔŋã shu,

Koloseanɛ 1:5

tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Petro 1 3:4

Pɔ nɔkɔ wɔnɔ bubite yiyìɛ dè kitúɔ mɛ, bubite yiyiɛ gɛ bɔtɛ balà bele gɛide ɔfɔfuĩa nɔ gɛɔtɔ ɖɔaɖɔ mɛ̀ pɛ lɔtɛ ɖɔaɖɔ mɛ, gɛ kɛyɛkɛ kedzì hohoe nɛ Owusoso Akaa namɛ.

Petro 1 1:17

Gɛ nokulu Akaa gɛ ekulù kebhu nɛ̀ anɔ nyia anɔ axɔ̃ɛ wɔawɔa pɛ etiɖì banɔ amɛɛ soɔ, nɔzã nɛ̀ wɔnɔ ɛkpã asɛ bafafala ana nɛ ishu esi zhizhini nɛ̀ kifusisi mɛ̀.

Banɔkpɛkpɛ Axɔ̃ɛ 24:25

Kibeɛ gɛ Paulo azaɖɔaɖɔ nɛ ishu dadalɛ, ishu abha ŋaŋã nɛ̀ kebhu kukuluɔ gɛ abaa, kifù yi Felike kɛlɛ abaɖɔ asɛ, “Abɔ otsiɛ gbɔ! Ɔbɔlà ɔshɛ. Onupɛ ɛbamɔ kibè tsyɛ ɛbà kpɛ banɔ nɛ wɔkɔ.”

Banɔkpɛkpɛ Axɔ̃ɛ 21:39

Paulo ebuiliulũ asɛ, “Inu Yudaeyi gɛide Tarso nɛ Kilikia, ɔma gɛ batɛwɔ̀ nɛ ɔlɛ shu mɛ mɛide. Ɛkɔ wɔɛtakpu, kɔ mɛɖɔ kaɖɔ ɔkɔ banɔɛza.”