Petro 1 3:13 - Nyangbo New Testament

¹³ Afana gɛ abà bhɛtɛ kizizĩ nɛ̀ wɔ gɛ onupɛ ɔpɛɔsɛ tɛ̀ ɔbhɛtɛ kibui gbangbã dza?

Petro 1 3:13 Referans Kwoze

Tesalonikanɛ 1 5:15

Noɖi kɛlɛ ɔkɔ sɛ ananà agɛ lɔkɔ kibui kpa abuia kɛbhɛ akɔ kibui kpa nɔ, pɔ nɔkpɛ kemi ɔsɛ nɔbhɛtɛ ɛyamɛ gbangbã ɔkɔ bagɔlɔ nɛ aka nyia aka tsyɛ.

Romanɛ 8:28

Bunyi nɛ kɛka nyia ka mɛɛ ɔsɛ, Owusoso Akaa abhɛtɛ ɛlɛ kidzi kɛgbangbã ɔkɔ bagɛ adɛmɛ nɛ yɛ, bagɛ alɛ yɛekulu nɛ yɛtɛtɔtɔɖɔ ɔluɔ.

Yohanes 3 1:11

Mɛɔbhia gɛ ɛdɛmɛ nɔ, tiɖi kibui kpa tɛ̀ ɔbhɛtɛ̀ nɛ kɛlɛ ulũ, pɔ ɖi kɛgɛ pɛ̃ tɛ ɔbhɛtɛ̀ nɛ ɛlɛ shu. Anunɔ gɛ abhɛtɛ kibui gbangbã, enu anɔ gɛ ede Owusoso Akaa ɔkɔ. Anunɔ gɛ abhɛtɛ̀ ebui kpa etinyi Owusoso Akaa.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Korintoanɛ 1 14:1

Nɔtɔnɔ tɛdɛdɛmɛ nɔ kidzoɔ ede gagalĩ, tɛ̀ nɔpɛ ɔfɔfuĩa mɛ bɔdɔ̃ kɔkɔ, asɛ kibuiɖɔlu bɔdɔ̃ kɔkɔ ana.

Romanɛ 13:3

Banunɔ gɛ baŋã abhaa, betiku ebui gbangbã bhɛbhɛtɛelete nɛifu, pɔ ebui kpa bhɛbhɛtɛeleteɛ ko. Ɔpɛ ɔsɛ tɛ ɔzã tɛ anunɔ gɛ aŋã abha etiku wɔɛifu dza? Kɛlɛ bhɛtɛ kibui gɛ ɛpɛɛ tɛ akpɛ wɔɛinye nɛitití.

Efesoanɛ 5:1

Nɔkpasɛ Owusoso Akaa ɛkpã, asɛ bunuvɔɛ gɛ adɛmɛ nɔ ana,

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.