Petro 1 3:1 - Nyangbo New Testament

¹ Banyɛedzini mɔ, nɛ kidzo ɛlɛ nabha, nɔozhinì wɔnɔ ishu esi ɔkɔ wɔnɔ enyine alɛ sɛ tɛ̀, onupɛ balɛ ɔmaɛyɛmɛ teli agɛ yɛkɛ kibui nabha ŋãa tsyɛ elo, tɛ bè tsyina ɔganà wɔnɔ ɛkpã zazãna mɛ,

Petro 1 3:1 Referans Kwoze

Koloseanɛ 3:18

Banyɛ edzinì mɔ, nɔozhinì ishu esi ɔkɔ wɔnɔ enyine alɛ, asɛ gɛ kɛshɔnɔ nɛ Apaleteɛ mɛ ana.

Efesoanɛ 5:33

Pɔ, kɛlɛ sɛ tɛ wɔnɔ mɛ aka nyia aka tsyɛ adɛmɛ nɛ̀ yɛedzinì asɛ gɛ adɛmɛ nɔ nɛ yɛishu ana, kɛlɛ sɛ tɛ anyɛ edziniɛ akpɛ kɛtakpu esi akɔ yɛinyineɛ.

Korintoanɛ 1 11:3

Otsiɛnɔ, ɛpɛ sɛ nɔoti ɔsɛ̀ anɔnyɛ yɛ kɛtakpuɔ kɛlɛinu Kristo, kɛlɛ anɔdzɛ yɛ kɛtakpuɔ kɛlɛinu anɔnyɛ, kɛlɛ Kristoɔ tsyɛ yɛtakpúɔ kɛlɛinu Owusoso Akaa.

Korintoanɛ 1 7:16

Anyɛ edzini, otinyi, ɔsɛ wɔ ɔbɔlà obu wɔenyineɛ dza? Kidzo ɛlɛ nabha wɔ adzɛ enyine tsyɛ otinyi ɔsɛ ɔbɔlà yɛkɛ woedziniɛ elu nɛ ɛkpãa dza?

Petro 1 3:7

Badzɛenyine mɔ, nɛ kidzo ɛlɛ abhaa, wɔnɔ tsyɛ nɔolũ ebui esi ɔkɔ wɔnɔ edzinì alɛ nɛ kibeɛ gɛ nɔlɛ ɔplɛnɔ alɛ, tɛ nɔgbanà alɛ nɛ̀ kɛtakpu esi kpɛkpɛ ɔkɔ alɛ asɛ ohumi bhlui elete ana gɛ wɔnɔ nɛ alɛ ɔbɔ mɔ kaŋãsiɛ nɛ̀ tibhui bhuibu idɔ kɔkɔ ɔkɔ ɛkpã, sɛ tɛ kɛdɔ̃ nanà tɛbà kɔ nɔyɔlɔ Owusoso Akaa tikukulu.

Romanɛ 7:2

Nɛ kibui nulũɔ, ɔsha ɔnyã anyɛedzini nɛ yɛenyine shu nɛ kibeɛ gɛ anyɛ alɛ nɛ ɛkpã, pɔ onupɛ yɛenyineɛ etsíɛ, kɛlɛ ekoeyì nɛ tɛgbagbana ɔsha ɔlɛ niesi.

Korintoanɛ 1 14:34

baadzɛ ataatɔ̃ nɛ ɔhaa mɛ. Bagɛ kɔ balɛidzo asɛ tɛ̀ baɖɔaɖɔ, pɔ bezhinì balɛ ishu esi, asɛ gɛ Ɔsha ɔɖɔ ana.

Koloseanɛ 4:5

Nɔotì bubutì idzoɔ gɛ nɔbɔ lɔkɔ ɔkpɛ ɔha nɛ̀ bagɛ agɛ yɛkɛ aŋãa, nɔwɔa kibè ka nyia ka gɛ nɔmɔ̃ shu ɛxɔ̃ɛ piapii.

Hebrianɛ 11:8

Tɛyɛyɛkɛŋã kɔ ɔsɛ gɛ betseɖe Abraham asɛ ashɛ avɛ esiakpa bhlatɔ abha tɛ kebe dzi yɛayɛ idegbaa, elũ atɔ̃, kɛlɛ avɛ, gɛ etinyi ɛkɛlɛ gɛ avɛ kura tsyɛ flogo.

Tesalonikanɛ 2 1:8

Abapɔ̃ batɔ̃ akɔ bagɛ betinyi Owusoso Akaa pɛ batɛ abhɛtɛ atɔɖɔ kibui gbangbã gɛide Apalete Yesu ɔkɔ nabha.

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Petro 1 4:17

Ɔmɔsɛ kibeɛ na ɔkɔ kebhu kukulu, kɛlɛ kɛbà kpɛ esi edenɔ Owusoso Akaa bɔpã mɛ, kɛlɛ onupɛ kakpɛ esi nɛ̀ bɔlɔɔ pɔ, kɛlɛ kɛbà zã ɔkɔ bagɛ agɛ abhɛtɛ tɔɖɔ Owusoso Akaa yɛibui gbangbã nabhaa dza?

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Romanɛ 10:16

Pɔ anɛ Israelanɛ petee balɛ ayɛkɛ ibui gbangbã nabha aŋã, ɔmɔsɛ Yesaya afɔnɔ elu asɛ, “Apalete, afana gɛ ayɛkɛ kibuiɛ gɛ bɔɖɔɔ tseɖe alɛ nabha aŋã?”

Petro 1 3:2

gɛ onupɛ bamɔ ɛkpã dadalɛ nɛ̀ kɛtakpu esi kpɛkpɛ nɛ balɛ ɛkpã shu.