Petro 1 2:23 - Nyangbo New Testament

²³ Kibeɛ gɛ baza kwɔalà yɛɛ tsyɛ elo, egibu kɛlɛilũ, gɛ azamɔ bɔtɔɔ, agɛkã ɔkɔ ananà. Pɔ alɔkɔ yɛishu ɔkɔ agɛ yeekulù kebhu gbangbãa.

Petro 1 2:23 Referans Kwoze

Petro 1 4:19

Klisoɔ otsiɛ nɔ, bagɛ bamɔ ɔtɔ nɛ Owusoso Akaa tɛpɛpɛ ulũɔ, balɔkɔ balɛishu akɔ Agɛ yɛabhɛtɛ̀ alɛ pɛ aɖɔ kibui gbã tɛ̀ bazã ɛlɛ abha azabhɛtɛ ebui gbangbã.

Hebrianɛ 12:3

Noɖi bɔtɔ gɛ anɔ alɛ akpɛ emi amɔ edenɔ banɔ kpa gɛ alɔɛtití nɛishuɔ ahɔɛ mɛɛ, sɛ tɛ anɔ nyia anɔ akpɛ emi tɛ yɛitú titsyina ɔtɔ.

Banɔkpɛkpɛ Axɔ̃ɛ 4:29

Otsi alɛ, Apalete, ɖi kɛkpɛ gɛ bakpɛ balɔ ɛkpã nɛifùɔ tɛ̀ ɔkpɛ̀ wɔaxɔ̃ɛdɛ niemi tɛ aɖɔaɖɔ nɛ bupù hohoe mɛ.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Kibui Bubú Kasɛ 19:11

Ɛmɔ ititíɛ dalɛ zã kɛlɛ ɛmɔ ɛsɔ fufu teli, gɛ bekulu anunɔ gɛ azã yɛabha asɛ, Kibui gɛlɛ ɛlɛ ɔzãkɔelete nɛ̀ Kibui gbã elete. Alɔkɔ bamɛ maɖi maɖi ekulu ebhu pɛ atà eyu nɔ.

Petro 1 3:9

Nɔtɛ lɔkɔ kibui kpa ɔlɔkɔ buia kɛbhɛ ɔkɔ kibui kpa nɔ, alo nɔtsɛɖakɛ̀ aklɔatu, pɔ nɔoyulà ɔkɔ bagɔlɔ, ɔmɔsɛ kibui ɛlɛ shu so pɛ bekulu wɔnɔ sɛ tɛ̀ nɔbɔmɔ tiyuyulà.

Tesalonikanɛ 2 1:5

Alɛ pete ebu akasɛ asɛ Owusoso Akaa kebhu kukuluɔ alɛ kalɛ ɔzãkɔ, kɛlɛ nɛ kibui ɛlɛ shu soɔ, babà kalà wɔnɔ asɛ banɔ gɛ ɔna ɔkɔ Owusoso Akaa bukusi ɔŋãkɔɔ, gɛ bɔlɛ shu nɔmɔ bɔtɔ ɔlɛ.

Efesoanɛ 6:9

Kɛlɛ wɔnɔ bapaleteɛ tsyɛ, nɔbhɛtɛ ɔkɔ wɔnɔ banɔ dzidziɛ nɛ kidzo ɛlɛ nabha. Nɔtɛ kpɛ alɛ ɛkpã ifù, ɔmɔsɛ nɔonyi ɔsɛ agɛ yɛenu wɔnɔ Apaleteɛ nɛ̀ balɛ ayɛ alɛititíɛ, kɛlɛ yɛetiɖi banɔ amɛ.

Romanɛ 2:5

Pɔ nɛ wɔnɔ atɔ̃ gagalĩ nɛ̀ ɛtúɔ mɛ gɛ nogitsyina shuɔ, noshogò ɔmɔpɔɛ olu ɔkɔ ishu nɛ Owusoso Akaa ɔmɔpɔɛ iwui nabha gɛ ebèbu yɛebhu kukulu gbangbã akasɛ.

Banɔkpɛkpɛ Axɔ̃ɛ 17:31

Ɔmɔsɛ atɔɖɔ kiwuiɛ gɛ ebekulu kebhu nɛ̀ kanɔ nɔ̀ mɛ petee nɛ̀ kebhuɔ gɛ kalɛ alɛ ɔzãkɔ ɔgana anunɔ gɛ yɛabha yɛatɔɖɔ ahɔɛ. Ebu kibui ɛlɛ akasɛ banunɔ petee ɔgana yɛ tifefeke odenɔ bekpuɔ mɛ shu.”

Banɔkpɛkpɛ Axɔ̃ɛ 9:1

Nɛ kibe ɛlɛ, Saulo ezewlui akãkɔ Apaleteɛ yɛadɔkpasɛanɛ. Atɔnɔ banɔlũazazã gbagbla avɛ

Banɔkpɛkpɛ Axɔ̃ɛ 7:59

Kibeɛ gɛ baata aklagbuɔ ehu Stefanoɔ, ekulu Owusoso Akaa asɛ, “Apalete Yesu, yɛkɛ mɛɔfɔfuĩa nɔ.”