Petro 1 2:16 - Nyangbo New Testament

¹⁶ Nɔzanà ɛkpã asɛ banɔ gɛ balɛishu ahɔɛ mɛ ana, pɔ nɔtɛ̀ lɔkɔ wɔnɔ ishu ahɔɛ mɛ zazã ɔlɔkɔ ɔdã wɔnɔ ebui kpa bhɛbhɛtɛ nulũ, pɔ nɔzã nɛkpã asɛ Owusoso Akaa axɔ̃ɛdɛ ana.

Petro 1 2:16 Referans Kwoze

Galatianɛ 5:13

Mɛadzya alɛ mɔ, bekulu ɔnɔ asɛ nɔzã ishu ahɔɛ mɛ. Pɔ nɔtɛ lɔkɔ ɔnɔ ishu ahɔɛ mɛ zazãa lɔkɔ ɔgana kibui kpa bhɛbhɛtɛ mɛ, pɔ nɔplɛnɔ agɔlɔ nɛ tɛdɛdɛmɛ nɔ mɛ.

Romanɛ 6:22

Otsi alɛ gɛ bebu ɔnɔ eyinɔ nɛ ebui kpa mɛ, pɛ nodzi Owusoso Akaa yɛanɔ dzidziɛ, kɛgɛ nɔbɔ mɔ odenɔ kɛlɛ mɛɛ, kɛba gbana ɔnɔ ɔvɛnɔ tɛdadalɛ mɛ, kɛlɛ kɛgɛ badekoeyì nɛ kɛlɛ mɛ badzi ɛkpã tihɔɔ.

Korintoanɛ 1 7:22

Ɔmɔsɛ anɔ gɛedzi anɔ dzidzì flogo pɛ Apaleteɛ ebekulú yɛ, enu Apaleteɛ yɛanɔ ishu ahɔɛmɛ azazã, kidzo ɛlɛ nabha anunɔ gɛ azã yɛishu ahɔɛmɛ flogo pɛ bekulu yɛ, edzì Kristo yɛanɔ dzidzi.

Romanɛ 6:18

Bebu ɔnɔ eyinɔ nɛ ebui kpa bhɛbhɛtɛ mɛ, kɛlɛ otsi alɛ nodzi banɔ dzidzi ɔkɔ kibui gbangbã tɛbhɛbhɛtɛ.

Galatianɛ 5:1

Ishu ahɔɛmɛ zazã shu so pɛ Kristo akɔ ɔlɔ ishu ahɔɛmɛ zazã. Kliso nɔzã gagalĩi, kɛlɛ nɔtɛ ɔkɔ kɔ ɔwɔ̃nyɔnɔ zã wɔnɔ mɛ nɛ banɔ dzidzi ɛkɔɔ shu.

Yakobo 1:25

Anunɔ pɔ gɛ elu awɔ̃ nɛ̀ ɔsha gɛɔná, pɛ lɔkɔ anɔ ishu ahɔɛ mɛ zazã, pɛ avɛ ɛlɛ abha, atɛ dzɛkɛ pɛ adɛmɛ aabhɛtɛ nɛ kɛgɛ elũ nabhaa, bebeyulà atɔɖɔ kɛka nyia ka gɛ abhɛtɛ nabha.

Yakobo 2:12

Nɔɖɔaɖɔ tɛ nɔbhɛtɛ ibui asɛ banunɔ gɛ babàlɔkɔ ɔsha gɛ lɔkɔ anɔ ishu mɛ ahɔɛ zazã ekulu ebhu akɔ nɔ nɔ̀,

Efesoanɛ 6:6

Nɔotilũ atɔ̃ kɔ alɛ sɛ tɛ noku balɛ awɔ̃ nɛ kibeɛ gɛ balɛ awuhũɔ etsiɖi wɔnɔ abha ete, pɔ asɛ banɔ dzidzi ɔkɔ Kristo ana, tɛ nɔbhɛtɛ Owusoso Akaa tɛpɛpɛ odenɔ wɔnɔ etúɔ mɛ.

Petro 2 2:19

Asɛnɛ ɔdɔ̃ kakasɛ alɛ atɔɖɔ ishu ahɔɛmɛ zazã elu kɔ anɔ, gɛ balɛ pɔ enu banɔ dzidzi ɔkɔ kɛtakpu mɛ gagalĩ ebui, ɔmɔsɛ̀ anɔdzyrame edzì anɔ dzidzì akɔ kibui nɔnɔ gɛ kɛŋã yɛabha.

Koloseanɛ 3:24

ɔmɔsɛ nɔonyi ɔsɛ nɔbɔmɔ kaŋãsi odenɔ Apaleteɛ ɔkɔ asɛ kɛbhɛ babuia ana. Apalete Yesu nɔ ɔkpɛ ɛtakpu esi ɔkɔ.

Yuda 1:4

Ɔmɔsɛ banɔ teli gɛ batɛ fɔnɔ balɛ ɛpɔ bubuɔ elù kibè tili gɛ bafalaa, banɔ alɛ abafala eku wɔnɔɛshi nɛ tikpukpũ mɛ. Benu banɔ gɛ betinyi Owusoso Akaa, gɛ balɔkɔ Owusoso Akaa tibhui bhuibuɔ asɛ kidzo kɔkɔ anɔ ɔkɔ kɛgɔlɔ ŋaŋã kɛlɛ bagɛ yɛkɛ Yesu Kristoɔ gɛenu bɔlɔ Apalete nɛ̀ Ekusi Gbagbla tenikpo nɔ.

Tesalonikanɛ 1 2:5

Nɔonyi ɔsɛ bɔtɛ ɖɔ olugbũ mɛ dzyɛdzyɛ ebui, alo pɛ bukumu bɔdɔ̃ nɛ bamɛ asɛ tɛ bukpũ bɔlɔ ishu tɛpɛpɛ̃ɛ, Owusoso Akaa yɛenu agɛ yɛamɔ ebuiɛ aplɛnɔ bɔlɔ.