Petro 1 2:15 - Nyangbo New Testament

¹⁵ Ɔmɔsɛ kinu Owusoso Akaa tɛpɛpɛ ɔsɛ ganà kibui gbangbã tɛbhɛbhɛtɛ mɛɛ, tɛ̀ nɔkɔ bawɔaga gɛ baɖɔ matì matì kaɖɔ ataatɔ̃.

Petro 1 2:15 Referans Kwoze

Petro 1 3:17

Apɛ adɛ gɛ onupɛ kinu Owusoso Akaa tɛpɛpɛɛ́, sɛ tɛ̀ nɔtɔ̀ ɔkɔ kibui gbangbã tɛbhɛbhɛtɛ ɔdɛ kibui zizĩ bhɛbhɛtɛ̀.

Tito 2:8

Kasɛ kaɖɔ gbangbã gɛ batɛ balà lɔɛtití nɛ alɛ shu tɛɖɔɖɔ, sɛ tɛ kiwũi yi bagɛ balɔɛtití nɛ wɔ shuɔ, ɔmɔsɛ bagɛ mɔ kibui kpa nanà gɛ abaɖɔ nɛ bɔlɔ shu.

Petro 1 2:12

Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Tesalonikanɛ 1 5:18

Nɔohu ahɔɛ nɛ ebui ka nyia ka mɛ, ɔmɔsɛ kɛlɛinu Owusoso Akaa tɛpɛpɛɛ ɔkɔ wɔnɔ nɛ Kristo Yesu mɛ.

Tesalonikanɛ 1 4:3

Kinu Owusoso Akaa tɛpɛpɛ sɛ tɛ wɔnɔ shu dalɛ, sɛ tɛ nɔyɔlɔ ɔmamɛdɛdɛ,

Petro 2 2:12

Pɔ banɔ alɛ aaɖɔ atsɔ̃bui nɛ ebui nɔnɔ gɛ̀ begilũ alɛ esi mɛ. Bedzi asɛ kifutù mɛ bagãhoe, gɛ bamɔ alɛ sɛ tɛ̀ bevu alɛ eyí, kɛlɛ balɛ tsyɛ ebetsì asɛ bagãhoe ana.

Romanɛ 1:21

Gɛ benyii ɔmɔ asɛ Owusoso Akaa tsyɛ elo, batɛkpɛ yɛinye nɛ itití alo pɛ behu yɛahɔɛ, balɛ ekpeɖekpeɖe mɛ bhɛbhɛtɛ edzi kɛlɛ́, kɛlɛ balɛ bɔga dɔdɔ etúɔ mɛ eku otumũ.

Yuda 1:10

Pɔ banɔ alɛ xɔnɔ baɖɔ akwalatu ebui alɔɛtití nɛ kibui nɔnɔ gɛ begilũ kɛlɛ esiɛ shu. Asɛ efutumɛ agã gɛ batɛ abhɛtɛ ekpeɖekpeɖe mɛ, ebui nɛ alɛ gɛezĩ alɛ.

Petro 1 4:2

Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Timoteo 1 1:13

Gɛ itidzì anɔ gɛ ɛbhɛtɛ ebusoebui eɖi, anɔ gɛ atɔnɔ banɔ ede nɛ̀ anɔ gɛ azabhɛtɛ agbagbà ebui tsyɛ elo, ebi mɛ ashagabui, ɔmɔsɛ ɛbhɛtɛ alɛ petee nɛ matì matì nɛ̀ mayɛkɛ mayɛkɛŋã mɛ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Galatianɛ 3:1

Wɔnɔ Galatianɛ awɔaga! Afana gɛ atã ɔnɔ nɛ̀ ohui ana dza? Nɛ wɔnɔ amɛɛ, nɔmɔ piapii ɔsɛ bakpalà Yesu Kristo nɛ butsi osiɛ shu.

Petro 1 3:16

tɛ̀ ɔkɔ wɔnɔ etúɔ mɛ ebuiɛ adalɛ piapi, sɛ tɛ̀ kiwũi yi bagɛ balɛ aɖɔaɖɔ kpa pɛ beezhinì olugbũ esi nɛ wɔnɔ ɛkpã gbangbã tɛzazãna nɛ Kristo mɛ shu.