Petro 1 2:12 - Nyangbo New Testament

¹² Nɔzã nɛ̀ ɛkpã gbangbã ɛlɛ nɛidi nɛ bagɛ agɛ yɛkɛŋã nɛishi, sɛ gɛ bebu wɔnɔ kɛpɔ sɛ nɔbhɛtɛ ebui kpa tsyɛ elo, babàmɔ wɔnɔ ebui gbangbã tɛbhɛbhɛtɛ kɛlɛ babà dalɛ Owusoso Akaa nɛinyeɛ shu nɛ kiwui ɛlɛ nabha gɛ ababa ebeɖi ɔlɔ.

Petro 1 2:12 Referans Kwoze

Petro 1 3:16

tɛ̀ ɔkɔ wɔnɔ etúɔ mɛ ebuiɛ adalɛ piapi, sɛ tɛ̀ kiwũi yi bagɛ balɛ aɖɔaɖɔ kpa pɛ beezhinì olugbũ esi nɛ wɔnɔ ɛkpã gbangbã tɛzazãna nɛ Kristo mɛ shu.

Korintoanɛ 2 8:21

Ɔmɔsɛ bɔkpɛ kemi pɛ bɔbhɛtɛ̀ kɛgɛ pɛ nɔ, gɛnɛ nɛ Apaleteɛ namɛ ete, pɔ nɛ banɔdzyrame tsyɛ amɛ.

Tesalonikanɛ 1 4:12

sɛ tɛ kɛkɔ sɛ wɔnɔ kibe nyia be ɛkpã zazãna sɛ tɛ bagɛ etinu Kristoanɛ bamɔ wɔnɔ tɛpɛpɛ, tɛ nɔtɛ zã ananà yɛabha.

Timoteo 1 4:12

Tɛkɔ ɔsɛ ananà eɖi wɔ asɛ anuvɔ wɔonu so, pɔ kpɛ kibui tili olu ɔgana kaɖɔ ɖɔɖɔ mɛ, nɛ wɔɛkpã mɛ, wɔtɛdɛdɛmɛ nɛ̀ anɔ, nɛ tɛyɛyɛkɛŋã nɛ̀ ɛkpã dadalɛ mɛ.

Yakobo 3:13

Afana gɛenu ebuitinɛ nɛ̀ ebui esi lulũelete nɛ wɔnɔ mɛ? Anɔ alɛ alɔkɔ ɛkpã gbangbã ebu ɛlɛ akasɛ ɔgana yɛebui bhɛbhɛtɛ mɛ, kɛlɛ tɛ abhɛtɛ alɛ ɔgana ishu esi zhizhinɔ gɛide ubuti mɛ.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Petro 2 3:11

Gɛ bebè zĩ kɛka nyia ka nɛidzo ɛlɛ nabha soɔ, banɔ ɖuwoe idì kɛlɛ sɛ tɛ̀ nɔodzìɛ dza? Kɛlɛ sɛ nɔzã ɛkpã dadalɛ nɛ̀ kɛtakpu esi kpɛkpɛ ɔkɔ Owusoso Akaa mɛ

Romanɛ 13:13

Nɔkɔ bɔzã nɛ ɛkpã gbangbã asɛ kiwui dadalɛ mɛ ana, tɛ bɔta bhɛtɛ agbagbà ebui asɛ bɔmɔ same, tɛ bɔzɛwɔ̃ɛ bunũ tizì buku, tɛ bɔɔbhɛtɛ banyɛ nɛ̀ badzɛ ebui pɛ bɔbaatɛ ishu lu esi. Kɛgɛ pɛ ɔsɛ tɛ bɔɔkpɛ ɔmɔpɔɛ tɛ bɔzɛpɛ ebalá alo tɛ bɔzɛdzã awuhũ nɛ bagɔlɔ shu.

Romanɛ 12:17

Nɔtɛ bhɛtɛ ibui kpa ɔkpɛ ibui kpa lũ ɔkɔ anɔ na nà. Nolu awɔ tɛ nɔbhɛtɛ ibui gɛinu kɛgbangbã nɛ anɔ ka nyia ka amɛ.

Hebrianɛ 13:18

Nookulu Owusoso Akaa nɛ ɔlɔ ɛtakpu. Bɔyɛkɛ ŋã sɛ bɔlɛ nɛ etú dadalɛ mɛ, kɛlɛ bɔɔpɛ sɛ tɛ bɔzã nɛ̀ ɛkpã dadalɛ nɛidzo nyiɛ idzo abha.

Timoteo 1 2:2

akɔ bekusiɛ nɛ̀ bagɛ alɛ ɔsha nulũɔ, sɛ tɛ bɔzã nɛ ishu yɔyɔ nɛ̀ ɛkpã gɛyɔ nɛ Owusoso Akaa nɛ̀ ishu dadalɛ pete mɛ.

Filipianɛ 4:8

Gɔgɔɛ nɔ, mɛadzya alɛ mɔ, kɛnɔnɔ gɛ lɛ ɛlɛ ɔzãkɔ, kɛnɔnɔ gɛ dzã kiwuhũ, kɛnɔnɔ gɛ pɛ̃, kɛnɔnɔ gɛ ɛlɛ shu dalɛ̃, kɛnɔnɔ gɛlɛ sɛ badɛmɛ nɔ, kɛnɔnɔ gɛ kiku anɔ same, onupɛ kibui gbangbã tili, kɛpɛ̃ ɔsɛ bakpɛ ɛlɛ nɛititíɛ, nɔ bhɛtɛ ekpeɖekpeɖe mɛ nɛ alɛ nɛidi shu.

Efesoanɛ 4:22

Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Hebrianɛ 13:5

Tɛdɛdɛmɛ nɔ nɛ̀ ehoeyi pɛpɛ ɔfala nɛifu tɛzã ɔnɔ mɛ, pɔ nɔkɔ kɛgɛ ɛlɛ wɔnɔ ahɔɛ ku wɔnɔ awɔ̃, ɔmɔsɛ Owusoso Akaa aɖɔ asɛ, “Ɛtɛba shɛnɛ ahɔɛ nɛ wɔshu alo tɛ mɛshɛ̃ yɔlɔ wɔ ɖa.”

Romanɛ 15:9

sɛ tɛ bagɛ betinu Yudanɛ tsyɛ tɛ bakpɛ Owusoso Akaa nɛinye nɛitití nɛ yɛashagabui ɖiɖiɛ shu, asɛ kɛfɔ̀nɔ gɛ bafɔnɔ kibuiɛ elu asɛ, “Kliso ɛbakpɛ wɔɛnye nɛitití nɛ bagɛ betinu Yudanɛ nɛishi, kɛlɛ ɛbazhã ɛdzɛ nɛ wɔɛnye nɛtakpu.”

Petro 1 4:11

Onupɛ anɔ teli aɖɔaɖɔɔ, abhɛtɛ ɛlɛ asɛ anɔ gɛ aɖɔ Owusoso Akaa nɛibui ana. Onupɛ anɔ teli adɛ axɔ̃ɛ, abhɛtɛ ɛlɛ nɛ̀ ohumiɛ gɛ Owusoso Akaa akɔɛ nɔ mɛ, sɛ tɛ̀ nɛ ebui petee mɛɛ, babà kpɛ Owusoso Akaa nɛinye nɛitití ɔganà Yesu Kristo abha. Ishu dadalɛ nɛ̀ ohumi ɔlɛ onu yɛ ɔyɛ odenɔ otsiɛ vɛnɔ tihɔɔ. Amen.

Efesoanɛ 2:3

Bɔlɔ petee tsyɛ tɛzã balɛishi ɖi nɛ kibè tili gɛ bafala, pɛ bɔzɛ kpɛ samè nɛ bɔlɔ ebui kpa bhɛbhɛtɛ shu, kɛlɛ bɔzɛ pɛedzo alɛ pɛ bɔɔ bhɛtɛ ekpeɖekpeɖe mɛ nɛ alɛishu. Asɛ gɛ banɔ gɔgɔ̃ɔ aza bhɛtɛɛ, budzi banɔ gɛ ɔmɔpɔɛ kpa ɔzã bɔlɔ mɛ.

Korintoanɛ 2 13:7

Otsi nɔ bukulu Owusoso Akaa sɛ nɔtɛ bɔbhɛtɛ kibui kpa nanà. Gɛnɛ gɛ banɔ abamɔ̃ asɛ bɔŋã kabha nɛ tifefekeɖiɛ mɛ so, pɔ sɛ tɛ nɔbhɛtɛ kibui nɔnɔ gɛpɛ̃ onupɛ edzi asɛ bɔgɛ ŋã kabha tsyɛ.

Korintoanɛ 1 14:25

kɛlɛ ebui kpukpũɔ gɛ akpasɛ yɛitúɔ mɛ ebebu alɛishu kasɛ. Klisoɔ ebezhi nì ekluisi esi pɛ abakpɛ Owusoso Akaa nɛitití nɛ̀ ozĩ asɛ, “Owusoso Akaa akpasɛ wɔnɔɛishi kɛgbã!”

Banɔkpɛkpɛ Axɔ̃ɛ 24:13

Kɛlɛ batɛ balà ebù ebuiɛ gɛ alɛ balɔkɔ ebhui mɛulũ otsiɛ nɔ akɔwɔ.

Banɔkpɛkpɛ Axɔ̃ɛ 15:14

Simon gɛenu Petroɔ ashɔrɔ bɔlɔ kana gɛ putɔnɔ Owusoso Akaa akasɛ yɛ tili tɛlɔlɔkɔ nɛ kibuɔ gɛ ebu banɔ edenɔ bagɛ etinu Yudanɛ mɛ akɔ yɛishu.

Banɔkpɛkpɛ Axɔ̃ɛ 25:7

Kibeɛ gɛ Paulo ebekuɔ, Yudanɛ gɛede Yerusalem abaa ebeshogò nɛishu, pɛ balɔkɔ ebui gagalĩ nɛishu, ebuiɛ gɛ batɛ alà alɛ mɛ ebú tsyɛ.

Banɔkpɛkpɛ Axɔ̃ɛ 28:22

Pɔ bɔpɛ sɛ tɛ̀ bulũ kɛgɛ ɔmɔ nɛ kɛlɛ shuɔ, ɔmɔsɛ bunyi sɛ banunɔ nɛ ɔkɔ nyia ɔkɔ aɖɔaɖɔ nɛ ɔhakpa alɛ shu.”

Romanɛ 14:18

Ɔmɔsɛ anunɔ gɛ akpɛ ɛtakpu esi akɔ Kristo nɛ idzo ɛlɛ nɛidi abhaa yɛibui Owusoso Akaa adɛmɛ nɔ, kɛlɛ banɔ tsyɛ adɛmɛ atɔɖɔ kɛlɛ abha.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Petro 1 2:15

Ɔmɔsɛ kinu Owusoso Akaa tɛpɛpɛ ɔsɛ ganà kibui gbangbã tɛbhɛbhɛtɛ mɛɛ, tɛ̀ nɔkɔ bawɔaga gɛ baɖɔ matì matì kaɖɔ ataatɔ̃.