Petro 1 2:1 - Nyangbo New Testament

¹ Klisoɔ nɔobu ishu oyinɔ odenɔ banɔ shu zizĩ nɛ̀ banɔ wɔɛwɔɛ mɛ, asɛnɛ sɛsɛ, kawɔ̃kpɛ nɛ̀ banɔ ishutibui tɛɖɔɖɔ ka nyia ka ɛdi mɛ.

Petro 1 2:1 Referans Kwoze

Efesoanɛ 4:31

Nɔobu ishu mɛ pɔpɔɛ, ɔmɔpɔɛ zizĩ nɛ̀ ɔmɔpɔɛ, banɔ kwɔakwɔala nɛ̀ olugbũ edzi gagã, banɔ shu zizĩ ka nyia ka ɛdi nɛ wɔnɔ ɛshi.

Yakobo 1:21

Kliso nɔshɛnɛ ahɔɛ nɛ atsɔ̃bui idi ka nyia ka bhɛbhɛtɛ, nɛ̀ ɛkpã zizĩ ka nyia ka gɛ likpũ kpasɛ ɔnɔ mɛɛ shu olu, tɛ nozhinɔ ishu esi tɛ nɔyɛkɛ yɛibui gbangbã gɛ baɖa kpɛ wɔnɔ mɛ. Gɛ kɛlɛ balà yɛkɛ ɔnɔ olu nɛ ɛkpãa.

Yakobo 4:11

Mɛadzya alɛ mɔ, nɔtɛ ɔzɔɖɔ ebui kpa nɛ bagɔlɔ shu. Anunɔ gɛ aɖɔ ebui kpa nɛ yɛadzya shu alo ekulu ebhu niyɛɛ, alɔɛtití nɛ ɔshaa shu, kɛlɛ ekulu ebhu nɛ ɔlɛ. Onupɛ nokulu ebhu nɛ̀ ɔshaa, kɛlɛ anɛ ɔlɛ abha bhɛbhɛtɛelete nonu, pɔ nodzi ebhu ekukuluelete ɔkɔ ɔshaa.

Petro 1 3:10

Ɔmɔsɛ, “Anunɔ gɛ abadɛmɛ nɛ̀ ɛkpãa tɛ amɔ ewui gbangbãa kɛlɛ sɛ ebu yɛinekeɛ eyinɔ nɛ ebui kpa ɖɔɖɔ shu nɛ̀ tɛ ebu olugbũ odenɔ kaɖɔ ɖɔɖɔ gɛawɔɛ banɔ shu.

Petro 1 4:4

Kɛbhɛtɛ balɛibi nɛ kibui nɔnɔ shu so pɛ, nɔgɛ dɛmɛ ɔsɛ tɛ̀ nɔkpà plɛnɔ balɛ nɛ ɛkpã kpa zazãna ɛlɛ mɛ, kliso bakɔalà wɔnɔ.

Petro 1 4:2

Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Yakobo 5:9

Nɔtɛ ɔvɛnɔ olugbũ nɛ bagɔlɔ ɔkɔ, mɛadzya alɛ mɔ, sɛ tɛ batɛ bekulu ebhu nɛ ɔnɔ. Ɖio, kebhukulueleteɛ tsyɛ yɛeli edulũɔ alɛ!

Hebrianɛ 12:1

Gɛ bagazã pɛ amɔ ebuiɛ alɛ asɛ ɔmɔlɔ̃ dodo toli gɛ ɔkpɛ ɔkã kana ɔlɔ soɔ, nɔkɔ bubú kɛka nyia ka, nɛ̀ ebui kpa gɛ làkɔ bɔdɔ̃ oboeɛ lu, tɛ bubú tɛtsɛɖɛ mɛ bubuɔ gɛlɛ ɔlɔ otugbàa nɛ̀ emi.

Timoteo 1 3:11

Nɛ kidzo ɛlɛ nabha, balɛ edzini alɛ tsyɛ, kɛlɛ sɛ bedzi baadzɛ gɛ banɔ adɛmɛ nɛ alɛ, betinu banɔ gɛ baɖɔ banɔ tibui, pɔ benu badzɛ gɛ belu kitu esi pɛ bayɛkɛ balɛ abha ŋã nɛ kɛka nyia ka mɛ.

Petro 1 2:22

“Agɛ bhɛtɛ kibui kpa nanà, kɛlɛ begi lu banɔ wɔɛwɔɛ ibui nanà nɛ yɛolugbũ mɛ.”

Tito 2:3

Kana ɛbe, kasɛ badzɛ sheshèɛ tɛ bakpɛ kɛtakpu esi nɛ kana gɛ baba zana ɛkpã shu, betidzi banɔ gɛ agã olugbũ edzi alo banɔ gɛ bawɔ̃ɛ bunu ebuku, pɔ tɛ bakasɛ kɛgɛ pɛ̃.

Korintoanɛ 1 14:20

Mɛadzya alɛ, nɔyɔlɔ ekpeɖekpeɖe mɛ tɛbhɛbhɛtɛ asɛ bunuvɔɛ ana. Nɛ ebui kpa tɛbhɛbhɛtɛ shu xɔnɔ, nɔzã asɛ bunuvɔɛ ana, pɔ nɛ wɔnɔ ekpeɖekpeɖe bhɛbhɛtɛ mɛ xɔnɔ nɔzã asɛ banɔ sheshè ana.

Romanɛ 1:29

Banunɔ mɛ eyuku nɛ̀ atakpu mɛ gagalĩ, ebui zizĩ, mɛete ɛyɛ tɛpɛpɛ̃ nɛ̀ banɔ tidzyidzyini ɔkpɛ, alɛ ayɛkɛ alɛ mɛ. Ebui kpa bhlatɔ enu awuhũ dzadzã nɛ banɔ shu, banɔ yiyí, ebla pɛpɛ, banɔ wɔɛwɔ̀ɛ nɛ̀ ɔhagbo shu tizizĩ. Benu olugbũedzi agagã anɔ,

Korintoanɛ 2 12:20

Ɔmɔsɛ kifù yimɛ sɛ onupɛ ɛba wɔnɔ ɔkɔ, ɛtɛbà mɔ wɔnɔ asɛ kana gɛ ɛpɛ sɛ nɔzã, kɛlɛ wɔnɔ tsyɛ ɔtɛbɔ mɔ mɛ asɛ kana gɛ nɔpɛ ɔsɛ tɛ mɛzã. Kifù yimɛ ɔsɛ ebelà pɛpɛ ebui, kabhãwawlakɛ ebui, ɔmɔpɔɛ kpɛkpɛ, ɔhakpa yaya, kaɖɔ kpa tɛɖɔɖɔ, banɔ shu tizizĩ, ishu fefeke nɛ̀ kawlɔ̃akɛ ebui ebeku wɔnɔ mɛ.

Kibui Bubú Kasɛ 14:5

Asɛnɛ ɛbui agɛzã balɛ olugbũ mɛ oɖi, kɛlɛ bamɛ tsitsí ibui nanà tsyɛ ma balɛishu.

Petro 1 2:16

Nɔzanà ɛkpã asɛ banɔ gɛ balɛishu ahɔɛ mɛ ana, pɔ nɔtɛ̀ lɔkɔ wɔnɔ ishu ahɔɛ mɛ zazã ɔlɔkɔ ɔdã wɔnɔ ebui kpa bhɛbhɛtɛ nulũ, pɔ nɔzã nɛkpã asɛ Owusoso Akaa axɔ̃ɛdɛ ana.

Yakobo 4:5

Pɛnɔsɛ noɖi ɔsɛ kibui ete ko baɖɔ elu nɛ Kibui fɔfɔnɔ luuɔ mɛ ɔsɛ, yɛɔfɔfuĩa nɔ gɛ akɔ asɛ lɔzã ɔlɔ mɛɛ ɔwlɔãkɛ abhã gagalĩi.

Yakobo 3:14

Onupɛ kiwuhũ dzadzã kɛtɛ́kɛtɛ́, nɛ̀ mɛ ete yɛtɛpɛpɛ ebui alɛ akpasɛ ɔnɔ etúɔ mɛɛ, nɔtɛotũ itelũ nɛ alɛishu alo tɛ nɔzɔdɛ adã nɛ ibui gbangbã shu.

Tesalonikanɛ 1 2:3

Ɔmɔsɛ tibibisiɛ gɛ bubisiɛ gɛide kesitata alo ekpeɖekpeɖeɛ gɛ yɛishuɔ gɛ dalɛ mɛ alo sɛ tɛ bɔwɔɛ wɔnɔ.

Korintoanɛ 1 5:8

Klisoɔ nɔkɔ bɔbhɛtɛ tɔɖɔ kiwui ŋaŋã nabha, gɛnɛ kɛdɔ̃ tsɔtsɔmɔ̃ kiyi kukuɔ, kiyiɛ gɛ manà ebui kpa bhɛbhɛtɛ nɛ̀ kɛtakpu mɛ gagalĩ bhɛbhɛtɛ ebui, pɔ nɔzã asɛ kifufulũ gɛ bagɛ kpɛ kɛdɔ̃ tsɔtsɔmɔ̃ kiyi nɛ kɛlɛ mɛ, kifufulũ gɛ bagɛ kpɛ kɛdɔ̃ tsɔtsɔmɔ̃ nɛ yɛ mɛ pɛ kinu kibui gɛ kɛlɛ ɛlɛ ɔzãkɔ tɛbhɛbhɛtɛ.