Petro 1 1:5 - Nyangbo New Testament

⁵ banɔ gɛ ɔgana tɛyɛyɛkɛŋã mɛ balɔkɔ Owusoso Akaa ohumi nɔ akpɛ ɔkã nɛ wɔnɔ shu, ɔvɛnɔ kibeɛ gɛ anɔ tibubuɔ gɛ babalɛ elu akɔ nɛ ewui gɔgɔɛ mɛ babà.

Petro 1 1:5 Referans Kwoze

Filipianɛ 1:6

gɛ ilù awɔ̃ nɛ ibui ɛlɛ abha soɔ, inyi sɛ anunɔ gɛ yɛakpɛ kɛxɔ̃ɛ gbangbã tɛwɔawɔa esi nɛ ɔnɔ, abavɛ ɛlɛ abha ɔdɛ tɔ̃ nɛ Kristo Yesu kiwui nabha.

Efesoanɛ 2:8

Ɔmɔsɛ tibhui bhuibu shu so pɛ bebu ɔlɔ ɔgana tɛyɛyɛkɛŋã mɛ, kɛlɛ kɛgi de wɔnɔ ɔkɔ, pɔ Owusoso Akaa yɛdɔ kɔkɔ kinu,

Petro 1 1:13

Klisoɔ, nɔ balɛ wɔnɔ ekpeɖekpeɖeɛ ɔkɔ kɛxɔ̃ɛ wɔawɔa, nɔŋã wɔnɔ shu abha tɛ nozoɖì kidzo mɛ ɔkɔ tibhui bhuibuɔ gɛ babà kɔ wɔnɔ gɛ onupɛ Yesu Kristo ebè ekoeyìɛ.

Yuda 1:1

Mɛ Yuda, Yesu Kristo yɛaxɔ̃ɛdɛ nɛ̀ Yakobo yɛadza ɔkɔ. Mɛfɔnɔ keplukpa alɛ ɛsɛsɛ bagɛ bekulu pɛ Owusoso Akaa adɛmɛ nɔ pɛ Yesu Kristo abalɛ alɛ elúɔ.

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Timoteo 2 3:15

kɛlɛ nɛ kana gɛ onyi Owusoso Akaa kibui odenɔ kinuvɔbe soɔ, kibui gɛ bhɛtɛ wɔ pɛ odzì ebuitinɛ ɔkɔ wɔ tibubu ɔgana tɛyɛyɛkɛŋã nɛ Kristo Yesu abha.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Efesoanɛ 3:17

sɛ tɛ Kristo azã wɔnɔ etúɔ mɛ ɔgana tɛyɛyɛkɛŋã mɛ. Kɛlɛ ikulu Owusoso Akaa sɛ tɛ nɔkpɛ igu tɛ wɔnɔ tɛdɛdɛmɛ nɔ gagalĩ,

Romanɛ 11:20

Kɛlɛ kɛlɛ́ mɛ. Pɔ bebhui bɔshɛ nɔ atsɛ ɔmɔsɛ bagɛ yɛkɛ aŋã, wɔ xɔnɔ wɔ tɛyɛyɛkɛŋã so pɛ bayɛkɛ wɔedzu. Tɛofeke ishu, kɔ kifu pɔ zã wɔ mɛ.

Yuda 1:24

Ishu dadalɛ ɔkɔ anunɔ gɛ yɛakɔ asɛ tɛ̀ nɔtɛ dɔ oboe, sɛ tɛ̀ alɔkɔ ɔnɔ elù anɔ dadalɛ amɛ tɛ̀ kibui kpa tɛzã wɔnɔ shu pɔ nɛ same mɛɛ,

Yohanes 1 3:2

Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Hebrianɛ 6:12

Bɔgɛ pɛ sɛ nodzi banɔ zhɔzhɔrɛ, pɔ nɔkpasɛ bagɛ azã nɛ̀ ɛkpã ɔgana tɛyɛyɛkɛŋã nɛ̀ tɛdɔdɔ fɔ̃ɔ mɛ, pɛ bayɛkɛ kɛgɛ batɔɖɔ eluɔ.

Korintoanɛ 2 1:24

Gɛnɛ sɛ buutũ kɛlɛ kpɛ wɔnɔ ulũ ɔsɛ nɔyɛkɛ ɔŋã, pɔ bɔwɔa axɔ̃ɛ plɛnɔ wɔnɔ ɔkɔ wɔnɔ samè mɔmɔ, ɔmɔsɛ tɛyɛyɛkɛŋã kɛlɛ bakɔ ɔsɛ tɛ nɔzã gagalĩ.

Romanɛ 8:18

Nɛ mɛɔdɔ̃ mɔmɔ lũɔ, kibe ɛlɛ ɔtɔ tinu kɛdɔ̃ gɛ babalà alɔkɔ ashɔnɔ ishu dadalɛ gɛ bebebu akasɛ nɛ ɔlɔ mɛɛ.

Korintoanɛ 1 1:21

Nɛ Owusoso Akaa bubuti nulũ soɔ, kanɔ alɛ mɛ gana kalɛ bubutiɛ mɛ betinyi yɛ, bɔwɔaga kibuiɛ gɛ baɖɔ tɛ bebù bagɛ ayɛkɛ aŋã elu nɛkpã ku Owusoso Akaa nɔ awɔ ɔdɛ.

Filipianɛ 4:7

Kɛlɛ Owusoso Akaa ishu yɔyɔɔ gɛidɛ ebui esi lulũ ka nyia ka ɛdiɛ mɛɛ, aba gbanà ɔnɔ etúɔ nɛ̀ ekpeɖekpeɖeɛ nɛ Kristo Yesu mɛ.

Petro 1 4:13

Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

Petro 1 5:1

Mɛ asɛ ɔhamɛ sheshè ana, ɛɛkɔ wɔnɔ ɔhamɛ esheshèɛ gɛ alɛ wɔnɔ ɛshiɛ ɛtakpu, asɛ anɔ gɛazã amɔ Kristo yɛɔtɔ nɛ̀ anɔ tsyɛ gɛ aba mɔ ishu dadalɛ gɛ bebebu akasɛ.

Petro 2 1:3

Yɛohumi nɔ ɔkɔ ɔlɔ kɛka nyia ka gɛ bɔɔpɛ ɔkɔ ɔlɔ ɛkpã nɛ̀ Akaa mɛ tɛzazã, ɔganà kanà gɛ bɔbatì yɛ gɛ ekulu ɔlɔ amanà yɛishu dadalɛ nɛ̀ yɛebui gbangbã mɛ.