Petro 1 1:4 - Nyangbo New Testament

⁴ nɛ̀ kaŋãsiɛ gɛetibe belè ɖìɛ mɛ, gɛ ketìbezĩ alo pɛ kalɛ ulũ bafalàa, kalɛ babalɛ nɛititíɛ elu akɔ wɔnɔ

Petro 1 1:4 Referans Kwoze

Kibui Bubú Kasɛ 21:27

Kɛdɔ̃ gɛ ɛlɛ shu gɛdalɛ nanà tɛbaku ɔma ɔlɛ mɛ ɖi, alo bagɛ babhɛtɛ awuĩ ebui alo asɛnɛ elete atɛ bazã ɔlɛ mɛ. Pɔ bagɛ alɛ enye bafɔnɔ akpɛ Obhoshieyiɛ ɛkpã eplukpa mɛ ete ko balɛ abazã ɛkɛlɛ.

Hebrianɛ 9:15

Nɛ kidzo ɛlɛ nabhaa, Kristo edzi iboe evuvũ akɔ olũgbu nyanyã vɔvɔ ɔlɛ, sɛ tɛ bagɛ bekuluɔ tɛ bamɔ kaŋãsi tihɔɔ ayɛkɛ nɛ tɛtɔtɔɖɔ nulũ, Kristo ebetsí sɛ tɛ ebu balɛ eyinɔ nɛ balɛ ebui kpaa gɛ babhɛtɛ nɛ olugbũ nyanyã gɛ oputɔ nɛibeɛ.

Petro 1 5:4

Kɛlɛ onupɛ Ibhoshiɛ Agbagbana Ekusiɛ ebekoeyìɛ, nɔbɔ yɛkɛ ishu dadalɛ ɛkpã kikutuɔ gɛ ɛtɛbà zĩ ɖiɛ.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Koloseanɛ 1:5

tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Efesoanɛ 1:18

Ikulu Owusoso Akaa tsyɛ ɔsɛ tɛ ebui mɛ adalɛ akɔ ɔnɔ etú mɛ awuhũɔ sɛ tɛ nɔotì tɛtɔtɔɖɔ nɔnɔ ɛtakpu so pɛ ekulu ɔnɔ, ehoeyi ɔdɔ̃ gɛ lɛ ɔkɔ kaŋãsi dadalɛ gɛakpɛ banɔ dadalɛ mɛ,

Efesoanɛ 1:14

gɛenu kɛdɔ̃ gɛ alɔkɔ akpɛ ide ɔkɔ ɔlɔ kaŋãsiɛ odiyinɔ kibeɛ gɛ bebu bagɛ enu Owusoso Akaa yɛanunɔ ɔkɔ yɛ tɛdadalɛ kpɛkpɛ nɛitití.

Efesoanɛ 1:11

Yɛ mɛ bebu ɔlɔ tsyɛ, gɛ atɔɖɔ ɛlɛ asɛ ababhɛtɛ ɔlɔ akpɛ otugbà nɛ yɛ tɛtɔtɔɖɔ ulũ, anɔ gɛ yɛawɔa axɔ̃ɛ sɛ labhɛtɛ tenikpo nɛ kɛgɛ yɛatɔɖɔ nɛ̀ kɛgɛ yɛapɛ ulũ,

Romanɛ 8:17

Kliso onupɛ yɛeyi alɛ bunuɔ, kɛlɛ budzi kaŋãsiɛelete-Owusoso Akaa kaŋãsiɛelete ɔplɛnɔ Kristo. Kɛmɔ̀ gɛ bɔmɔ̀ ɔtɔ ɔplɛnɔ Kristoɔ, kidzo ɛlɛ nabha babakpɛ bɔlɔ tsyɛ nɛ kitití ɔmɔ asɛ yɛ ana.

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.

Yakobo 1:11

Ɔmɔsɛ iwiɛ tu nɛ̀ kɛlɛ tinyenye gagalĩɛ, kɛkɔ ɔsɛ busiɛ atã pɔɛ, awlɔakpa wɔwɔ tsyɛ atãpɔɛ, kɛlɛ latɛ kapɔ ɖi. Nɛidzo ɛlɛ nabhaa ehoeyieleteɛ nulũ bafala, gɛ abazã yɛaxɔ̃ɛ wɔawɔa abha tsyɛ flogo.

Koloseanɛ 1:12

ahɔɛ nɛ̀ same, anɔ gɛ akɔ nɔ shɔnɔ sɛ nɔmɔ tili odenɔ banɔ dadalɛ kaŋãsiɛ gɛalɛ bukusi ɔŋãkɔ gɛ dalɛ.

Galatianɛ 3:18

Onupɛ ganà ɔshaa mɛ babà yɛkɛ kaŋãsiɛ alɛ, kɛlɛ kɛtɛ kanu ɔsɛ kɛgã tɛtɔtɔɖɔ lu mɛ, pɔ nɛ Owusoso Akaa tibhui bhuibuɔ ulũɔ, alɔkɔ ɔsha akɔ Abraham ganà tɛtɔtɔɖɔ luɔ mɛ.

Korintoanɛ 1 9:25

Anɔ ka nyia ka gɛ apɛ asɛ tɛ̀ awlɔ̃akɛ nɛ bɔwufu lɛ nɛidi mɛɛ, akpasɛ bɔlɛ piapii. Babhɛtɛ alɛ sɛ tɛ̀ bayɛkɛ kikutuɔ gɛtɛ bazã tihɔɔ nɔ, pɔ bɔbhɛtɛ alɛ nyɔ̃ɔ sɛ tɛ̀ bɔyɛkɛ kikutuɔ gɛ bazã tihɔɔ nɔ.

Petro 1 3:9

Nɔtɛ lɔkɔ kibui kpa ɔlɔkɔ buia kɛbhɛ ɔkɔ kibui kpa nɔ, alo nɔtsɛɖakɛ̀ aklɔatu, pɔ nɔoyulà ɔkɔ bagɔlɔ, ɔmɔsɛ kibui ɛlɛ shu so pɛ bekulu wɔnɔ sɛ tɛ̀ nɔbɔmɔ tiyuyulà.

Koloseanɛ 3:24

ɔmɔsɛ nɔonyi ɔsɛ nɔbɔmɔ kaŋãsi odenɔ Apaleteɛ ɔkɔ asɛ kɛbhɛ babuia ana. Apalete Yesu nɔ ɔkpɛ ɛtakpu esi ɔkɔ.

Hebrianɛ 10:34

Nɔɔnyɔnɔ awɔ̃ nɛ bagɛ bakpɛ nɛ ɛɖavũ mɛɛ shu, kɛlɛ nɔdɛmɛ bayɛkɛ ɔnɔ ahɔɛ mɛ bɔdɔ̃ tsyɛ nɛ ɔnɔ ahɔɛ faa. Ɔmɔsɛ nonyi ɔsɛ bɔdɔ̃ gbangbã gɛdɛ ɔlɛ bazã ɔnɔ ahɔɛ tihɔɔ kiwui tili.