Petro 1 1:22 - Nyangbo New Testament

²² Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Petro 1 1:22 Referans Kwoze

Timoteo 1 1:5

Kɛgɛ kɛlɛishu bakpɛ ɔsha ɔlɛ kɛlɛinu tɛdɛdɛmɛ nɔ, gɛide kitúɔ gɛ dalɛ nɛ̀ ekpeɖekpeɖeɛ gɛ yɛmɛ adalɛ ɔplɛnɔ tɛyɛyɛkɛŋã gbangbã.

Hebrianɛ 13:1

Nɔvɛ ɛlɛ abha tɛ nɔɔdɛmɛ nɔ nɛ bagɔlɔ.

Yohanes 1 4:12

Anana akamɔ Owusoso Akaa eɖi, pɔ onupɛ bɔdɛmɛ agɔlɔ ibuiɛ, Owusoso Akaa abazã ɔlɔ mɛ kɛlɛ yɛ tɛdɛdɛmɛ nɔ bana nɛ ɔlɔ mɛ.

Yohanes 1 4:7

Mɛbhia alɛ gɛ ɛdɛmɛ nɔ, nɔkɔ bɔdɛmɛ nɛ̀ bagɔlɔ, ɔmɔsɛ tɛdɛdɛmɛ nɔ de Owusoso Akaa ɔkɔ. Aka nyia aka gɛ adɛmɛ nɛ anɔ, enu anɔ gɛ bamɔ́ yɛ edenɔ Owusoso Akaa mɛ kɛlɛ enyi Owusoso Akaa tsyɛ.

Petro 1 3:8

Gɔgɔɛ nɔ mɔ, wɔnɔ petee, nɔzã tenikpo nɛ̀ bagɔlɔ, nɔobì ɔkɔ bagɔlɔ, nɔdɛmɛ nɛ̀ anɔ asɛ baadzya ana, nɔoɖi ashagabui tɛ nɔozhinì wɔnɔ ishu esi.

Yakobo 4:8

Nótsu ɔplɛnɔ Owusoso Akaa tɛ yɛtsyɛ etsu aplɛnɔ ɔnɔ. Ebui kpa bhɛbhɛtɛ eleteɛ, noplu ɔnɔ ahɔɛ, tɛ nɔdalɛ ɔnɔ etúɔ mɛ, wɔnɔ gɛ ekpeɖekpeɖe mɛ aya taabhaa.

Yohanes 1 3:23

Kɛlɛ yɛɔsha ɔlɛ onu ɔsɛ, tɛ̀ bɔyɛkɛ Yɛeyianyɛ Yesu Kristo abha ŋã, nɛ̀ tɛ bɔdɛmɛ nɛ bagɔlɔ asɛ gɛ ɔkpɛ ɔshà akɔ ɔlɔ ana.

Tesalonikanɛ 2 1:3

Mɛadzya alɛ mɔ, kɛlɛ sɛ tɛ buhu Owusoso Akaa ahɔɛ kibe nyia be ɔkɔ wɔnɔ, kɛpɛ ana, ɔmɔsɛ gɛ wɔnɔ tɛyɛyɛkɛŋã kpe tɔɖɔ soɔ, tɛdɛdɛmɛ nɔ gɛ kpasɛ wɔnɔ mɛ ɔkɔ bagɔlɔ tsyɛ kpe tɔɖɔ.

Tesalonikanɛ 1 3:12

Tɛ̀ Apaleteɛ akɔ wɔnɔ tɛdɛdɛmɛ nɔ wlui kpè tɔɖɔ tɛ kiyuku balɛ̀ ɔkɔ bagɔlɔ nɛ̀ anɔ nyia anɔ tsyɛ, asɛ gɛ bɔlɔ ɛyɛ bhɛtɛ kɔ wɔnɔ.

Yohanes 1 4:20

Onupɛ anɔ teli aɖɔ asɛ “Ɛdɛmɛ nɔ Owusoso Akaa,” pɛ atɛ adɛmɛ nɔ nɛ̀ yɛadzyaa, asɛnɛ elete yɛenu. Ɔmɔsɛ anɔ ka nyia ka gɛ agɛ dɛmɛ nɔ nɛ̀ yɛadzyaa, anɔ gɛ amɔ nɛ̀ awuhuɔ, atɛ balà adɛmɛ nɔ nɛ̀ Owusoso Akaa gɛ atɛ amɔ nɛ̀ awuhũ.

Petro 1 2:17

Nɔkpɛ kɛtakpu esi gbangbã ɔkɔ aka nyia aka. Nɔdɛmɛ nɔ nɛ̀ bayɛyɛkɛŋã balɛ kɛdzya bhɛbhɛtɛ, nɔosì Owusoso Akaa nɛifù, tɛ nɔkpɛ ɛtakpu esi ɔkɔ ekusiɛ.

Banɔkpɛkpɛ Axɔ̃ɛ 15:9

Egibu ɔtɔ nanà nɛ bɔlɔ nɛ̀ balɛishi, pɔ adalɛ balɛ etúɔ mɛ ɔgana tɛyɛyɛkɛŋã mɛ.

Yohanes 1 3:11

Kibui ɛlɛ nɔolũ odenɔ kesiɛ ɔkpɛkɔ ɔsɛ̀, kɛlɛ ɔsɛ bɔdɛmɛ nɛ̀ bagɔlɔ.

Petro 2 1:7

tɛ̀ Akaa mɛ tɛzaã plɛnɔ ɛyamɛ gbangbã bhɛbhɛtɛ ɔkɔ adzya, tɛ̀ ɛyamɛ gbangbã ɔkɔ adzya plɛnɔ tɛdɛdɛmɛ nɔ nɛ̀ anɔ.

Filipianɛ 1:9

Kɛlɛ́ɛ kɛlɛinu mɛ Owusoso Akaa tikukulu ɔsɛ, tɛ wɔnɔ tɛdɛdɛmɛ nɔ kpè tɔɖɔ nɛ kibui titì nɛ̀ ebui esi lulũɔ gɛedzuɔ mɛ,

Efesoanɛ 4:3

Nɔgã kidzo ka nyia ka abha tɛ nɔzã tenikpo nɛ Ɔfɔfuĩa nɔ mɛ ɔgana ishu yɔyɔ gɛ nyanà ɔnɔ ovunɔɔ mɛ.

Galatianɛ 5:5

Pɔ nɛ tɛyɛyɛkɛŋã mɛɛ, budzi ipo tɛzazã piapi nɔ gɛ buɖi kidzo mɛ ɔkɔ ɔganà Ɔfɔfuĩa nɔ mɛ gagalĩ.

Kibui Bubú Kasɛ 2:4

Pɔ kɛgɛ mɛmɔ nɛ wɔshuɔ nu ɔsɛ, ɔshɛnɛ ahɔɛ nɛ wɔtɛdɛdɛmɛ nɔ gɛiputɔ shu olu.

Petro 1 4:17

Ɔmɔsɛ kibeɛ na ɔkɔ kebhu kukulu, kɛlɛ kɛbà kpɛ esi edenɔ Owusoso Akaa bɔpã mɛ, kɛlɛ onupɛ kakpɛ esi nɛ̀ bɔlɔɔ pɔ, kɛlɛ kɛbà zã ɔkɔ bagɛ agɛ abhɛtɛ tɔɖɔ Owusoso Akaa yɛibui gbangbã nabhaa dza?

Petro 1 4:8

Kɛgɛ dɛ alɛ peteɛ, nu ɔsɛ nɔdɛmɛ nɔ nɛ̀ bagɔlɔ piapii, ɔmɔsɛ tɛdɛdɛmɛ nɔ dã ebui kpa bhɛbhɛtɛ gelee ulũ.

Hebrianɛ 11:8

Tɛyɛyɛkɛŋã kɔ ɔsɛ gɛ betseɖe Abraham asɛ ashɛ avɛ esiakpa bhlatɔ abha tɛ kebe dzi yɛayɛ idegbaa, elũ atɔ̃, kɛlɛ avɛ, gɛ etinyi ɛkɛlɛ gɛ avɛ kura tsyɛ flogo.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Hebrianɛ 6:10

Owusoso Akaa etinu asɛnɛ elete, pɛ abadzɛkɛ wɔnɔ axɔ̃ɛ wɔawɔa nɛ̀ wɔnɔ tɛdɛdɛmɛ nɔ nɛ̀ banɔ gɛ nobu ɔkasɛ ɔgana nɛ tɛpɛplɛnɔɔ gɛ nɔkɔ yɛaxɔ̃ɛwɔa. Gɛ notsiɖi ɛlɛ abha ɔkɔ yɛanunɔ tɛpɛplɛnɔ ɔmana otsiɛ.

Korintoanɛ 2 6:6

nɛ ekpeɖekpeɖe gbangbã mɛ, ebui esi lulũ, kitú esi lulu nɛ̀ ɛyamɛ gbangbã tɛbhɛbhɛtɛ mɛ, nɛ Ɔfɔfuĩa Gbangbã mɛ tɛzazã nɛ̀ tɛdɛdɛmɛ nɔ gidzuɔ mɛ̀,

Petro 1 3:1

Banyɛedzini mɔ, nɛ kidzo ɛlɛ nabha, nɔozhinì wɔnɔ ishu esi ɔkɔ wɔnɔ enyine alɛ sɛ tɛ̀, onupɛ balɛ ɔmaɛyɛmɛ teli agɛ yɛkɛ kibui nabha ŋãa tsyɛ elo, tɛ bè tsyina ɔganà wɔnɔ ɛkpã zazãna mɛ,

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Timoteo 2 1:14

Nyanà kibui gbangbã gɛ balɔkɔ akpɛ wɔ ahɔɛ mɛ ovunɔ piapii, nyanà ɛlɛ mɛ ovunɔ ɔganà Ɔfɔfuĩa Gbangbã gɛ ɔkpasɛ ɔlɔ mɛ tɛpɛplɛnɔ mɛ.

Timoteo 1 5:2

badzɛ sheshèɛ asɛ beelĩ ana, nɛ̀ badzɛnuvɔɛ nɔ asɛ baada ana, tɛ banyana ishu ovunɔ nɛishu dadalɛ mɛ.

Timoteo 1 4:12

Tɛkɔ ɔsɛ ananà eɖi wɔ asɛ anuvɔ wɔonu so, pɔ kpɛ kibui tili olu ɔgana kaɖɔ ɖɔɖɔ mɛ, nɛ wɔɛkpã mɛ, wɔtɛdɛdɛmɛ nɛ̀ anɔ, nɛ tɛyɛyɛkɛŋã nɛ̀ ɛkpã dadalɛ mɛ.

Timoteo 1 1:3

Asɛ kana gɛ ɛkpalà wɔ nɛ kibeɛ gɛ ɛvɛ Makedonia nɔ, zã Efesoɔ tɛ̀ ɔkpɛ ɔsha ɔkɔ banɔ nɔ teli, sɛ batɛ zakasɛ asɛnɛ bɔdɔ̃

Tesalonikanɛ 2 2:13

Pɔ badzya gɛ Apaleteɛ adɛmɛ nɔ, kɛlɛ sɛ buzi hu Owusoso Akaa ahɔɛ kiwui nyia wui nɛ wɔnɔ ɛtakpu, ɔmɔsɛ denɔ kesikpɛkpɛ mɛibeɛ, Owusoso Akaa ebu wɔnɔ elú ɔgana ɔfɔfuĩa nɔ nɛ̀ ɔlɛ axɔ̃ɛ dadalɛ wɔawɔa mɛ, nɛ̀ ɔganà kibui gbã tɛyɛyɛkɛŋã mɛ.

Galatianɛ 3:1

Wɔnɔ Galatianɛ awɔaga! Afana gɛ atã ɔnɔ nɛ̀ ohui ana dza? Nɛ wɔnɔ amɛɛ, nɔmɔ piapii ɔsɛ bakpalà Yesu Kristo nɛ butsi osiɛ shu.

Galatianɛ 5:7

Nɔzɔ̀ dɛ kɛxɔ̃ɛ gbangbã. Pɔ afana gɛ akpɛ ɛlɛ nɛ wɔnɔ mɛ ɔsɛ tɛ nɔ otolũ atɔ̃ ɔkɔ kibuiɛ gɛlɛ ɛlɛ ɔzãkɔ dza?

Romanɛ 8:13

Onupɛ nɔzã nɛ̀ ɛkpã nɛ kanɔ alɛ ɛkpã kpa ulũɔ, nobotsí, pɔ onupɛ nɔlɔkɔ Ɔfɔfuĩa nɔ oyí kanɔ mɛ ebui kpa gɛ nɔdɛmɛ nɔ nɔ̀ɔ, nɔbɔzã nɛ ɛkpã,

Romanɛ 2:8

Pɔ bagɛ bapɛ balɛyɛ ete tɛpɛpɛ, pɛ bashɛ nɛ ahɔɛ nɛ kibui gɛlɛ ɛlɛ ɔzãkɔ shu pɛ balɛ ebui kpa edeɛ, batɔ̃ pɔpɔ̃ gagalĩi nɛ̀ ɔmɔpɔɛ ɔlɛ ɔkɔ alɛ.

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Banɔkpɛkpɛ Axɔ̃ɛ 6:7

Kidzo ɛlɛ nabha Owusoso Akaa ibuiɛ yɛɛvɛ, kɛlɛ badɔkpasɛanɛ nɛ Yerusalem bezekpè atɔɖɔ ziazia, kɛlɛ banɔlũazazã kpekpè teli ebelũ batɔ esi akɔ tɛyɛyɛkɛŋã.

Yakobo 1:21

Kliso nɔshɛnɛ ahɔɛ nɛ atsɔ̃bui idi ka nyia ka bhɛbhɛtɛ, nɛ̀ ɛkpã zizĩ ka nyia ka gɛ likpũ kpasɛ ɔnɔ mɛɛ shu olu, tɛ nozhinɔ ishu esi tɛ nɔyɛkɛ yɛibui gbangbã gɛ baɖa kpɛ wɔnɔ mɛ. Gɛ kɛlɛ balà yɛkɛ ɔnɔ olu nɛ ɛkpãa.

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Petro 1 3:20

ɔfɔfuĩa nɔ gɛ lɛgagalĩ batɔ̃ mɛ kibe dzlolo nɛlɛ gɛ Owusoso Akaa adɔ yɔɔ nɛ Noa ibèɛ gɛ azafatɛ aɖakaohu hohoeɛ. Banɔ kasasà tieli balɛ azã aɖakaohu hohoeɛ mɛ, banɔ tasɛ balɛ bayɛkɛ odenɔ bulĩɛ mɛ,