Petro 1 1:19 - Nyangbo New Testament

¹⁹ Pɔ nɛ Kristo dzyosu dadalɛ gɛenu obhoshi eyiɛ gɛ ɔkɔ nanà ogizĩ nɛ ɔlɛ shuɔ mɛ.

Petro 1 1:19 Referans Kwoze

Yohanes 1 1:7

Pɔ onupɛ bɔgã nɛ tɛdadalɛ mɛɛ, asɛ kana gɛ yɛtsyɛ agã nɛ tɛdadalɛ mɛ anaa, kɛlɛ bɔkpasɛ ɔhakpɛkpɛ mɛ nɛ̀ bagɔlɔ, kɛlɛ Yɛeyì Yesu dzyosu nɔ, abadalɛ bɔlɔ shu nɛ ebui kpa ka nyia ka mɛ.

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Koloseanɛ 1:14

anɔ gɛ yɛmɛ bebu ɔlɔ pɛ balɔkɔ ɔlɔ ebui kpa etsye ɔlɔ.

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Yohanes 1 2:2

Yɛenu bɔdɔ̃ pɔpɔɛ ɔkɔ bɔlɔ ebui kpa bhɛbhɛtɛ, gɛnɛ bɔlɔ ete pɔ ɔkɔ kanɔ nɔ̀ petee kalɛ ebui kpa bhɛbhɛtɛ tsyɛ.

Kibui Bubú Kasɛ 7:14

Ibuiliulũ asɛ, “Apalete, wonyi.” Kɛlɛ aɖɔ asɛ, “Balɛ enu banunɔ gɛ bagã ekoeyì nɛ bɔtɔ gagalĩɛ mɛ, pɛ beplu balɛ akpɛkpɛ dzloloɔ, pɛ babhɛtɛ alɛ befuli frɛrɛrɛ nɛ Obhoshieyiɛ dzyosu nɔ mɛ.

Banɔkpɛkpɛ Axɔ̃ɛ 20:28

Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Kibui Bubú Kasɛ 14:1

Izilu awɔ̃ ɖi kɛlɛ ɛmɔ obhoshieyiɛ gɛ ɔzã ititíɛ nɛ Zion Butu nabha, nɛ banɔ ohotu ikpã zɛzɛ̃ nɛ̀ afɛtalɛ nɛ̀ talɛ, bagɛ alɛ utúɔ bafɔnɔ yɛ nɛ̀ Yɛakaa nɛinye atɔɖɔɔ nɛishi.

Kibui Bubú Kasɛ 5:6

Kɛlɛ ɛzɛmɔ obhoshieyi, gɛ ɔmɔ asɛ bebhui ɔlɛ, pɛ loli bagã talɛ nɛ̀ banɔ sheshèɛ gɛ ebu kɛma akpɛ ekusiegbuɔ nɛishi. Asha tegegene nɛ̀ awuhũ tegegene lɔkpɛ. Gɛenu Owusoso Akaa Ɛfɔfuĩa tigegeneɛ gɛ akpɛ asɛsɛ kanɔ nɔ̀ mɛ peteɛ.

Romanɛ 3:25

Owusoso Akaa, alɔkɔɛ akɔ asɛ bɔdɔ̃ pɔpɔɛ sɛ tɛ balɔkɔ ɔlɔ ebui zizĩɛ etsye ɔlɔ ɔgana yɛdzyosu nabha tɛyɛyɛkɛŋã mɛ. Owusoso Akaa abhɛtɛ ana sɛ tɛ ebu yɛebhu kukulu gbangbã akasɛ, ɔmɔsɛ nɛ yɛitú esi lulu mɛɛ, adã awuhũ nɛ ebui kpa gɛ beti bhoso bhɛtɛ nabha.

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Kibui Bubú Kasɛ 14:5

Asɛnɛ ɛbui agɛzã balɛ olugbũ mɛ oɖi, kɛlɛ bamɛ tsitsí ibui nanà tsyɛ ma balɛishu.