18 Ɔmɔsɛ nɔonyi ɔsɛ gɛnɛ bɔdɔ̃ gɛ bɔbàzĩ asɛ sikãfufù nɛ̀ sikãɛkpã shu so pɛ bebú wɔnɔ odenɔ kɛlɛ́ɛ mɛ ɛkpã zazãna gɛ wɔnɔ ashuĩ alɛ alɔkɔ elu akɔ wɔnɔ mɛ.
budzi bedzi wɔnɔ nɛ kedzi tieli. Klisoɔ, nɔkpɛ Owusoso Akaa nɛinye nɛ kititi nɛ wɔnɔ ishupiɛ.
Bedzi wɔnɔ nɛ̀ kedzì tieli, nɔoti tsyina odzi banɔ dzidzi ɔkɔ banɔdzyrame.
anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.
anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,
Kliso itseɖe ɔnɔ ibui ɛlɛ, pɛ ɛɛtɔɖɔ̀ ɛklagbu nɛ ɛlɛ abha nɛ Apaleteɛ mɛ ɔsɛ, nɔtɛɔkɔ zã nɛkpã asɛ bagɛ etinu Yudanɛ, nɛ balɛ ekpeɖekpeɖeɛ gɛ ama kɛnanà mɛ.
Gɛ benyii ɔmɔ asɛ Owusoso Akaa tsyɛ elo, batɛkpɛ yɛinye nɛ itití alo pɛ behu yɛahɔɛ, balɛ ekpeɖekpeɖe mɛ bhɛbhɛtɛ edzi kɛlɛ́, kɛlɛ balɛ bɔga dɔdɔ etúɔ mɛ eku otumũ.
Ɔmɔsɛ nɔotizĩ kibè dzlolo nɛ ewuiɛ gɛ atɛ fala mɛ pɛ nɔbhɛtɛ kɛgɛ ibudì eleteɛ azatɔɖɔ abhɛtɛ mɛ, nɔzã nɛkpã nɛ kɛgɛ ishudzya pɛ ulũ, kanɔ mɛ same mɔmɔ, bunù bubuku, akpɛnɛ ebui bhɛbhɛtɛ, bunù ɔhakpɛkpɛ nɛ̀ ibudì ɛkɔ tishushù.
Ebui alɛ aba ɛlɛ mɛ ana sɛ tɛ̀ wɔnɔ tɛyɛyɛkɛŋã, gɛ kigbogbolo ɔdɛ sikãɛkpã gɛ bazĩ, gɛ balɔkɔ kifù adalɛ ɛlɛ shu nɔ pɔ flogo. Tɛ babhɛtɛ ɛlɛ kidzi kibui ɛgbã gɛ babakpɛ ɛlɛ inye nɛitití, pɛ ishu dadalɛ nɛ̀ inyè gbangbã tsyɛ bazã ɛlɛ shu gɛ onupɛ Yesu Kristo ebekoeyìɛ.
kana bewlui aɖɔ asɛ, “Apaleteɛ enyi asɛ bagɛ eɖi asɛ benyi kibuiɛ bubutiɛ ma kɛnanà mɛ.”
Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.
Pɔ nɔonyi ɔsɛ, aba sɛ tɛ̀ ebu ɔlɔ ebui kpa shɛnɛ. Kɛlɛ kibui kpa ma yɛ mɛ.