Petro 1 1:13 - Nyangbo New Testament

¹³ Klisoɔ, nɔ balɛ wɔnɔ ekpeɖekpeɖeɛ ɔkɔ kɛxɔ̃ɛ wɔawɔa, nɔŋã wɔnɔ shu abha tɛ nozoɖì kidzo mɛ ɔkɔ tibhui bhuibuɔ gɛ babà kɔ wɔnɔ gɛ onupɛ Yesu Kristo ebè ekoeyìɛ.

Petro 1 1:13 Referans Kwoze

Petro 1 5:8

Nɔŋã wɔnɔ ishu abha tɛ̀ nɔzã nɛ̀ awɔ. Agɛ atɛadɛmɛ wɔnɔ ɛbui gɛenu abosamuɔ aafala asɛ dzata gɛ aadzɔ̀ pɛ apɛ anɔ asɛ tɛ̀ evũ atã.

Petro 1 4:7

Ebuiɛ petee alɛ ɔtɔ̃kɔ tso ɔbà. Klisoɔ nɔkɔ wɔnɔ ekpeɖekpeɖeɛ mɛ adalɛ tɛ nɔŋã wɔnɔ ishu abha sɛ tɛ̀ nɔlà okulu Owusoso Akaa.

Petro 1 3:15

Pɔ nɛ wɔnɔ etúɔ mɛɛ, nɔlɔkɔ Kristo asɛ wɔnɔ Apalete. Nɔbalɛ kibe nyia be tɛ̀ nɔobu kibui ulũ ɔkɔ aka nyia aka gɛ ebisì wɔnɔ kibui sɛ tɛ̀ nɔɖɔ kɛnɔnɔ shu sopɛ nɔoɖì kidzo mɛ ɔkɔ ebui alɛ. Pɔ nɔbhɛtɛ alɛ nɛ tɛdɔdɔ fɔ̃ɔ nɛ̀ kaɖɔ gbangbã tɛɖɔɖɔ mɛ,

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Yohanes 1 3:3

Anunɔ gɛ eɖì idzomɛ akɔ yɛɛ adalɛ yɛishu, asɛ kana gɛ yɛishuɔ dalɛ ana.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Efesoanɛ 6:14

Klisoɔ nɔzã gagalĩ, tɛ nɔ lɔkɔ kibui gbã atsatsà tɔɖɔ ɔnyã kashɛ nɔ, ɔlɔkɔ ɔplɛnɔ kitemɛ ɔɖaa akpɛkpɛ gɛ yɛishu kibui gbangbã bhɛbhɛtɛ ɔkpɛ ɔtɔɖɔ yɛɔzãkɔ

Korintoanɛ 1 1:7

Klisoɔ, nɔtɛ ɔpɛɛ ɔfɔfuĩa mɛ kɛdɔ̃ kɔkɔ nanà gɛ noɖì kidzo mɛ gagalĩi ɔkɔ bɔlɔ Apalete Yesu Kristo yɛ tibubu kasɛɛ.

Hebrianɛ 10:35

Kliso nɔtɛ shɛnɛ ahɔɛ nɛ wɔnɔ awɔ̃ luluɔ shu olu, ɔmɔsɛ kɛbhɛ babuia hohoe lɛ kɛlɛishu ɔkɔ ɔnɔ.

Hebrianɛ 6:19

Kidzo mɛ ɖiɖi ɛlɛ kɛlɛ nyana bɔlɔ atɔwuiɛ evunɔ asɛ kɛnyana gɛ sɛkɛ anyana kelĩ abha ohu evunɔ pɛ lɔtɛ hɔa ana. Agã kɛpɔtɛ gɛ balɔkɔ ebhui buvũɔ mɛ nɔ̀ mɛ. Etsoku ɔdadalɛ ɔkɔ pɛ avɛ kɛpɔtɛ niede,

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Timoteo 2 4:5

Pɔ wɔ xɔnɔɔ, zã gagalĩi nɛ kɛka nyia ka mɛ, kpɛ emi nɛ ebui gagalĩ mɛ, wɔa kɛxɔ̃ɛ asɛ anɔ gɛ akanà kibuiɛ ana, wɔa axɔ̃ɛ petee ɔkɔ wɔ ɔhaa.

Korintoanɛ 1 13:13

Kliso otsiɛ nɔ ebui tatá alɛ alalɛ, tɛyɛyɛkɛŋã, kidzo mɛɖiɖi nɛ̀ tɛdɛdɛmɛ nɔ. Pɔ kɛgɛ gbogbolo ɔdɛ nɛ alɛ nɛishiɛ kɛlɛinu tɛdɛdɛmɛ nɔ.

Romanɛ 13:13

Nɔkɔ bɔzã nɛ ɛkpã gbangbã asɛ kiwui dadalɛ mɛ ana, tɛ bɔta bhɛtɛ agbagbà ebui asɛ bɔmɔ same, tɛ bɔzɛwɔ̃ɛ bunũ tizì buku, tɛ bɔɔbhɛtɛ banyɛ nɛ̀ badzɛ ebui pɛ bɔbaatɛ ishu lu esi. Kɛgɛ pɛ ɔsɛ tɛ bɔɔkpɛ ɔmɔpɔɛ tɛ bɔzɛpɛ ebalá alo tɛ bɔzɛdzã awuhũ nɛ bagɔlɔ shu.

Tesalonikanɛ 2 1:7

kɛlɛ abakɔ wɔnɔ bagɛ bakpɛ buluhũɔ emoelè, kana bɔlɔ tsyɛ. Kibui ɛlɛ babà ɛlɛ mɛ gɛ onupɛ Apalete Yesu ekoeyì denɔ kititíɛ nɛ kifu gɛtã ɔplɛnɔ yɛ ohumi axɔ̃ɛdɛ.

Romanɛ 8:19

Kanɔ mɛ bɔdɔ̃ bhɛbhɛtɛ pete epo nɛ̀ awuhũ dzadzã ɔkɔ Owusoso Akaa yɛeyi alɛ tibubu kasɛ.

Koloseanɛ 3:4

Onupɛ Kristoɔ gɛenu ɔnɔ ɛkpã ebe koeyiɛ, kɛlɛ wɔnɔ tsyɛ obokoeyì ɔplɛnii nɛ ishu dadalɛ mɛ.

Petro 1 1:10

Nɛ atɔwui tibubu kibui ɛlɛ shuɔ, ebuiɖɔluanɛ, gɛ baɖɔaɖɔ nɛ tibhui bhuibuɔ gɛ babaa ɔkɔ ɔnɔ shuɔ, kibui gɛ belu awɔ̃ eɖi ɛlɛ piapii pɛ beɖi ɛlɛ abha piapii,

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.