Korintoanɛ 2 4:4 - Nyangbo New Testament

⁴ Obo kanɔ nɔ̀ ibudiɛ pú awuhũ akɔ bagɛ agɛ yɛkɛ aŋã, sɛ tɛ batɛmɔ tɛdadalɛ gɛlɛ Kristo yɛibuiɛ shu, anɔ gɛ alɛ asɛ Owusoso Akaa ana.

Korintoanɛ 2 4:4 Referans Kwoze

Korintoanɛ 2 3:14

Pɔ babhɛtɛ balɛ ekpeɖekpeɖeɛ yɛazã yɔɔ, ɔmɔsɛ oboyinɔ otsiɛnɔ kɛpɔtɛ wɔ balɛ amɛ nɛ kibeɛ gɛ bakà akalà olugbũ nyanyã kukuɔ. Bagɛ tsɛ ɛlɛ nɛ balɛ amɛ, ɔmɔsɛ kristo mɛ ete babà tsɛ ɛlɛ ashɛnɔ.

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Yohanes 1 5:19

Bunyi sɛ Owusoso Akaa yɛeyi alɛ bunu, kɛlɛ bunyi tsyɛ ɔsɛ kanɔ nɔ̀ tɛgbagbana kpasɛ abosam esi.

Korintoanɛ 2 4:6

Ɔmɔsɛ Owusoso Akaa aɖɔ asɛ, “Nɔkɔ kifu dɛkɛ nɛ otumũɔ mɛ,” nɔkɔ yɛifúɔ dɛkɛ nɛ bɔlɔ etúɔ mɛ, tɛ kɛdɛkɛ kɔ bɔlɔ asɛ bubuti kifù ana tɛ kɛkɔ Owusoso Akaa shu dalɛ nɛ Kristo amɛ.

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Efesoanɛ 6:12

Ɔmɔsɛ bɔtɛ tà keyù nɛ̀ ishupi nɛ̀ dzyosu, pɔ nɛ̀ beekusi, nɛ̀ ɔshaeleteɛ, nɛ̀ kanɔ alɛ mɛ otumũ mɛ ihumi nɔ gɛ ɛŋã kabha, nɛ̀ ɛfɔfuĩa gagalĩ zizĩɛ nɛ kititì ɔdɔ̃ mɛ.

Korintoanɛ 2 3:18

Kɛlɛ bɔlɔ gɛ bagɛ tɔɖɔ kɛpɔtɛ nɛ bɔlɔ amɛ butsé nɛ̀ Apaleteɛ tɛdadalɛ, betsyina bɔlɔ akpɛ yɛ tɛzazã mɛ, nɛ̀ tɛdadalɛ gɛikpè tɔɖɔ, gɛide Apaleteɛ ɔkɔ, anɔ gɛenu Ɔfɔfuĩa nɔ ɔkɔɔ.

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Koloseanɛ 1:15

Yesu yɛakpasɛ Owusoso Akaa gɛ bɔtɛ mɔɔ tɛlɛlɛ mɛ, eyi gɛiputɔ gɛ bamɔ̃ pɛ aŋã bɔdɔ̃ bhɛbhɛtɛ petee abha.

Yohanes 1 2:8

Pɔ ɛfɔnɔ ɔsha vɔvɔ kɔ wɔnɔ, bɔmɔ ɛlɛ ebui gbã nɛ yɛ nɛ̀ wɔnɔ mɛ, ɔmɔsɛ otumũ nulũ ɔbafala kɛlɛ kifúigbã vɛlɛ dɛkɛ.

Filipianɛ 2:6

Anɔ gɛ alɛ Owusoso Akaa tɛzazã mɛ, tsyɛ agɛ mɔ yɛishu asɛ ashɔ nɛ̀ tɛzazã asɛ Owusoso Akaa kinu kɛdɔ̃ gɛ abalà nyanà

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Petro 2 1:19

Kɛkɔ ɔsɛ bɔba mɔ sɛ ebuiɖɔluanɛ ebuiɛ gɛ baɖɔ eluɔ akpasɛ ɛlɛ mɛ, klisoɔ nɔ olu awɔ̃ piapii nɛ kibuiɛ gɛ baɖɔ eluɔ shu, asɛ kitséɛ gɛ kifu tsè nɛ otumũ mɛ ɔvɛnɔ olizatɔɔ, pɛ kɛvɔlɔ ɛwɔ̃ɛ tsyɛ kpaa tsé nɛ wɔnɔ etúɔ mɛ.

Korintoanɛ 2 3:11

Kɛlɛ onupɛ kɛgɛ kɛlɛ ulũ bafalàa ba nɛ̀ tɛdadalɛ ɛlɛ nɛidiɛ pɔ, kɛlɛ tɛdãdalɛ gɛba zã tihɔɔ nɔ bazãa mɔɔ dza?

Korintoanɛ 1 10:20

Gɛnɛ ana, pɔ ibudi eleteɛ bɔdɔ̃ pɔpɔɛ nɔ ɛfɔfuĩa zizĩ balɔkɔ ɛlɛ akɔ, gɛnɛ Owusoso Akaa balɔkɔ ɔlɛ akɔ, kɛlɛ ɛgɛ pɛ sɛ tɛ nɔ ɔkpɛ ahɔɛ nɛ ɛfɔfuĩa zizĩ ebui mɛ.

Timoteo 1 1:11

ɔsha gɛ lɔbhɛtɛ tenikpo nɛ̀ Owusoso Akaa gɛ beyulà yɛibui gbangbã, kibui gɛ alɔkɔ akpɛ mahɔɛ mɛ.

Banɔkpɛkpɛ Axɔ̃ɛ 26:23

sɛ Kristoɔ abamɔ bɔtɔ, kɛlɛ asɛ anɔ gɛiputɔ gɛ abàlɔ edenɔ bekpuɔ nɛishi, abaɖɔ kanɔ mɛ dadalɛ ɛbui etseɖe yɛanɔ nɔ̀ nɛ̀ bagɛ betinu Yudanɛ.”

Korintoanɛ 2 2:11

sɛ tɛ Satana atɛ bàwɔɛ wɔnɔ. Ɔmɔsɛ butinyi kɛgɛ yɛatɔɖɔɔ.

Korintoanɛ 2 2:12

Kibeɛ gɛ ɛvɛ Troa tɛ mɛdɛɖɔ kibuiɛ nɛ Yesu shu pɛ ɛmɔ sɛ Apaleteɛ adalɛ kedulũ tieli akɔ mɛɛ,

Galatianɛ 1:4

anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,

Hebrianɛ 6:4

Kɛba gagalĩ ɔkɔ bagɛ batɛmɔ Owusoso Akaa tɛdadalɛ mɛ eɖi, pɛ bemini yɛdɔ̃ kɔkɔ gɛide ititíɛ eɖi, pɛ bayɛkɛ Ɔfɔfuĩa Gbangbã,

Yohanes 1 2:11

Pɔ anunɔ gɛ anyana yɛadzya akpɛ ɛyamɛ xɔnɔ akpasɛ otumũ mɛ kɛlɛ anyɔ afalà nɛ otumũ mɛ, kɛlɛ etinyi ɛkɛlɛ gɛ avɛɛ, ɔmɔsɛ otumũɔ opú yɛahũɔ.