Korintoanɛ 2 4:2 - Nyangbo New Testament

² Pɔ, bɔtɛ badɛmɛ tɔɖɔ ebui kpukpũ nanà tɛɖɔɖɔ nɛ̀ awũi edzo abha, bɔgɛ lɔkɔ tɛwɔɛwɔɛ ebui, alo pɛ butsyina Owusoso Akaa yɛibuiɛ tũ. Pɔ nɛ kidzo ɛlɛ nabha, bɔlɔkɔ kibui gɛlɛ ɛlɛ ɔzãkɔ bɔlɔkɔ ɖɔ kitú mɛ kibui, nɛ Owusoso Akaa namɛ.

Korintoanɛ 2 4:2 Referans Kwoze

Korintoanɛ 2 2:17

Asɛ gɛ beteli abhɛtɛɛ, bɔlɔ xɔnɔɔ, bɔtɛwɔa Owusoso Akaa nɛxɔ̃ɛ tɛ̀ bɔlɔkɔ pɛ bɔdɔ̃ nɔ. Nɛ kidzo bhlatɔ abhaa, bɔɖɔ kibui gbã nɛ Kristo mɛ nɛ̀ Owusoso Akaa namɛ, asɛ banɔ gɛ bakpɛ odenɔ Owusoso Akaa ɔkɔ ana.

Korintoanɛ 2 5:11

Denɔ kibe ɛlɛ gɛ bɔbatì sɛ kɛlɛ sɛ busi Apaleteɛ nɛifu soɔ, bɔpɛ sɛ tɛ bubu ebui mɛ kɔanɔ. Owusoso Akaa enyi kɛgɛ bunùɔ, kɛlɛ inyi tsyɛ sɛ kɛlɛ mɛ dalɛ ɔkɔ wɔnɔ ebuesilulũ.

Korintoanɛ 1 4:5

Kliso nɔoti kulu kebhu kpɛ otugbà flogo tɛ̀ kibeɛ ba na, nɔzã opo odiyinɔ ɔsɛ Apaleteɛ aba. Yɛaba ebu ebui kpukpũ nɔnɔ gɛ akpasɛ otumũɔ mɛ oyinɔ amana ɔtɔ̃, kɛlɛ ebebu ebuiɛ gɛ lakpasɛ anɔdzyrame yɛitùɔ mɛ akasɛ. Nɛ kibe ɛlɛ Owusoso Akaa aba kpɛ bagɛ kɛlɛ sɛ akpɛ nititíɛ.

Korintoanɛ 2 11:3

Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.

Efesoanɛ 5:12

Ɔmɔsɛ kiwũi ibui kinu tsyɛ ɔsɛ tɛ baɖɔ ebui nɔnɔ gɛ bagɛ etie lũ atɔ̃ abhɛtɛ nɛ tikpukpũ mɛ.

Korintoanɛ 2 7:14

Itũ mɛishu kitelũ nɛ wɔnɔ kɛtakpu kɔɛ, kɛlɛ nɔgɛ kpɛ mɛ buluhũ. Pɔ asɛ kana gɛ kɛka nyia ka gɛ butseɖe wɔnɔ lɛ kɛlɛ ɔzãkɔɔ, kidzo ɛlɛ nabha kitelũɔ gɛ butũ nɛ wɔnɔ shu ɔkɔ Tito nɔ, kasɛ sɛ kinu kibui gbã.

Romanɛ 1:16

Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Efesoanɛ 4:14

Kɛlɛ bɔza kazã asɛ bunuvɔɛ ana, pɛ kɛlɛ́ɛ mɛɔdɔ̃ kakasɛ ka nyia ka ɛdi bazi fù ɔlɔ falanɔ ɔvɛnɔ ɛkɛlɛ ɔmana ɛkɛlɛ̀ nɛ̀ banɔdzyrame bɔshɛ nɛ̀ banɔ wɔɛwɔɛ edzoɔ gɛ batɔɖɔ eluɔ shu.

Korintoanɛ 2 11:6

Itinu anɔ gɛ kpasɛ kaɖɔ ɖɔɖɔ piapii, pɔ kibuititì xɔnɔ lɛ mɛahɔɛ. Bɔkɔ sɛ kibui ɛlɛmɛ dalɛ̃ kɔ wɔnɔ piapii nɛ kidzo ka nyia ka abha.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Romanɛ 6:21

Kiɖe nɔmɔ odenɔ kibe ɛlɛ ebui bhɛbhɛtɛ gɛ lenu awuĩ ebui ɔkɔ ɔnɔ otsiɛ nɔ mɛɛ dza? Ebui alɛ agbana anɔ avɛnɔ butsí mɛ.

Korintoanɛ 2 6:8

ɔgana ishu dadalɛ nɛ̀ awũi ebui mɛɛ, kibui kpa tɛɖɔɖɔ nɛ̀ kibui gbangbã tɛɖɔɖɔ nɛ anɔ shu mɛ, bɔna pɔ balɔkɔ bɔlɔ asɛ butinu anunɔ gɛ yɛ bɔɖɔ sɛ yɛ bunuɔ,