Korintoanɛ 2 4:1 - Nyangbo New Testament

¹ Klisoɔ, gɛ gana Owusoso Akaa ashagabui ɖiɖi mɛ bɔwɔa axɔ̃ɛ soɔ, bɔlɔ etúɔ ohuiɛ otio bhui.

Korintoanɛ 2 4:1 Referans Kwoze

Tesalonikanɛ 2 3:13

Pɔ mɛadzya alɛ mɔ, wɔnɔ xɔnɔ, nɔtɛ mɔ ɔtɔ odenɔ kibui gbangbã tɛbhɛbhɛtɛ mɛ.

Galatianɛ 6:9

Kliso nɔtɛ kɔ bubotsò nɛ kibui gbangbã bhɛbhɛtɛ shu, ɔmɔsɛ kibè lɛ ɛbà gɛ bɔbà pɔ̃ bɔdɔ̃ gɛ onupɛ bɔgɛ shɛnɛ ahɔɛ nɛ kibui gbangbã bhɛbhɛtɛ shuɔ.

Efesoanɛ 3:13

Ibisi denɔ wɔnɔ ahɔɛ mɛ sɛ, nɔotì yi idè nɛ mɛ bɔtɔ gɛ ɛtɔ nɛ ɔnɔ shuɔ, gɛ bɔlɛinu wɔnɔ ishu dadalɛ.

Filipianɛ 4:13

Ɛba là bhɛtɛ kɛka nyia ka ɔganà agɛ yɛakɔ mɛ ohumi nɔ abha.

Korintoanɛ 2 4:16

Kliso bɔlɔ kitúɔ tibhui. Nɛ ɔtɔ̃ɔ, bɔwɔɛ asɛ bɔlɔ ishudzya botso, pɔ nɛ bɔlɔ kɛmɛ xɔnɔɔ, bɔmɔ ɛkpã tsyitsyina vɔvɔ kiwui nyia wui.

Kibui Bubú Kasɛ 2:3

Inyi ikpɛ gɛ ɔkpɛ emi nɛ̀ ilu gɛ olu itú esi nɛ bɔtɔ mɛ gɛ ɔgã nɛ mɛtakpu, pɔ ɔgɛkɔ ɛtakpu.

Hebrianɛ 12:3

Noɖi bɔtɔ gɛ anɔ alɛ akpɛ emi amɔ edenɔ banɔ kpa gɛ alɔɛtití nɛishuɔ ahɔɛ mɛɛ, sɛ tɛ anɔ nyia anɔ akpɛ emi tɛ yɛitú titsyina ɔtɔ.

Korintoanɛ 2 3:6

Yɛakɔ bɔlà kɛxɔ̃ɛ gbangbã wɔawɔa nɛ̀ olugbũ nyanyã vɔvɔ ɔlɛ, anɛ ɔsha keplukpa ɔkɔ kide, pɔ Ɔfɔfuĩa nɔ, ɔmɔsɛ keplukpa xɔnɔ eyì banɔ, pɔ Ɔfɔfuĩa nɔ xɔnɔ lɔkɔ ɛkpã.

Petro 1 2:10

Kibè tili bafala gɛ nɔ ogi dzi anɔ, pɔ otsiɛ xɔnɔ nɔonu Owusoso Akaa anɔ, kibè tili begiɖì wɔnɔ ashagabui, pɔ otsiɛ xɔnɔ beɖi wɔnɔ ashagabui.

Timoteo 1 1:13

Gɛ itidzì anɔ gɛ ɛbhɛtɛ ebusoebui eɖi, anɔ gɛ atɔnɔ banɔ ede nɛ̀ anɔ gɛ azabhɛtɛ agbagbà ebui tsyɛ elo, ebi mɛ ashagabui, ɔmɔsɛ ɛbhɛtɛ alɛ petee nɛ matì matì nɛ̀ mayɛkɛ mayɛkɛŋã mɛ.

Korintoanɛ 2 5:18

Alɛ petee ede Owusoso Akaa ɔkɔ, anɔ gɛ yɛabhɛtɛ tenikpo nɛ̀ bɔlɔ ɔgana Kristo abha kɛlɛ akɔ bɔlɔ kɛxɔ̃ɛ wɔawɔa, gɛ mana tenikpo bhɛbhɛtɛ,

Korintoanɛ 2 3:12

Kliso gɛ buɖi kidzo mɛ ɔkɔ ebui alɛ, kifù tiyi bɔlɔ.

Korintoanɛ 1 7:25

Otsiɛ nɛ bubiteɛ gɛ betinyi anyɛ shuɔ, ɛgɛ yɛkɛ ɔsha nanà odenɔ Apaleteɛ ɔkɔ, pɔ ikulu kebhu asɛ anɔ gɛ denɔ Apaleteɛ ashagabui ɖiɖi mɛɛ bayɛkɛ yɛabha aŋã.

Korintoanɛ 1 3:5

Alɛ petee niedeɛ pɔ, afana gɛenu Apolo? Kɛlɛ afana tsyɛ gɛenu Paulo? Baxɔ̃ɛdɛ ete gɛ balɛ akɔ asɛ nɔyɛkɛ ɔŋã asɛ kɛkpɛ gɛ Apaleteɛ akpɛ kɛxɔ̃ɛ nɛ balɛ ɔmayɛmɛ aka nyia aka ahɔɛ ana.