Korintoanɛ 2 11:3 - Nyangbo New Testament

³ Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.

Korintoanɛ 2 11:3 Referans Kwoze

Koloseanɛ 2:8

Nɔoɖi ɛlɛ ɔkɔ sɛ ananà agɛmɔ idzo nanà pɛ alɔkɔ asɛnɛ bubuti ebui alɔkɔ awɔɛ wɔnɔ nɔ, ebui gɛ lakpà plɛnɔ banɔdzyrame ɛkɔɔ nɛ̀ kanɔ mɛ ɛkpã zazãna ebui ɔdɛ Kritoɔ.

Galatianɛ 1:6

Kɛbhɛtɛ mɛibi ɔsɛ tsiɔ̃ ɔlɛ koɔ, nɔ vɛlɛ shɛnɛ ahɔɛ nɛ anunɔ gɛ yɛekulu ɔnɔ amana Kristo yɛ tibhui bhuibuɔ mɛ shu olú, pɛ nɔ otsyina ɔvɛ ebui bhlatɔ gɛ bafɔnɔ eluɔ shu,

Efesoanɛ 4:14

Kɛlɛ bɔza kazã asɛ bunuvɔɛ ana, pɛ kɛlɛ́ɛ mɛɔdɔ̃ kakasɛ ka nyia ka ɛdi bazi fù ɔlɔ falanɔ ɔvɛnɔ ɛkɛlɛ ɔmana ɛkɛlɛ̀ nɛ̀ banɔdzyrame bɔshɛ nɛ̀ banɔ wɔɛwɔɛ edzoɔ gɛ batɔɖɔ eluɔ shu.

Koloseanɛ 2:4

Itseɖe ɔnɔ kibui ɛlɛ sɛ tɛ ananà atɛ bawɔɛ ɔnɔ, nɛ̀ ebui wawlɔakɛ gɛ lawɔ̃ɛ asɛ lapɛ̃ɛ.

Yohanes 1 4:1

Mɛadzya alɛ gɛ ɛdɛmɛ nɔ, nɔtɛ yɛkɛ ɛfɔfuĩa ka nyia ka abha ɔŋã, pɔ nɔolũ awɔ̃ oɖi ɛfɔfuĩa nɔ tɛ̀ nɔmɔ ɔsɛ̀ Owusoso Akaa ɔkɔ lide, ɔmɔsɛ asɛnɛ ebuiɖɔluanɔ kpekpèɛ etsoku kanɔ nɔ̀ mɛ.

Timoteo 1 2:14

Kɛlɛ gɛnɛ Adam bawɔɛ, adzɛ bawɔɛ pɛ ebedzì ebui kpa bhɛbhɛtɛ elete.

Kibui Bubú Kasɛ 12:9

Balɔkɔ kɛtsɔpɛ hohoeɛ awɔanyã akpɛ esiakpa, eblidzya alɛ gɛ bekulu asɛ Abosam alo Satana pɛ agbana kanɔ nɔ̀ pete aganà kidzo kpa abhaa, balɔkɔ yɛ nɛ̀ yɛaxɔ̃ɛdɛ awɔanyã akpɛ esiakpa.

Hebrianɛ 13:9

Nɔtɛkɔ ɔsɛ bɔdɔ̃ kakasɛ ka nyia ka ɛdi zɛgbana ɔnɔ. Kɛpɛ ɔkɔ ɔlɔ etúɔ asɛ tɛ lamɔ ohumi ɔgana tibhui bhuibu mɛ, pɔ anɛ bɔŋaŋã ɔsha gɛ ɛlɛ beshu pɛ lɛ tɛ plɛnɔ banunɔ gɛ baŋã ɔdɔ̃.

Galatianɛ 3:1

Wɔnɔ Galatianɛ awɔaga! Afana gɛ atã ɔnɔ nɛ̀ ohui ana dza? Nɛ wɔnɔ amɛɛ, nɔmɔ piapii ɔsɛ bakpalà Yesu Kristo nɛ butsi osiɛ shu.

Korintoanɛ 2 1:12

Pɔ otsiɛ nɔ butũ kitélũ ɔsɛ, bɔlɔ kitú mɛ ebui etseɖe bɔlɔ ɔsɛ bɔnyãna bɔlɔ shu piapii nɛ kanɔ nɔ̀ mɛ, asɛ kana gɛ bɔkpɛ ɔha nɛ̀ wɔnɔ, nɛ tɛdadalɛ kibui gɛlɛ kɛlɛ ɔzãkɔ tɛɖɔɖɔ kide Owusoso Akaa ɔkɔ. Gɛnɛ kesiakpa abha bubutì bɔlɔkɔ bhɛtɛ ebui alɛ nɔ, pɔ nɛ Owusoso Akaa tibhui bhuibu mɛ boŋ.

Yohanes 1 2:18

Mɛeyi alɛ gɛ ɛdɛmɛ nɔ, ɔɖà tata gɔgɔɛ nɔ nɔlɛ, nɛ̀ asɛ kana gɛ notilũ ɔsɛ asɛnɛ kristoelete abaa, otsiɛ nɔ tsyɛ asɛnɛ kristoeleteɛ atɛba eku. Kana bɔlɔkɔ tì ɔsɛ ɔɖà tata gɔgɔɛ nɔ nɔlɛ.

Petro 2 3:17

Klisoɔ, mɛ ɔbhia alɛ gɛ ɛdɛmɛ nɔ, gɛ nonyi kibui ɛlɛ soɔ, nɔzã nawɔ̃ sɛ tɛ̀ bagɛ betie shù ɔshaa atɛba gbanà wɔnɔ ata esi, tɛ̀ nɔotibo dɔ oboe nɛ ɔzãkɔ gɛ nodzi gagalĩɛ.

Galatianɛ 4:11

Isi ifu kɔ ɔnɔ, ɔsɛ ɔdɛ tsyɛ izĩ mɛibe nɛ wɔnɔ ɛtakpu.

Korintoanɛ 2 2:17

Asɛ gɛ beteli abhɛtɛɛ, bɔlɔ xɔnɔɔ, bɔtɛwɔa Owusoso Akaa nɛxɔ̃ɛ tɛ̀ bɔlɔkɔ pɛ bɔdɔ̃ nɔ. Nɛ kidzo bhlatɔ abhaa, bɔɖɔ kibui gbã nɛ Kristo mɛ nɛ̀ Owusoso Akaa namɛ, asɛ banɔ gɛ bakpɛ odenɔ Owusoso Akaa ɔkɔ ana.

Petro 2 3:3

Putɔnɔ kɔ ɛlɛ, kɛlɛ ɔsɛ nɔolũ kɛlɛ esi ɔsɛ̀ nɛ ewui gɔgɔɛ nɔ mɛɛ banɔ gɛezĩ banɔ shuɔ ebekoeyì, bebè zĩ anɔ shu pɛ babà za nɛ̀ ɛkpã kpa nɛ alɛ tɛpɛpɛ ulũ.

Timoteo 2 3:13

kɛlɛ banɔ kpa nɛ̀ bagɛ abhɛtɛ ishu asɛ bapɛ xɔnɔ ebèzĩ atɔɖɔ, babawɔɛ banɔ kɛlɛ babawɔɛ alɛ tsyɛ.

Tesalonikanɛ 1 3:5

Nɛ kibui ɛlɛshu, gɛ ɛzaka là zã kɛlɛ ulũ soɔ, ɛkpɛ banɔ sɛ tɛ̀ milũ wɔnɔ tɛyɛyɛkɛŋã shu ebuiɛ. Kifu ziyi mɛ sɛ nɛ kidzo tili abhaa, Satana gɛ efeke banɔ eɖiɛ ebe feke wɔnɔ kɛlɛ bɔlɔ katsɛɖɛ bubuɔ abawɔ kɛlɛ́ɛ mɛ.

Efesoanɛ 6:24

Tibhui bhuibuɔ zã ]plɛnɔ wɔnɔ bagɛ nɔ dɛmɛ nɔ ɔlɔ Apalete Yesu Kristoɔ nɛ̀ tɛdɛdɛmɛ nɔ gɛlɛ tihɔɔ nɔ.

Galatianɛ 2:4

Kibui ɛlɛ bayì ɔmɔsɛ asɛnɛ badzya teli aba afala eku bɔlɔ ɛzãkɔɔ tɛ belu awɔ̃ eɖi ɔlɔ ishuahɔɛmɛ zazã gɛ lɛ ɔlɔ ahɔɛ nɛ Kristo mɛ, tɛ̀ betsyina ɔlɔ budzì banɔ dzidzi.

Korintoanɛ 2 4:2

Pɔ, bɔtɛ badɛmɛ tɔɖɔ ebui kpukpũ nanà tɛɖɔɖɔ nɛ̀ awũi edzo abha, bɔgɛ lɔkɔ tɛwɔɛwɔɛ ebui, alo pɛ butsyina Owusoso Akaa yɛibuiɛ tũ. Pɔ nɛ kidzo ɛlɛ nabha, bɔlɔkɔ kibui gɛlɛ ɛlɛ ɔzãkɔ bɔlɔkɔ ɖɔ kitú mɛ kibui, nɛ Owusoso Akaa namɛ.

Yuda 1:4

Ɔmɔsɛ banɔ teli gɛ batɛ fɔnɔ balɛ ɛpɔ bubuɔ elù kibè tili gɛ bafalaa, banɔ alɛ abafala eku wɔnɔɛshi nɛ tikpukpũ mɛ. Benu banɔ gɛ betinyi Owusoso Akaa, gɛ balɔkɔ Owusoso Akaa tibhui bhuibuɔ asɛ kidzo kɔkɔ anɔ ɔkɔ kɛgɔlɔ ŋaŋã kɛlɛ bagɛ yɛkɛ Yesu Kristoɔ gɛenu bɔlɔ Apalete nɛ̀ Ekusi Gbagbla tenikpo nɔ.

Tito 1:10

Ɔmɔsɛ batɔ̃mɛ gagalĩ elete kpekpè alɛ, banɔ gɛ baɖɔaɖɔ ete, pɛ bawɔɛ anɔ, banɔ asɛ bagɛ bakpasɛ Yudanɛ ɛkɔɔ mɛ ana.

Timoteo 1 1:3

Asɛ kana gɛ ɛkpalà wɔ nɛ kibeɛ gɛ ɛvɛ Makedonia nɔ, zã Efesoɔ tɛ̀ ɔkpɛ ɔsha ɔkɔ banɔ nɔ teli, sɛ batɛ zakasɛ asɛnɛ bɔdɔ̃

Koloseanɛ 2:18

Nɔtɛkɔ anɔ nanà gɛ adɛmɛ ezhini ishu esi nɛ asɛnɛ mɛ, pɛ aakpɛ kɛtakpu esi ɔkɔ baxɔ̃ɛdɛ abhɛtɛ akɔ nɔtɛ mɔ kɛbhɛ̃ babuia nɔ. Anɔ alɛ nɛidiɛ anyɔ̃ ebui mɛ nɛ ebuiɛ gɛ amɔ̃ shu, kɛlɛ yɛ ekpeɖekpeɖeɛ gɛ ama ɔfɔfuĩa nɔ mɛ akɔ efeke yɛishu nɛ kɛgɛ ma kɛnanà mɛ shu.

Korintoanɛ 2 11:29

Afana gɛ ebotsò pɛ mɛ xɔnɔ gɛibotsoɔ dza? Afana bagbana akpɛ kibui kpa mɛ pɛ kɛtɛ pɔɛ mɛishuɔ mɛɛ dza?

Romanɛ 12:8

onupɛ anɔ teli yɛyɛ́ kɛlinu sɛ tɛ akpɛ banɔ emiɛ, nɔkɔ yɛakpɛ banɔ emi, anunɔ gɛ àkɔ bagɛ kɛdɔ̃ nanà ma balɛ ahɔɛɛ, azakɔ balɛ nɛ̀ ɛyamɛ gbangbã, onupɛ banɔ gbagbana ɛxɔ̃ɛ anunɔ ayɛkɛ, agbana banunɔ piapii, kɛlɛ onupɛ ashagabui ɖiɖi anunɔ ayɛkɛ tsyɛɛ, eɖi ashagabuiɛ nɛ same mɔmɔ mɛ.

Kibui Bubú Kasɛ 20:2

Evũ kɛtsɔpɛ, gɛinu ebeliɛ eblidzya, gɛenu abosamuɔ alo Satana, kɛlɛ anya yɛelu agɔ ohotu zɛzɛ̀.

Korintoanɛ 2 11:20

Nɛ kibui gbã mɛɛ, nɔzã ɔplɛnɔ bagɛ abhɛtɛ wɔnɔ asɛ banɔ dzidziɛ kura tsyɛ, pɛ bedzyinì wɔnɔkpɛ alo pɛ bamɔ̃ kidzo nɛ wɔnɔ shu so, alo pɛ bafala eputɔ pɛ amanà wɔnɔ kɛdɔ nɛ bamɛ.

Efesoanɛ 4:22

Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Kibui Bubú Kasɛ 12:15

Kɛlɛ kɛtsɔpɛ hohoeɛ pí bulĩ odenɔ olugbũɔ mɛ asɛ kelĩkekpu ana sɛ tɛ bulĩɛ bhui adzɛ nulũ tɛ buvũi.