Korintoanɛ 2 11:1 - Nyangbo New Testament

¹ Iɖi kidzo mɛ sɛ nɔbɔ kpɛ kemì nɛ mɛ bɔgadɔdɔ ɔlɛ shu kɛbɔɛ, pɔ nɔvɛlɔ bhɛtɛ ɛlɛ.

Korintoanɛ 2 11:1 Referans Kwoze

Korintoanɛ 2 11:4

Ɔmɔsɛ onupɛ anɔ teli aba wɔnɔ ɔkɔ pɛ abaɖɔ kibui nɛ Yesu teli shu ɔdɛ agɛ yɛ shu bɔɖɔ kaɖɔɔ, alo onupɛ nɔyɛkɛ ɔfɔfuĩa bhlatɔ ɔdɛ ɔgɛ ɔlɛ nɔtɛyɛkɛ shuɔ, alo kibui gbangbã bhlatɔ gɛ kɛgã ɔtɔ denɔ kɛgɛ kɛlɛ nɔtɛ yɛkɛ shuɔ, kɛlɛ notsyina tsiɔ̃ faanɔ.

Korintoanɛ 1 1:21

Nɛ Owusoso Akaa bubuti nulũ soɔ, kanɔ alɛ mɛ gana kalɛ bubutiɛ mɛ betinyi yɛ, bɔwɔaga kibuiɛ gɛ baɖɔ tɛ bebù bagɛ ayɛkɛ aŋã elu nɛkpã ku Owusoso Akaa nɔ awɔ ɔdɛ.

Korintoanɛ 2 11:21

Kiwũi kinu ɔkɔ mɛ tɛ ɛdɛmɛ tɔɖɔ ɛlɛ abha sɛ buzhi esi ana popopo! Kibui ka nyia ka gɛ anɔ teli alà etũ ahɔɛ etelũ akɔɔ, mɛxɔnɔ ɖɔ ɛlɛ asɛ awɔaga ana, mɛtsyɛ balà tũ kitelũ nɛlɛ shu.

Korintoanɛ 2 11:19

Nɔlɔkɔ same ɔzã plɛnɔ bawɔaga ɔmɔsɛ bebutinɛ nonu so!

Korintoanɛ 2 5:13

Onupɛ bɔlɔ ekpeɖekpeɖe mɛ ama piapii tsyɛ elo, Owusoso Akaa shu so pɛ kɛlɛ ana, onupɛ bɔlɔ ekpeɖekpeɖeɛ mɛ alɛ piapii nɔ, bɔlɛ ana kɔ wɔnɔ.

Hebrianɛ 5:2

Banɔlũazazã gbagbla alɛ, alàdɔ fɔ̃ akɔ bagɛ nɛ balɛ ibui matimati mɛ pɛ batɔnɔ edzo bhlatɔ avɛɛ, gɛ yɛ tsyɛ bɔtɔ ɔlɛ lɛ yɛishu so.

Korintoanɛ 2 12:11

Ɛdɔ bɔwɔaga, pɔ wɔnɔ gbana mɛɔkpɛ bɔlɛ tɛdɔdɔ mɛ. Tsyɛ alo kɛlɛ sɛ nɔɖɔ kibui gbangbã nɛ mɛishu flogo ɔmɔsɛ itinu agɔgɔɛ ɔkɔ “banɔkpɛkpɛ gɛ balɛ ɔzakɔ gbagbla” pɔ mɛxɔnɔ tinu kɛdɔ̃ nanà kɔ alɛ flogo.

Korintoanɛ 1 4:10

Budzi baaga nɛ Kristo ɛtakpu, pɔ bebutinɛ nɔonu nɛ Kristo mɛ! Bubotsò, pɔ wɔnɔ xɔnɔ ɔgagalĩ. Baakpɛ wɔnɔ kinyè nɛitití, pɔ bɔlɔ xɔnɔ batɛ̀ɛ ɔlɔ lu esi!

Korintoanɛ 1 4:8

Putɔnɔ kɛka nyia ka gɛ nɔpɛɛ nɔ lɛ wɔnɔ ahɔɛ xɔɔ! Kɛlɛ nɔotsyina odzi ehoeyielete! Nɔodzi bekusi, gɛ bɔlɔ ahɔɛ tsyɛ akpasɛ ɛlɛ mɛ. Ɛtapɛ ɔsɛ tɛ̀ nodzi bekusi kɛgbã tɛ bɔŋã bukusiɛ plɛnɔ wɔnɔ!

Korintoanɛ 1 3:18

Nɔtɛ̀ wɔɛ wɔnɔshu. Onupɛ abhɛtɛ wɔnɔ mɛ anɔ teli asɛ enyi kibui nɛ obo kanɔ alɛ mɛ bubutì ulũɔ, etsyina edzì “awɔaga” sɛ tɛ̀ ebedzi ebutinɛ.

Banɔkpɛkpɛ Axɔ̃ɛ 26:29

Paulo ebuiliulũ asɛ, “Kibeɛ dzi gulũio kizidze tsyɛ elo, itikulù Owusoso Akaa ɔkɔ wɔ ete, pɔ ikului ɔkɔ bagɛ ataatɔ̃ nɛ̀ mɛ oboɔ petee ɔsɛ tɛ bazã asɛ mɛ ana, pɔ batɛ̀kpɛ̀ ɛɖahui ɛlɛ nɛ balɛ xɔnɔ shu.”

Banɔkpɛkpɛ Axɔ̃ɛ 18:14

Kibeɛ gɛ Paulo apɛ asɛ tɛ̀ aɖɔaɖɔ koɔ, Galio etseɖe Yudanɛ asɛ, “Pɛ otɛɔsɛ wɔnɔ Yudanɛ nɔkpamɛ ishu nɛ banɔ yiyí alo kibui kpa tili shuɔ, tsyɛ alo ekpeɖekpeɖe mɛ atazã ɛlɛ mɛ akɔmɛ ɔsɛ tɛ ɛtaatɔ̃ nɛ̀ wɔnɔ.