Korintoanɛ 2 1:7 - Nyangbo New Testament

⁷ Bɔlɔ kidzo mɛ ɖiɖi ɔkɔ wɔnɔ ɔlɛ gagalĩ, ɔmɔsɛ bunyi sɛ kana gɛ nɔmɔ bɔtɔ ɔplɛnɔ bɔlɔɔ, kidzo ɛlɛ nabha nɔmɔ ishumɛ yɔyɔ tsyɛ ɔplɛnɔ bɔlɔ.

Korintoanɛ 2 1:7 Referans Kwoze

Yakobo 1:12

Bebè yula akɔ anyɛ nɔnɔ gɛ akpɛ emi nɛ yɛtifefekeɖi mɛ, ɔmɔsɛ alàkpɛ emiɛ avɛnɔ adɛtɔ̃ɔ, abayɛkɛ ɛkpã ɛkutuɔ gɛ Owusoso Akaa atɔɖɔ elu akɔ bagɛ adɛmɛ niyɛ.

Timoteo 2 2:12

onupɛ bɔkpɛ kemiɛ, bɔlɔ tsyɛ baŋã bukusi plɛnɔ yɛ. onupɛ bɔdã kadã nɛishuɔ, yɛtsyɛ abadã kadã nɔ ɔlɔ shu,

Korintoanɛ 2 12:20

Ɔmɔsɛ kifù yimɛ sɛ onupɛ ɛba wɔnɔ ɔkɔ, ɛtɛbà mɔ wɔnɔ asɛ kana gɛ ɛpɛ sɛ nɔzã, kɛlɛ wɔnɔ tsyɛ ɔtɛbɔ mɔ mɛ asɛ kana gɛ nɔpɛ ɔsɛ tɛ mɛzã. Kifù yimɛ ɔsɛ ebelà pɛpɛ ebui, kabhãwawlakɛ ebui, ɔmɔpɔɛ kpɛkpɛ, ɔhakpa yaya, kaɖɔ kpa tɛɖɔɖɔ, banɔ shu tizizĩ, ishu fefeke nɛ̀ kawlɔ̃akɛ ebui ebeku wɔnɔ mɛ.

Korintoanɛ 2 7:9

pɔ otsi alɛ xɔnɔ same eeku mɛ, gɛnɛ sɛ gɛ kɛtɔɖɔ wɔnɔ abha so, pɔ gɛ wɔnɔ ɔwɔ̃nyɔnɔ gbana wɔnɔ ɔkpɛ etú titsyitsyina ebuiɛ mɛ so. Ɔmɔsɛ nɔbɔ mɔ ɔwɔ̃nyɔnɔ asɛ kana gɛ Owusoso Akaa atɔɖɔ ɛlɛ, klisoɔ gɛnɛ bɔlɔ bhɛtɛ kibui gɛ kɛkpɛ kibì nanà nɛ wɔnɔ shu.

Korintoanɛ 2 1:14

asɛ kana gɛ nɔolũ ɔlɔ esi nɛ ebuiɛ teli mɛɛ, nobolũ alɛ petee esi pɛ nobotũ etelũ nɛ bɔlɔ ɛtakpu asɛ kanà gɛ bɔlɔ tsyɛ tũ etelũ nɛ Apalete Yesu kiwuiɛ nabha.

Korintoanɛ 1 10:13

Kibui nanà tifeke wɔɖi ɔdɛ kibui nɔnɔ gɛŋã anɔ ka nyia ka abha. Pɔ Owusoso Akaa xɔnɔ abhɛtɛ kibui gbã, atɛ bakɔ tifefekeɖi nɔnɔ gɛ kɛbà dɛwɔ ba wɔabha. Pɔ onupɛ befeke wɔ eɖiɛ, abapɛ kidzo nɔnɔ abha gɛ ɔbɔgã pɛ obokoeyì nɛ kɛlɛ mɛ.

Timoteo 2 3:11

kede tɛtɔtɔnɔ, mɛ bɔtɔ mɔmɔ, ebui nɔnɔ ɛdi gɛ laba mɛabha nɛ Antioxia, Ikonio nɛ̀ Listra nɔ, kede tɔtɔnɔ nɔnɔ ɛdi gɛ ɛkpɛ kemi nɛ alɛ mɛ. Pɔ Apaleteɛ ebu mɛ edenɔ alɛ petee mɛ.

Kibui Bubú Kasɛ 1:9

Mɛ, wɔnɔ adzya Yohanɛs, gɛ bɔzã itsu nɛ bɔtɔ mɛ pɛ bɔkpɛ emi, dɔ fɔ̃ɔ ɔkɔ bukusiɛ gɛinu ɔlɔ ɔyɛ ɔgana Yesu mɛ, ɛzã Patmo bulĩetukpɔ nabha, nɛ Owusoso Akaa ibuiɛ gɛ ɛɖɔ dalɛ Yesu shu so.