Korintoanɛ 1 9:3 - Nyangbo New Testament

³ Bulũbubuɔ gɛ lɛ mɛahɔɛ ɔkɔ bagɛ azã kesi nɛ kebhu mɛ nimɛ nɛ alɛ.

Korintoanɛ 1 9:3 Referans Kwoze

Timoteo 2 4:16

Nɛ mɛ ishu ulũ bubuɔ gɛ iputɔ shuɔ, ananà agɛba plɛnɔ mɛ, pɔ aka nyia aka ashɛ ayɔlɔ mɛ. Batɛ̀ lɔkɔ ɛlɛ abuia kɛbhɛ akɔ alɛ nɔ.

Filipianɛ 1:17

Bagɛ eti putɔɔ, balɛ aɖɔ Kristo ibuiɛ ɔkɔ balɛ ishu tɛpɛpɛ̃, kigi de balɛ etúɔ mɛ, pɔ babhɛtɛ ɛlɛ ana asɛ tɛ bakɔ mɛmɔ buluhũ nɛ kibeɛ gɛ ɛkpasɛ ɛɖahuiɛ mɛ.

Filipianɛ 1:7

Kɛpɛ̃ ɔkɔ mɛ ɔsɛ tɛ kibui ɛlɛ zã mɛ mɛ̀ nɛ wɔnɔ petee shu, gɛ wɔnɔ ibui gbangbã kpasɛ mɛitúɔ mɛ so, ɔmɔsɛ onupɛ ɛkpasɛ ɛɖahui mɛ alo ibu ishu ulũ alo pɛ ɛtɔɖɔ ɛklagbu nɛ ɛlɛ abha tsyɛ, wɔnɔ petee ɔyɛkɛ Owusoso Akaa tibhui bhuibuɔ ɔplɛnɔ mɛ.

Korintoanɛ 2 13:10

Kibui ɛlɛ shu so pɛ ɛfɔnɔ ebui alɛ kɔ wɔnɔ nɛ kibeɛ gɛ ɛma wɔnɔ ɔbha, sɛ tɛ onupɛ ɛbaa, ɛtɛba lɔkɔ ɔsha tũ kibui kpɛ kɔ wɔnɔ nɔ, ɔsha gɛ Apaleteɛ akɔ mɛ asɛ tɛ ɛlɔkɔ bhɔ wɔnɔ wunɔ kabha nɔ, gɛnɛ tɛ ɛlɔkɔ ɔlɛ zhini wɔnɔ kpɛ kesi nɔ.

Korintoanɛ 2 13:5

Nɔvɛ wɔnɔ ishumɛ oɖi sɛ nɔlɛ wɔnɔ tɛyɛyɛkɛŋã mɛ dza, nɔ ofeke wɔnɔ ishu oɖi. Nɔtɛɔ mɔ ɛlɛ ɔsɛ Yesu Kristo akpasɛ wɔnɔ mɛ, pɛnɔsɛ nofeke wɔnɔ shu oɖi pɛ nɔmɔ ɔsɛ nɔgɛ naa dza?

Korintoanɛ 2 13:3

gɛ nɔpɛ ɔsɛ oti kɛgbã sɛ Kristo aɖɔaɖɔ ɔgana mɛabha. Kristo egi botso nɛ kɛnanà bhɛbhɛtɛ nɛ wɔnɔ, pɔ ohumi ɔlɛ yɛahɔɛ nɛ wɔnɔɛshi.

Korintoanɛ 1 14:37

Onupɛ abhɛtɛ anɔ teli asɛ enu ebuiɖɔluanɔ alo ayɛkɛ ɔfɔfuĩa mɛ kɛdɔ̃ kɔkɔɔ, nɔkɔ yɛetì asɛ kibuiɛ gɛ ɛfɔnɔ kɔ wɔnɔ nu Apaleteɛ ɔsha kpɛkpɛ.

Banɔkpɛkpɛ Axɔ̃ɛ 25:16

“Itseɖe balɛ ɔsɛ, kitinu Romanɛ ɔkɔ̀ ɔsɛ tɛ̀ balɔkɔ anɔ nanà akpɛ ahɔɛ tɛ̀ atsyɔa kitemɛ bamɛ nɛ̀ bamɛ, nɛ̀ bagɛ bebhui yɛuluɔ flogo tɛ̀ amɔ kidzò edibu yɛishu ulũ, nɛ̀ ebuiɛ gɛ balɔkɔ nɛishuɔ.

Banɔkpɛkpɛ Axɔ̃ɛ 22:1

“Mɛadzya alɛ nɛ̀ mɛada alɛ mɔ, nɔtaatɔ̃ olũ mɛishu ulũ tibubuɔ.”

Korintoanɛ 1 9:2

Onupɛ gɛnɛ anɔkpɛkpɛ mɛinu ɔkɔ babhlatɔ ete tsyɛɛ, inu anɔkpɛkpɛ kɔ wɔnɔ xɔnɔ! Ɔmɔsɛ wɔnɔ onu kɛdɔ̃ gɛ balɔkɔ adã nɛ anɔkpɛkpɛ kɛxɔ̃ɛ gidzì nɛ Apaleteɛ mɛ nulũ.

Korintoanɛ 1 9:4

Bɔgɛ mɔ kidzo sɛ tɛ̀ bɔŋã bɔdɔ̃ alo tɛ bɔwɔɛ bɔdɔ̃ dza?