Korintoanɛ 1 9:25 - Nyangbo New Testament

²⁵ Anɔ ka nyia ka gɛ apɛ asɛ tɛ̀ awlɔ̃akɛ nɛ bɔwufu lɛ nɛidi mɛɛ, akpasɛ bɔlɛ piapii. Babhɛtɛ alɛ sɛ tɛ̀ bayɛkɛ kikutuɔ gɛtɛ bazã tihɔɔ nɔ, pɔ bɔbhɛtɛ alɛ nyɔ̃ɔ sɛ tɛ̀ bɔyɛkɛ kikutuɔ gɛ bazã tihɔɔ nɔ.

Korintoanɛ 1 9:25 Referans Kwoze

Timoteo 2 2:5

Kana ɛbeɛ, onupɛ anɔ teli awlɔ̃akɛ nɛ̀ awuhũ dzadzã mɛ asɛ anɔ gɛ ebu tɛtsɛɖɛ mɛ ana, atɛ yɛkɛ kabha ŋaŋã eleteɛ ikutúɔ ɔvɛnɔ kibeɛ gɛ apɔ̃ ohuiɛ nɛ kawlɔ̃akɛ ɔsha gɛ bakpɛ nulũ.

Kibui Bubú Kasɛ 2:10

Tɛ osí ifu nɛ bɔtɔ gɛ bàba wɔabha shu. Itseɖe wɔ ɔsɛ, Abosam abakpɛ ɔnɔ eteli nɛ ɔɖavũ mɛ, sɛ tɛ efeke ɔnɔ eɖi, kɛlɛ nɔbɔmɔ ede tɔtɔnɔ nɛ ewui gulũi mɛ. Onupɛ butsí ibui tsyɛ elo, nɔzã kɛgɛ nɔyɛkɛ ɔŋã niede, kɛlɛ ɛbakɔ ɔnɔ ɛkpã ekusikutu.

Timoteo 1 6:12

Bu tɛyɛyɛkɛŋã tɛtsɛɖɛ gbangbã mɛ. Nyana kanɔ tihɔɔ ɛkpã mɛ ovunɔ, agɛ alɛ shu bekulu wɔ nɛ kibeɛ gɛ ɔdalɛ ishumɛ nɛ banɔ kpekpèɛ gɛ bazã mɔ ebuiɛ namɛ.

Kibui Bubú Kasɛ 3:11

Ɛbàba otsiɛ tsĩɔɔ. Nyana kɛgɛ lɛ wɔahɔɛ mɛ ovunɔ, sɛ tɛ anɔ nanà atɛ yɛkɛ wɔekusikutuɔ nɛ wɔahɔɛ.

Yakobo 1:12

Bebè yula akɔ anyɛ nɔnɔ gɛ akpɛ emi nɛ yɛtifefekeɖi mɛ, ɔmɔsɛ alàkpɛ emiɛ avɛnɔ adɛtɔ̃ɔ, abayɛkɛ ɛkpã ɛkutuɔ gɛ Owusoso Akaa atɔɖɔ elu akɔ bagɛ adɛmɛ niyɛ.

Petro 2 1:6

kɛlɛ tɛ̀ kibuititiɛ plɛnɔ ishu abha ŋaŋã, ishu abha ŋaŋã, kemi kpɛkpɛ, tɛ̀ kemi kpɛkpɛ aplɛnɔ Akaa mɛ tɛzazã,

Petro 1 5:4

Kɛlɛ onupɛ Ibhoshiɛ Agbagbana Ekusiɛ ebekoeyìɛ, nɔbɔ yɛkɛ ishu dadalɛ ɛkpã kikutuɔ gɛ ɛtɛbà zĩ ɖiɛ.

Petro 1 1:4

nɛ̀ kaŋãsiɛ gɛetibe belè ɖìɛ mɛ, gɛ ketìbezĩ alo pɛ kalɛ ulũ bafalàa, kalɛ babalɛ nɛititíɛ elu akɔ wɔnɔ

Galatianɛ 5:23

ishu nyanyãnà, nɛ̀ ishu abha tɛŋaŋã. Ɔsha nanà ɔgɛnyã ebui alɛ nɛidi.

Hebrianɛ 12:28

Kliso gɛ bɔyɛkɛ bukusi ŋaŋã ɛlɛ gɛ bɔtɛbalà shukuɔ, nɔkɔ buhu ahɔɛ, tɛ bɔlɔkɔ ɛtakpu esi kpɛkpɛɛ gɛshɔnɔ, nɛ̀ kifu sisíɛ ɔkɔ Owusoso Akaa,

Hebrianɛ 12:4

Gɛ nɔgɔ̃lɛ nɛ̀ ebui kpa tsyɛ elo, kɛkà ba ɛlɛ mɛ sɛ tɛ bàbalɛ wɔnɔ dzyosu esi xɔnɔ.

Korintoanɛ 1 15:54

Onupɛ balɔkɔ ishupiɛ gɛtɛ bàtsɔmɔ akpɛkpɛ akpɛ akɔ ishupiɛ gɛbà tsɔmɔ̃ɔ, pɛ balɔkɔ ishupiɛ gɛbàzã tihɔɔ akpɛkpɛ akpɛ kɔ ishupiɛ gɛtɛ bàzã tihɔɔ nɔ, kɛlɛ kibuiɛ gɛ bafɔnɔ elúɔ babà kɛlɛ mɛ ɔsɛ, “Bamɛnɔ butsi edenɔ kabhaŋaŋã mɛ.”

Kibui Bubú Kasɛ 4:10

kɛlɛ banɔ sheshè afɛtaabha nɛ̀ talɛɛ bedzu ekluisi esi akɔ anunɔ gɛ alɛ ekusiegbu nabha pɛ bakpɛ ɛtakpu esi akɔ anunɔ gɛ alɛ nɛ ɛkpã odenɔ tihɔ ɔvɛnɔ tihɔɔ nɔ. Batsɛ balɛ ekusiekutuɔ elu ekusi egbuɔ otugbà pɛ baɖɔ asɛ,

Kibui Bubú Kasɛ 4:4

Bukusiugbu afɛtaabha nɛ̀ tɔlɛ bhlatɔ tuli tsyɛ zɛ kana kalɛ, kɛlɛ banɔ sheshè afɛtaabha nɛ̀ talɛ gɛ akpɛ akpɛkpɛ fufu pɛ bekumũ sikã ekusiekutuɔ nɛ alɛ atakpuɔ zã bɔlɛ abha.

Tito 1:8

Pɔ kɛlɛ sɛ tɛ yɛyamɛ pɛ̃, anɔ gɛ adɛmɛ nɔ nɛ̀ kɛgɛ pɛ, anɔ gɛ aŋã yɛishu abha, aɖɔ kibui nɛ ɛlɛ ɔzãkɔ, yɛishu dalɛ pɛ anyana yɛishu evunɔ.

Tito 2:2

Kasɛ banɔ sheshèɛ tɛ belu kitu esi, sɛ tɛ bakpɛ kɛtakpu esi akɔ alɛ, ishu abha ŋaŋã, bazã piapi nɛ tɛyɛyɛkɛŋã mɛ, nɛ tɛdɛdɛmɛ nɔ nɛ̀ kemikpɛkpɛ mɛ.