Korintoanɛ 1 9:21 - Nyangbo New Testament

²¹ Nɛ bagɛ ama ɔsha niesi nɛishiɛ, ɛbhɛtɛ ishu asɛ balɛ mɛ anɔ teli, (ɛma Mose ɔsha gɛinu Owusoso Akaa ɔsha niesi tyɛ elo, ɛkpasɛ Kristo ɔsha niesi), sɛ tɛ mɛibu bagɛ akpasɛ ɔsha niesi.

Korintoanɛ 1 9:21 Referans Kwoze

Romanɛ 2:12

Banunɔ nyɔ̃ɔ gɛ Mose yɛɔsha gɛnyã alɛ pɛ bazã nɛ̀ ɛkpã kpaa, batɛ balɔkɔ ɔsha ɔlɛ àpɔ batɔ̃ akɔ alɛ nɔ, pɔ banunɔ nyɔ̃ɔ gɛ alɛ Mose ɔsha ɔlɛ nìesi pɛ babhɛtɛ ebui kpaa, babalɔkɔ ɔsha ɔlɛ ekulu ebhu akɔ alɛ nɔ.

Galatianɛ 3:2

Ɛba pɛ ɔsɛ tɛ mɛ ɛkpasɛ kibui tinikpo odenɔ wɔnɔ ɔkɔ, ɔsha nabha tɛbhɛbhɛtɛ mɛ nɔyɛkɛ Ɔfɔfuĩa nɔ, pɛnɔsɛ tɛyɛyɛkɛŋã nɛ kɛgɛ nɔolũ nabha soɔ dza?

Romanɛ 2:14

(Onupɛ ɔsha ɔlɛ ɔma bagɛ betinu Yudanɛ ahɔɛ, pɔ asɛ banɔdzyrame ana pɛ bazã nɛ̀ ɛkpã nɛ ɔsha nulũɔɔ, kɛlɛ bedzi banɔ gɛ bakpɛ ɔsha ɔkɔ ishu, gɛ ɔsha pɔ ɔma balɛ ahɔɛ flogo,

Romanɛ 8:4

tɛ kɛkɔ ɔsɛ kɛpiapi nɔ gɛ bapɛ asɛ tɛ kɛna nɛ ɔsha nulũɔ, tɛ bamɔ kɛlɛ nɛ bɔlɔ mɛ. Bɔlɔ agɛ tɛzã nɛ̀ ebui kpa bhɛbhɛtɛ mɛ, pɔ pɛ bɔzã nɛ Ɔfɔfuĩa nɔ tɛpɛpɛ ulũ.

Romanɛ 7:25

Buhu Owusoso Akaa ahɔɛ-ɔgana bɔlɔ Apalete Yesu Kristo abha! Kliso mɛ xɔnɔ nɛ mɛekpeɖekpeɖe nulũɔɔ, inu anɔ dzidzì ɔkɔ Owusoso Akaa yɛɔsha, pɔ mɛ asɛ anɔdzyrame anaa, inu anɔ dzidzì ɔkɔ ebui kpa ɔshaa.

Romanɛ 7:22

Nɛ mɛishu mɛ pɔɔ, ɛmɔ same nɛ Owusoso Akaa ɔshaa shu flogo,

Banɔkpɛkpɛ Axɔ̃ɛ 21:25

Bagɛ betinu Yudanɛ pɛ bayɛkɛ aŋã xɔnɔɔ, bɔtɛ fɔnɔ keplukpa akɔ alɛ nɛ kɛgɛ bɔtɔɖɔ shu ɔsɛ, batɛ aŋã bɔdɔ̃ gɛ batɔ ɔkɔ ibudiɛ, dzyosu nɛ̀ kɛdzya gidè bagã gɛ bedzyinì balɛ iliɛ, nɛ̀ tɛ̀ batakaŋã kɛgɔlɔ.”

Banɔkpɛkpɛ Axɔ̃ɛ 16:4

Gɛ bazagã afala nɛ ɛmaa mɛɛ, baaɖɔ kibuiɛ gɛ banɔkpɛkpɛ nɛ̀ beshesheɛ aɖɔ nɛ Yerusalem etseɖe alɛ tɛ baabhɛtɛ tɔɖɔ kɛlɛ abha.

Hebrianɛ 8:10

Olugbũ nyanyã gɛ ɛbanyã nɛ̀ Israel upã nu ɔlɛ Apaleteɛ adalɛ kɛlɛ mɛ asɛ, nɛibe ɛlɛ niedeɛ, ɛbakpɛ mɛ ɔshaa nɛ balɛ ekpeɖekpeɖeɛ mɛ kɛlɛ ɛbafɔnɔ ɛlɛ nɛ balɛ etú nabha. Ɛbadzi balɛ Owusoso Akaa, kɛlɛ bebèdzi mɛeyi alɛ.

Banɔkpɛkpɛ Axɔ̃ɛ 15:28

Kɛpɛ̃ ɔkɔ Ɔfɔfuĩa Gbangbã nɛ̀ bɔlɔ tɛ bɔtɛ tɔɖɔ wɔnɔ kituku nanà gɛdɛ ebui alɛ gɛ bɔba tseɖe wɔnɔ.

Galatianɛ 6:2

Nɔplɛnɔ agɔlɔ nɛ bɔtɔ mɛ, kɛlɛ nɛ kidzo ɛlɛ nabhaa, nɔbɔ bhɛtɛ ɔtɔɖɔ Kristo yɛɔshaa nabha.