Korintoanɛ 1 9:16 - Nyangbo New Testament

¹⁶ Pɔ onupɛ ɛɖɔ kibui gbangbã, ɛtɛ balà feke mɛishu, ɔmɔsɛ batɔɖɔ ɛlɛ akɔ mɛ ɔsɛ tɛ ɛɖɔ Owusoso Akaa ibuiɛ. Abagagalĩ akɔ mɛ gɛ onupɛ ɛgɛ ɖɔ kibui gbangbã.

Korintoanɛ 1 9:16 Referans Kwoze

Romanɛ 1:14

Kɛxɔ̃ɛ kinu ɔkɔ mɛ sɛ tɛ ibu Helanɛ nɛ̀ bagɛ betinu Helanɛ, bebuitinɛ nɛ̀ bagɛ betinyi ibui.

Koloseanɛ 4:17

Nɔotseɖe Akipo ɔsɛ, “Ɖi ɛlɛ ɔkɔ ɔsɛ ɔwɔa kɛxɔ̃ɛ gɛ ɔyɛkɛ odenɔ Apaleteɛ ɔkɔ obeke.”

Banɔkpɛkpɛ Axɔ̃ɛ 4:20

Pɔ, bɔtɛ balà yɔlɔ kaɖɔɖɔɖɔ nɛ agɛ alɛ bɔmɔ pɛ buluɔ̃ shu.”

Romanɛ 15:17

Kliso mɛinye wui abha nɛ Yesu Kristo mɛ nɛ̀ mɛxɔ̃ɛ dɛdɛ ɔkɔ Owusoso Akaa nɛtakpu.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Banɔkpɛkpɛ Axɔ̃ɛ 9:6

“Lɔ otsiɛ tɛ̀ ɔvɛ ɔmahohoeɛ mɛ, kɛlɛ bebètseɖewɔ kɛgɛ̀ kɛlɛ ɔsɛ̀ wɔbhɛtɛɛ.”

Romanɛ 4:2

Onupɛ kɛgbã, balɔkɔ Abraham asɛ enu anɔ gbangbã nɛ yɛaxɔ̃ɛ wɔawɔa lũ soɔ, kɛlɛ kɛdɔ̃ tili zã yɛahɔɛ gɛ kɛlɛishu yɛalɔkɔ etũ kitelũ nɔ, pɔ anɛ nɛ Owusoso Akaa yɛamɛ.

Korintoanɛ 1 4:15

Gɛ banɔ asɛ ihotu lɔfɔ lɛ wɔnɔ ahɔɛ nɛ Kristo mɛ tsyɛ elo, wɔnɔ akaa alɛ egikpè, ɔmɔsɛ nɛ Yesu Kristoɔ mɛ, ɛbadzì akaa ɔkɔ wɔnɔ ɔgana kibui gbangbã mɛ.

Korintoanɛ 1 9:12

Onupɛ bɔkɔ banɔ bhlatɔ amɔ tɛpɛplɛnɔ kidzo ɛlɛ nɛidi denɔ wɔnɔkɔ, kɛlɛ pɛ bɔtaamɔ kɛlɛ dɛ ana dza? Pɔ bɔgɛ gã kidzo ɛlɛ nɛidi abha. Nɛ kɛlɛ shuɔ, bɔyɛkɛ kɛka nyia ka ɔkɔ ishu sɛ tɛ̀ kidzo tɛdã ɔkɔ Kristo yɛibui gbangbã.

Korintoanɛ 1 9:14

Nɛ kidzo ɛlɛ nabha, Apaleteɛ akɔ alɛ ɔsha sɛ bagɛ baɖɔ kibui gbangbã bamɔ balɛ ɔŋãkɔ odenɔ kibui gbangbã mɛ.

Korintoanɛ 2 2:12

Kibeɛ gɛ ɛvɛ Troa tɛ mɛdɛɖɔ kibuiɛ nɛ Yesu shu pɛ ɛmɔ sɛ Apaleteɛ adalɛ kedulũ tieli akɔ mɛɛ,