Korintoanɛ 1 9:1 - Nyangbo New Testament

¹ Itinu anɔ gɛ alɛ mɛishu ahɔɛ mɛɛ dza? Itinu anɔkpɛkpɛ dza? Ɛgɛ mɔ Yesu gɛenu bɔlɔ Apaleteɛ tsyɛ dza? Gɛnɛ wɔnɔ onu kɛdɔ̃ gidekoeyì nɛ mɛ axɔ̃ɛ wɔàwɔa nɛ Apaleteɛ mɛ dza?

Korintoanɛ 1 9:1 Referans Kwoze

Banɔkpɛkpɛ Axɔ̃ɛ 9:17

Kliso Anania avɛ bɔpã mɛ, kɛlɛ editsoku bɔlɛ̀ mɛ. Atɔɖɔ ahɔɛ nɛ Saulo abha pɛ etseɖe yɛasɛ, “Mɛadzya Saulo, Apalete Yesuɔ gɛ ebu yɛishu akasɛ wɔ nɛidzoɔ mɛ gɛɔba ɛkɛlɛ, yɛakpɛ mɛ nɛ wɔkɔ, tɛ̀ wɔ awuhũɔ adalɛ tɛ̀ Ɔfɔfuĩa Gbangbã oyuku wɔ mɛ.”

Timoteo 1 2:7

Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Korintoanɛ 1 3:6

Mɛɖa bɔdɔ̃eyiɛ, Apolo yɛakpɛ bulĩ nɛ bɔlɛ shu, pɔ Owusoso Akaa yɛakɔ bushè.

Banɔkpɛkpɛ Axɔ̃ɛ 23:11

Kiwui ɛlɛ elishiɛ, Apaleteɛ abazã Paulo ɔbha pɛ etseɖe yɛasɛ, “Kpɛ kité! Kana gɛ ɔɖɔ kaɖɔ dalɛ mɛishu nɛ Yerusalemuɔ, kana kɛlɛ ɔsɛ wɔdɛɖɔ kaɖɔ nɛ mɛishu nɛ Roma tsyɛ.”

Banɔkpɛkpɛ Axɔ̃ɛ 9:3

Gɛ Saulo agã idzoɔ pɛ etso aplɛnɔ Damasko ebekeɛ, nɛ yɛ matìmatì mɛɛ, kifu boele odenɔ kititíɛ bakana yɛishu.

Korintoanɛ 1 9:19

Ɛlɛ mɛishu ahɔɛ mɛ, kɛlɛ gɛ ɛma ananà esi tsyɛ elo, ɛlɔkɔ mɛishu asɛ anɔ dzidzi ɔkɔ aka nyia aka, sɛ tɛ̀ ɛkɔ banɔ kpekpèɛ amɔ ɛkpã.

Timoteo 2 1:11

Nɛ kibui gbangbã ɛlɛ shuɔ, bedzu mɛ otugbà anɔ, anɔkpɛkpɛ nɛ̀ adɔkasɛ.

Galatianɛ 5:1

Ishu ahɔɛmɛ zazã shu so pɛ Kristo akɔ ɔlɔ ishu ahɔɛmɛ zazã. Kliso nɔzã gagalĩi, kɛlɛ nɔtɛ ɔkɔ kɔ ɔwɔ̃nyɔnɔ zã wɔnɔ mɛ nɛ banɔ dzidzi ɛkɔɔ shu.

Korintoanɛ 2 6:1

Asɛ Owusoso Akaa ɔhaxɔ̃ɛwɔa anaa, bɔkpalà wɔnɔ sɛ nɔtɛ yɛkɛ Owusoso Akaa tibhui bhuibuɔ asɛ kɛlɛ́ɛ mɛdɔ̃ ana.

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Galatianɛ 1:1

Mɛ Paulo, anɔkpɛkpɛ gɛ anɛ baanɔ alo anɔ yɛasɛsɛ mɛ, pɔ Yesu Kristo nɛ̀ Owusoso Akaa, gɛ yɛefeke yɛ odenɔ bekpuɔ mɛ-

Tesalonikanɛ 1 2:6

Gɛnɛ banɔ tɛkpɛkpɛ nɛitití bɔpɛ odenɔ banɔ ɔkɔ, bɔtɛ pɛ ana odenɔ wɔnɔ, alo anɔ nanà tsyɛ ɔkɔ. Asɛ banɔkpɛkpɛ ana, tsyɛ alo bɔtadzì bɔtɔ kɔ wɔnɔ,

Korintoanɛ 2 11:5

Pɔ batɛbà lɔkɔ mɔzãkɔ ɔlɔ ashɔnɔ bagɛ nokulù ɔsɛ “Banɔkpɛkpɛ alɛ gɛ balɛ ɔzãkɔ ɔɖama.”

Korintoanɛ 1 1:1

Mɛ Paulo gɛ bekulú asɛ tɛ idzì anɔkpɛkpɛ ɔkɔ Yesu Kristo nɛ Owusoso Akaa yɛ tɛpɛpɛ ulũɔ, nɛ̀ bɔlɔ adzya Sostenese yɛafɔnɔ keplukpa alɛ.

Romanɛ 11:13

Ɛɖɔ kaɖɔ ɔkɔ wɔnɔ bagɛ notinu Yudanɛ. Mɛ asɛ anɔkpɛkpɛ ɔkɔ wɔnɔ bagɛ notinu Yudanɛ ana, ɛwɔa mɛaxɔ̃ɛ

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Banɔkpɛkpɛ Axɔ̃ɛ 14:14

Pɔ gɛ banɔkpɛkpɛ Barnaba nɛ̀ Paulo elũ kibui ɛlɛ, batsyɔɛ balɛ akpɛkpɛ nɛishuɔ nɛ ɔmɔpɔɛ mɛ, kɛlɛ bebu tɛtsɛɖɛmɛ ediku kɛzaa mɛ nɛ̀ ozĩ asɛ,

Banɔkpɛkpɛ Axɔ̃ɛ 14:4

Banunɔ nɛ ɔmamɛ ebu ɔtɔ nɛ bagɔlɔ shu, kawɔ̃pɛ tieli azã Yudanɛ ede, kɛlɛ tieli tsyɛ azã banɔkpɛkpɛ niede.

Banɔkpɛkpɛ Axɔ̃ɛ 13:2

Kibeɛ gɛ bazanyã olũgbu pɛ baakpɛ kɛtakpu esi akɔ Apaleteɛ, Ɔfɔfuĩa Gbangbã otseɖe balɛ ɔsɛ, “Nobu Barnaba nɛ̀ Saulo ɔtɔ ɔkɔ kɛxɔ̃ɛ gɛ kɛlɛishu mɛikulu alɛ.”

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Banɔkpɛkpɛ Axɔ̃ɛ 9:5

Saulo ebisi asɛ, “Apalete, wonu afana?” Ebuiliulũ akɔɛ asɛ, “Mɛinu Yesu, anɔ nɔ̀ gɛ yiede wɔtɔnɔɔ.”

Korintoanɛ 1 10:29

tɛ kɛtɛ bakpɛ anɔ bhalà ekpeɖekpeɖe mɛ uluhũ gɛnɛ wɔ ɔyɛ. Pɔ kiɖeso pɛ kɛlɛ ɔsɛ tɛ anɔ bhlatɔ alɔkɔ yɛekpeɖekpeɖeɛ ekulu kebhu nɛ̀ mɛishu ahɔɛmɛ zazãa dza?

Korintoanɛ 1 10:30

Onupɛ ɛŋã bɔdɔ̃ nɛ̀ ahɔɛhuhuɔ pɔ, kɛlɛ so pɛ bebumɛ kɛpɔ nɛ kɛdɔ̃ gɛ kɛlɛ takpu mɛihu Owusoso Akaa ahɔɛ nɛ kɛlɛ takpuɔ shuɔ dza?

Korintoanɛ 1 11:16

Onupɛ anɔ teli apɛ asɛ tɛ̀ awlɔ̃akɛ kibui ɛlɛ, kibui nanà bha má bɔlɔ nɛ̀ Owusoso Akaa ɔhaa xɔnɔ ahɔɛ bɔɔ bhɛtɛ̀.

Korintoanɛ 2 10:7

Wɔnɔ xɔnɔ kabha ebuiɛ ete nooɖì. Onupɛ anɔ teli ayɛkɛ yɛishu abha aŋã sɛ enu Kristoɔ ayɛ, ewlui eɖi kɛlɛ mɛ tɛ̀ amɔ asɛ bɔlɔ tsyɛ lɛ Kristo mɛ asɛ kɛlɛ gɛ alɛ ana.