Korintoanɛ 1 8:4 - Nyangbo New Testament

⁴ Kliso nɛ bɔŋaŋã gɛ batɔ akɔ ibudi shuɔ, bunyi ɔsɛ obudì otinu kɛdɔ̃ nanà nɛ kanɔ nɔ̀ mɛ, kɛlɛ Owusoso Akaa nanà abha ma ɔdɛ tenikpo alɛ ete.

Korintoanɛ 1 8:4 Referans Kwoze

Timoteo 1 2:5

Ɔmɔsɛ Owusoso Akaa tenikpo yɛalɛ, nɛ̀ anɔ tenikpo gɛevũ iboe nɛ Owusoso Akaa nɛ̀ banɔdzyrame ishi, gɛenu Kristo Yesu,

Efesoanɛ 4:6

Owusoso Akaa tenikpo gɛenu Akaa ɔkɔ aka nyia aka, anɔ gɛ adɛ alɛ petee, pɛ awɔa axɔ̃ɛ ɔgana alɛ petee mɛ, kɛlɛ kpasɛ yɛanɔ nɔ̀ petee mɛ.

Yuda 1:25

ishu dadalɛ, bukusi ŋaŋã, ohumi ɔkɔ Owusoso Akaa ete gɛenu anɔ gɛ ebu ulɔ, ɔgana Apalete Yesu Kristo abha, nɛ agɔ gɛ latɛ bafala petee mɛ, odenɔ otsiɛ ɔvɛnɔ tihɔɔ mɛ! Amen.

Korintoanɛ 1 8:10

Ɔmɔsɛ onupɛ anɔ teli gɛ akakpɛ igu nɛ yɛitúɔ mɛ abamɔ wɔanɔ gɛ bubuti lɛ wɔahɔɛ pɛ ɔŋã bɔdɔ̃ nɛ ibudi bɔkã mɛɛ, kɛtɛ bakɔ sɛ yɛ tsyɛ avɛ adɛ ŋã bɔdɔ̃ lɛ gɛ batɔ akɔ ibudi nɛ ishu fefekeɛ mɛɛ dza?

Korintoanɛ 1 8:1

Otsiɛ nɛ bɔŋaŋãa gɛ batɔ akɔ ibudiɛ shuɔ, bunyi ɔsɛ kɛlɛ tititì mɛ ɔkɔ ɔlɔ petee. Bubutì kɔ befeke ishu, pɔ tɛdɛdɛmɛ nɔ xɔnɔ bhɔ banɔ ewunɔ kabha.

Banɔkpɛkpɛ Axɔ̃ɛ 19:26

Kɛlɛ nɔmɔ̀ pɛ nɔolũ kana gɛ Paulo anyɛ alɛ etsyina banunɔ ekpeɖekpeɖeɛ mɛ, pɛ agbana banɔkpekpèɛ atsaɖakɛ idzo nɛ Efosoɔ nɛ̀ Asia bɔdɔ̃ mɛ petee tsyɛ. Aɖɔ asɛ ibudiɛ gɛ banɔdzyrameɛ abhɛtɛ tinu akaa nanà.

Banɔkpɛkpɛ Axɔ̃ɛ 14:15

“Bɔlɔ adzya alɛ amɔ, kiɖe so pɛ nɔbhɛtɛ ana? Bɔlɔ tsyɛ banɔdzyrame bunu asɛ wɔnɔ ana. Bɔmana wɔnɔ kibui gbangbã tɛ butseɖe wɔnɔ tɛ̀ notsyina nɛ ebui alɛ gɛ lama kɛnana mɛ niede, tɛ nɔtɔnɔ Owusoso Akaa enunuɔ niede, anunɔ gɛ yɛabhɛtɛ kititi, kesiakpa, aƒu nɛ̀ kɛka nyia ka gɛkpasɛ alɛ mɛ.

Timoteo 1 1:17

Otsi nɔ, tɛ̀ Ekusiɛ gɛ abazã tihɔɔ nɔ, anɔ gɛ etibetsì eɖi, anɔ gɛ batɛamɔ yɛ, Owusoso Akaa gɛ yɛ ete, yɛ kɛlɛ sɛ balɔkɔ kɛtakpu esi kpɛkpɛ nɛ̀ ishu dadalɛ akɔ ɔvɛnɔ tihɔɔ mɛ. Amen.

Banɔkpɛkpɛ Axɔ̃ɛ 15:20

Pɔ nɔkɔ bɔfɔnɔ keplukpa ɔkɔ alɛ boŋ tɛ̀ bayɔlɔ ibudi bɔdɔ̃ ŋaŋã gɛ bɔlɛishu gɛdalɛ, kɛgɔlɔ ŋaŋã, nɛ̀ bɔdzya nɔnɔ gɛide bagã gɛ bedzinì balɛ ili nɛ̀ butsì tɛŋaŋã mɛ.

Korintoanɛ 1 8:11

Klisoɔ ozĩ adzya alɛ gɛ ebotsoɔ yɛkpã nɛ̀ wɔbutiɛ, gɛ yɛtakpu sopɛ Kristoɔ ebetsíɛ.

Galatianɛ 4:8

Kibeɛ gɛ bafala, pɛ nɔogitì Owusoso Akaa, nɔodzi banɔ dzidzi ɔkɔ bɔdɔ̃ tuli gɛinu ibudì.