Korintoanɛ 1 8:1 - Nyangbo New Testament

¹ Otsiɛ nɛ bɔŋaŋãa gɛ batɔ akɔ ibudiɛ shuɔ, bunyi ɔsɛ kɛlɛ tititì mɛ ɔkɔ ɔlɔ petee. Bubutì kɔ befeke ishu, pɔ tɛdɛdɛmɛ nɔ xɔnɔ bhɔ banɔ ewunɔ kabha.

Korintoanɛ 1 8:1 Referans Kwoze

Korintoanɛ 1 8:7

Pɔ gɛnɛ aka nyia aka yɛenyi kibui ɛlɛ ana. Banɔ teli gɛ ibudi ebui akakpasɛ balɛ mɛ, gɛ onupɛ baŋã bɔdɔ̃ lɛ nɛidi gɛ batɔ akɔ obudiɛ, pɔ gɛ ebuiɛ gɛ akpasɛ balɛ etúɔ mɛ ebotso soɔ, bakpɛ bɔŋaŋãa nɔtsɔ̃.

Romanɛ 14:3

Anunɔ gɛ aŋã kɛka nyia kaa, eti bu olugbũ mɛ nɛ agɛ yɛatɛ abhɛtɛ ana shu, kɛlɛ anunɔ gɛ atɛ aŋã kɛka nyia kaa, atɛ tɛ̀ɛ anunɔ gɛ yɛaŋã kɛka nyia ka elú, ɔmɔsɛ Owusoso Akaa yɛanɔ yɛenu.

Kibui Bubú Kasɛ 2:14

Pɔɔ, ebui teli xɔnɔ alɛ mɛahɔɛ nɛ wɔshu. Banɔ teli alɛ wɔahɔɛ nɛ ɛkɛlɛ gɛ banyana Bileam yɛɔdɔ̃ kakasɛ mɛ evunɔ. Yɛ gɛ akɔ asɛ tɛ Balak awɔɛ Israelanɛ akpɛ ebui kpa bhɛbhɛtɛ mɛ ɔgana bɔdɔ̃ tɔtɔ ɔkɔ ibudi tɛŋaŋã, nɛ̀ ɔmamɛ dɛdɛ mɛ.

Korintoanɛ 1 8:4

Kliso nɛ bɔŋaŋã gɛ batɔ akɔ ibudi shuɔ, bunyi ɔsɛ obudì otinu kɛdɔ̃ nanà nɛ kanɔ nɔ̀ mɛ, kɛlɛ Owusoso Akaa nanà abha ma ɔdɛ tenikpo alɛ ete.

Korintoanɛ 1 8:2

Anunɔ gɛ abhɛtɛ yɛ asɛ enyi kibui tiliɛ, eketì kɛlɛ asɛ kana gɛ kɛlɛ sɛ etiɛ.

Romanɛ 15:14

Mɛelɛ alɛ mɔ, ɛmɔ kɛlɛ idenɔ mɛishu mɛ ɔsɛ, nodzi banɔ gbangbã nɛ bubuti mɛ, kɛlɛ nɔna gɛ nɔbɔlà kasɛ bagɔlɔ ɔdɔ̃.

Efesoanɛ 4:16

Odenɔ yɛ mɛɛ, ishudzya petee, tsà pɛ bazɛɛ anyanã ɛlɛ ovunɔ, pɛ bushè pɛ lɛbhɔ ishu utɔɖɔ nɛ tɛdɛdɛmɛ nɔ mɛ, asɛ kɛwɔa gɛ kawɔ̃pɛ ka nyia ka awɔa kɛlɛ axɔ̃ɛ ana.

Korintoanɛ 1 15:34

Nɔotsodzi ɔba wɔnɔ ekpeɖekpeɖe mɛ asɛ gɛ kɛlɛ sɛ nɔbhɛtɛ, tɛ̀ nɔyɔlɔ ebui kpa tɛbhɛbhɛtɛ, ɔmɔsɛ banɔ teli etinyi asɛ Owusoso Akaa alɛ-ɛɖɔ kibui ɛlɛ kpɛ wɔnɔ kiwũi nɔ.

Banɔkpɛkpɛ Axɔ̃ɛ 15:29

Nobu ishu oyinɔ odenɔ bɔŋaŋã gɛ batɔ akɔ ibudiɛ, dzyosu nɛ̀ bɔdzya gɛide bagã gɛ bedzyinì balɛ iliɛ mɛ, ɔlɔkɔ ɔplɛnɔ kɛgɔlɔ ŋaŋã. Nɔkpɛ kemi tɛ̀ nɔshɛnɛ ahɔɛ nɛ ebui alɛ nɛidi shu. Bɔsɛnɔ wɔnɔ piapii.

Korintoanɛ 1 10:28

Pɔ onupɛ anɔ teli etseɖe wɔnɔ asɛ, “Balɔkɔ kɛdɔ̃ ɛlɛ akpɛ ahɔɛ akɔ obudiɛ, kɛlɛ nɔtɛ ŋã, tɛ kɛtɛ bakpɛ anunɔ gɛ yɛetseɖe wɔnɔ kibuiɛ nɛ̀ wɔnɔ ekpeɖekpeɖe mɛ buluhũ,

Banɔkpɛkpɛ Axɔ̃ɛ 21:25

Bagɛ betinu Yudanɛ pɛ bayɛkɛ aŋã xɔnɔɔ, bɔtɛ fɔnɔ keplukpa akɔ alɛ nɛ kɛgɛ bɔtɔɖɔ shu ɔsɛ, batɛ aŋã bɔdɔ̃ gɛ batɔ ɔkɔ ibudiɛ, dzyosu nɛ̀ kɛdzya gidè bagã gɛ bedzyinì balɛ iliɛ, nɛ̀ tɛ̀ batakaŋã kɛgɔlɔ.”

Banɔkpɛkpɛ Axɔ̃ɛ 15:10

Otsiɛnɔ pɔ, kiɖe so pɛ nɔpɛ ɔsɛ tɛ nofeke Owusoso Akaa oɖi? Kiɖeso pɛ nɔlɔkɔ etukuɔ gɛ bɔlɔ alo bɔlɔ akaa alɛ tsyɛ agɛlà etukùɔ, ɔlɔkɔ tɔɖɔ badɔkpasɛanɛ xɔnɔ atakpu dza?

Kibui Bubú Kasɛ 2:20

Pɔ kibui tili lɛ mɛahɔɛ nɛ wɔshu ɔsɛ, ɔdɛmɛ obuidzo ɔkɔ adzɛ alɛ gɛ enu Izebel, gɛ ekulu yɛishu asɛ ebuiɖɔluanɔ yɛenuɔ. Kɛlɛ gana yɛɔdɔ̃ kakasɛ mɛɛ, awɔɛ mɛaxɔ̃ɛdɛ asɛ tɛ bedzi ɔmamɛ dɛdɛeleteɛ, tɛ bazaŋã ɔdɔ̃ gɛ batɔ akɔ ibudiɛ.

Koloseanɛ 2:18

Nɔtɛkɔ anɔ nanà gɛ adɛmɛ ezhini ishu esi nɛ asɛnɛ mɛ, pɛ aakpɛ kɛtakpu esi ɔkɔ baxɔ̃ɛdɛ abhɛtɛ akɔ nɔtɛ mɔ kɛbhɛ̃ babuia nɔ. Anɔ alɛ nɛidiɛ anyɔ̃ ebui mɛ nɛ ebuiɛ gɛ amɔ̃ shu, kɛlɛ yɛ ekpeɖekpeɖeɛ gɛ ama ɔfɔfuĩa nɔ mɛ akɔ efeke yɛishu nɛ kɛgɛ ma kɛnanà mɛ shu.

Korintoanɛ 1 14:20

Mɛadzya alɛ, nɔyɔlɔ ekpeɖekpeɖe mɛ tɛbhɛbhɛtɛ asɛ bunuvɔɛ ana. Nɛ ebui kpa tɛbhɛbhɛtɛ shu xɔnɔ, nɔzã asɛ bunuvɔɛ ana, pɔ nɛ wɔnɔ ekpeɖekpeɖe bhɛbhɛtɛ mɛ xɔnɔ nɔzã asɛ banɔ sheshè ana.

Korintoanɛ 1 5:6

Wɔnɔ ishuɔ gɛ nofekeɛ gɛ pɛ. Nɔoti nyi ɔsɛ amɔwɔ tsɔtsɔ̃mɔ bhlui teli yɛakɔ avɔvɔ gɛ ekpéɛ tsyɛ atsɔmɔ̃ɔ dza?

Korintoanɛ 1 5:2

Kɛlɛ nofeke wɔnɔ ishu! Gɛnɛ ɔwɔ̃nyɔnɔ boŋ ɔlɔtɔzã wɔnɔ mɛ pɛ notobu anyɛ gɛ abhɛtɛ kibui ɛlɛ oyinɔ nɛ wɔnɔ ɛshiɛ dza?

Korintoanɛ 1 4:18

Wɔnɔ mɛ beteli ezefeke balɛishu, asɛ gɛ onupɛ ɛka bà wɔnɔ ɔbha oɖi ana.

Korintoanɛ 1 4:10

Budzi baaga nɛ Kristo ɛtakpu, pɔ bebutinɛ nɔonu nɛ Kristo mɛ! Bubotsò, pɔ wɔnɔ xɔnɔ ɔgagalĩ. Baakpɛ wɔnɔ kinyè nɛitití, pɔ bɔlɔ xɔnɔ batɛ̀ɛ ɔlɔ lu esi!

Korintoanɛ 1 1:5

Ɔmɔsɛ gana Kristo abha, nodzi ehoeyi elete nɛ kɛka nyia ka mɛ, nɛ wɔnɔ kaɖɔ ɖɔɖɔ nɛ kibui titì mɛ petee,

Romanɛ 14:22

Kliso kɔ kɛgɛ ɔyɛkɛ ɔŋãa nɛ ebui alɛ shuɔ azã wɔ nɛ̀ Owusoso Akaa ete ko ishi. Tiyuyula kinu ɔkɔ anunɔ gɛ atɛ ebu yɛibuiɛ gɛ atɔɖɔ ahɔɛ nɛ kɛlɛ abhaa, nɛpɔ.

Romanɛ 14:14

Mɛ, asɛ anɔ gɛ alɛ Apalete Yesu mɛɛ anaa, kɛlɛ mɛ dalɛ ɔkɔ mɛ piapii ɔsɛ, kɛŋaŋã kpa na nà ma nɛ kɛlɛishu ahɔɛ mɛ. Pɔ anunɔ gɛ amɔ kɛŋaŋã tili asɛ kɛlɛishu gɛ dalɛɛ, kɛlɛ anɔ alɛ kɛgɛ dalɛ ɔkɔ.

Romanɛ 14:10

Wɔ pɔ, kiɖeso pɛ okulu ebhu nɛ̀ wɔelee? Alo kiɖeso pɛ oɖi wɔele nɔ sɛ etinu kɛdɔ̃ na nà nɔ dza? Ɔmɔsɛ bɔlɔ pete bɔbazã bebèkulu ebhu nɛ ɔlɔ nɛ Owusoso Akaa na mɛ.

Romanɛ 12:16

Nɔzã nɛ tenikpo bhɛbhɛtɛ mɛ nɛ̀ bagɔlɔ. Nɔtɛ ozofeke ishu, pɔ nɔdɛmɛ tɛ nɔzã tenikpo nɛ̀ bagɛ alɛ wɔnɔ esiɛ. Nɔtɛ ɔlɔkɔ ishu asɛ bebutianɛ nonu.

Romanɛ 11:25

Ɛpɛ sɛ tɛ mɛkɔ noti kibui nɛ kibui kpukpũ ɛlɛ shu, tɛ notɛ ofeke ishu ɔsɛ nonyi ibui popopo. Kibuiɛ kɛlɛinu ɔsɛ, nɛ Israelanɛ teli atɔ̃ gagalĩ ibeɛ, kinu tɛtɔtɔɖɔ ɔsɛ onupɛ bamɔ̃ bagɛ betinu Yudanɛ tɛkaklàa gɛ aapɛ nɔɔ anaa, babàba Owusoso Akaa ɔkɔ.

Romanɛ 14:19

Kliso nɔkɔ bɔkpɛ emi tɛ bɔbhɛtɛ kɛgɛ bamana ishu yɔyɔɔ, tɛ bɔbhɛtɛ ebuiɛ gɛ bɔba lɔkɔ kpɛ bagɔlɔ ohumi nɔɔ nɔ̀.

Korintoanɛ 1 4:6

Mɛdzya alɛ mɔ, mɛ nɛ̀ Apolo lɔkɔ ebui alɛ kɔ wɔnɔ nɛ wɔnɔ tɛpɛpɛ̃ shu, ɔsɛ tɛ nɔkpasɛ bɔdɔ̃ odenɔ bɔlɔkɔ tɛ nolũ ebui alɛ niesi ɔsɛ “Nɔtɛ bhɛtɛ ɔfalanɔ kɛgɛ bafɔnɔ eluɔ shu.” Sɛ tɛ notibo feke anana owunɔ kabha ɔdɛ yɛɔhagbo.

Korintoanɛ 1 10:15

Ɛɖɔ kaɖɔ ɔkɔ wɔnɔ asɛ bebutinɛ ana, nɔokulu kebhu ɔkɔ ishu nɛ̀ kɛgɛ mɛɖɔɔ.