Korintoanɛ 1 7:7 - Nyangbo New Testament

⁷ Ɛpɛ sɛ tɛ̀ tsyɛ alo anyɛ ka nyia ka atazã asɛ mɛ ana. Pɔ anyɛ ka nyia ka nɛ kɛgɛ bakɔ yɛ edenɔ Owusoso Akaa ɔkɔ, anɔ alɛ bakɔ yɛ kɛdɔ̃ ɛlɛ, abhlatɔ tsyɛ bakɔ yɛ kɛlɛ.

Korintoanɛ 1 7:7 Referans Kwoze

Korintoanɛ 1 9:5

Bɔgɛ mɔɛdzo sɛ tɛ̀ bɔgbanà bɔlɔ edzini nɔnɔ gɛ ayɛkɛ aŋã ovunɔ ɔplɛnɔ bɔlɔ asɛ kana gɛ banɔkpɛkpɛ gɔgɔɔ nɛ̀ Apaleteɛ yɛadza alɛ nɛ Kefa abhɛtɛɛ ɛlɛ dza?

Romanɛ 12:6

Bɔdɔ̃ kɔkɔ ediedi alɛ bɔlɔ ahɔɛ nɛ tibhui bhuibuɔ gɛ bakɔ ɔlɛ nulũ. Anunɔ gɛ yɛdɔ̃ kɔkɔ kɛlɛinu ɔsɛ tɛ aɖɔ ebui eluɔ, aɖɔ alɛ elu nɛ kɛkɔ gɛ bakɔɛ nɛ yɛibui tɛyɛyɛkɛŋã nulũ.

Korintoanɛ 1 12:4

Bɔdɔ̃ kɔkɔ lɛ ediedi, pɔ Ɔfɔfuĩa nɔ xɔnɔ tonikpo lonu.

Korintoanɛ 1 7:8

Otsiɛ nɔ itseɖe bagbalugba nɛ̀ bavɛvɛ edziniɛ asɛ, kɛpɛ kɔ alɛ ɔsɛ tɛ bazã nɛ̀ kɛgbà, asɛ mɛ ana.

Korintoanɛ 1 12:11

Alɛ nyɔ̃ɔ enu Ɔfɔfuĩa ɔlɛ tonikpo ɔlɛ axɔ̃ɛ wɔawɔa, kɛlɛ akɔ anɔka nyia ka nɛ kana gɛ apɛ nulũ.

Banɔkpɛkpɛ Axɔ̃ɛ 26:29

Paulo ebuiliulũ asɛ, “Kibeɛ dzi gulũio kizidze tsyɛ elo, itikulù Owusoso Akaa ɔkɔ wɔ ete, pɔ ikului ɔkɔ bagɛ ataatɔ̃ nɛ̀ mɛ oboɔ petee ɔsɛ tɛ bazã asɛ mɛ ana, pɔ batɛ̀kpɛ̀ ɛɖahui ɛlɛ nɛ balɛ xɔnɔ shu.”

Korintoanɛ 1 9:15

Pɔ mɛxɔnɔ gɛ wɔa ohumi ɔlɛ nanà shu kɛxɔ̃ɛ. Kɛlɛ ɛtɛ fɔnɔ kibui lɛ sɛ tɛ̀ nɔbhɛtɛ ebui alɛ nɛidi ɔkɔ mɛ. Kɛbapɛ ɔkɔ mɛ sɛ tɛ̀ mɛitsí ɔdɛ sɛ tɛ anɔ teli ayɛkɛ kɛdɔ̃ gɛ kɛlɛishu mɛifeke ishuɔ nɛ̀ mɛahɔɛ.