Korintoanɛ 1 7:22 - Nyangbo New Testament

²² Ɔmɔsɛ anɔ gɛedzi anɔ dzidzì flogo pɛ Apaleteɛ ebekulú yɛ, enu Apaleteɛ yɛanɔ ishu ahɔɛmɛ azazã, kidzo ɛlɛ nabha anunɔ gɛ azã yɛishu ahɔɛmɛ flogo pɛ bekulu yɛ, edzì Kristo yɛanɔ dzidzi.

Korintoanɛ 1 7:22 Referans Kwoze

Petro 1 2:16

Nɔzanà ɛkpã asɛ banɔ gɛ balɛishu ahɔɛ mɛ ana, pɔ nɔtɛ̀ lɔkɔ wɔnɔ ishu ahɔɛ mɛ zazã ɔlɔkɔ ɔdã wɔnɔ ebui kpa bhɛbhɛtɛ nulũ, pɔ nɔzã nɛkpã asɛ Owusoso Akaa axɔ̃ɛdɛ ana.

Filimon 1:16

ezeke dzi anɔ dzidzì, pɔ aba pɛ adɛ anɔ dzidzi, kɛlɛ abazã asɛ adzya ana gɛ ɔdɛmɛnɔ. Ɛdɛmɛ yɛibui, kɛlɛ ɔbɔ dɛmɛ yɛibui ɔdɛ mɛ asɛ anyɛ nɛ̀ adzya gɛ akpasɛ Apaleteɛ mɛ.

Galatianɛ 5:13

Mɛadzya alɛ mɔ, bekulu ɔnɔ asɛ nɔzã ishu ahɔɛ mɛ. Pɔ nɔtɛ lɔkɔ ɔnɔ ishu ahɔɛ mɛ zazãa lɔkɔ ɔgana kibui kpa bhɛbhɛtɛ mɛ, pɔ nɔplɛnɔ agɔlɔ nɛ tɛdɛdɛmɛ nɔ mɛ.

Galatianɛ 5:1

Ishu ahɔɛmɛ zazã shu so pɛ Kristo akɔ ɔlɔ ishu ahɔɛmɛ zazã. Kliso nɔzã gagalĩi, kɛlɛ nɔtɛ ɔkɔ kɔ ɔwɔ̃nyɔnɔ zã wɔnɔ mɛ nɛ banɔ dzidzi ɛkɔɔ shu.

Yuda 1:1

Mɛ Yuda, Yesu Kristo yɛaxɔ̃ɛdɛ nɛ̀ Yakobo yɛadza ɔkɔ. Mɛfɔnɔ keplukpa alɛ ɛsɛsɛ bagɛ bekulu pɛ Owusoso Akaa adɛmɛ nɔ pɛ Yesu Kristo abalɛ alɛ elúɔ.

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Galatianɛ 1:10

Banɔ mɛpɛ otsiɛ ɔsɛ baɖɔ atɔɖɔ mɛibuiɛ nabha pɛnɔsɛ Owusoso Akaa dza? Pɛnɔsɛ banɔ mɛpɛ ɔsɛ tɛ mɛiku alɛ awɔ̃ dza? Onupɛ ɛka pɛ ɔsɛ tɛ mɛiku banɔ awɔ̃ɔ, kɛlɛ ɛtɛ balà dzi axɔ̃ɛdɛ ɔkɔ Kristo.

Korintoanɛ 1 9:19

Ɛlɛ mɛishu ahɔɛ mɛ, kɛlɛ gɛ ɛma ananà esi tsyɛ elo, ɛlɔkɔ mɛishu asɛ anɔ dzidzi ɔkɔ aka nyia aka, sɛ tɛ̀ ɛkɔ banɔ kpekpèɛ amɔ ɛkpã.

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Korintoanɛ 1 7:21

Anɔ dzidzi wɔonu flogo pɛ bekulú wɔ̀ dza? Tɛkɔ kɛkpɛ wɔ buluhũ, onupɛ edzi asɛ ɔbɔlá yɛkɛ wɔ ishu ahɔɛ mɛ zazãa, bhɛtɛ ana.

Korintoanɛ 1 9:21

Nɛ bagɛ ama ɔsha niesi nɛishiɛ, ɛbhɛtɛ ishu asɛ balɛ mɛ anɔ teli, (ɛma Mose ɔsha gɛinu Owusoso Akaa ɔsha niesi tyɛ elo, ɛkpasɛ Kristo ɔsha niesi), sɛ tɛ mɛibu bagɛ akpasɛ ɔsha niesi.