Korintoanɛ 1 6:13 - Nyangbo New Testament

¹³ “Bɔŋaŋã lɛ kɔ kevũɔ, kɛlɛ kevũɔ tsyɛ alɛ kɔ́ bɔŋaŋã,” pɔ Owusoso Akaa ebezĩ balɛ taabha. Bagɛ bhɛtɛ ishudzyaa kɔ́ kɛgɔlɔ ŋaŋã ebui, pɔ Apaleteɛ babhɛtɛ ɛlɛ akɔ, kɛlɛ babhɛtɛ Apaleteɛ tsyɛ akɔ ishudzya.

Korintoanɛ 1 6:13 Referans Kwoze

Korintoanɛ 1 6:19

Nɔotinyi ɔsɛ wɔnɔ ishupiɛ nu Owusoso Akaavũɔ ɔkɔ Ɔfɔfuĩa Gbangbã, gɛ lɔkpasɛ wɔnɔ mɛ, anunɔ gɛ nɔyɛkɛ odenɔ Owusoso Akaa ɔkɔɔ dza? Nɔma ɔkɔ wɔnɔ ishu,

Korintoanɛ 1 3:16

Nɔotinyi ɔsɛ Owusoso Akaavũɔ nɔonu pɛ Owusoso Akaa Ɔfɔfuĩa nɔ kpasɛ wɔnɔ mɛ dza?

Romanɛ 6:12

Kliso nɔtɛkɔ ɔsɛ ibui kpa aŋã ukusi nɛ wɔnɔ abha tɛ nɔzɛ ɔbhɛtɛ ɔtɔɖɔ kibui kpa tɛpɛpɛ ulũ.

Korintoanɛ 1 6:15

Nɔotinyi ɔsɛ wɔnɔ shudzyaa nu Kristoɔ ɔyɛ dza? Pɔ kɛpɛ̃ sɛ ɛlɔkɔ mɛ ishudzyaa gɛinu Kristoɔ ɔyɛ bhɛtɛ tenikpo nɛ kedulũ azazã eleteɛ dza? Kɛma ɛlɛ mɛ ana!

Efesoanɛ 5:23

Ɔmɔsɛ adzɛ enyineɛ yɛenu kɛtakpu ɔkɔ yɛedzinì asɛ kana gɛ Kristo tsyɛ enu kɛtakpu akɔ ɔhaa ana, yɛishu dzyaa, gɛ bɔlɛishu yɛenu agɛ Yɛebu ɔlɔ.

Romanɛ 14:17

Ɔmɔsɛ Owusoso Akaa bukusi ŋaŋãa, itinu bɔdɔ̃ ŋaŋã nɛ̀ bɔdɔ̃ wɔɛwɔɛ ibui, pɔ kinu tɛzazã piapii, ishu yɔyɔ nɛ̀ same mɔmɔ nɛ̀ Ɔfɔfuĩa Gbangbã mɛ ibui.

Romanɛ 12:1

Mɛelɛ alɛ mɔ, nɛ Owusoso Akaa yɛashagabui nɛidi gɛeɖi ɔlɔ nɔ soɔ, ɛkpalà ɔnɔ ɔsɛ tɛ nɔlɔkɔ ishu ɔbhɛtɛ asɛ bɔdɔ̃ pɔpɔɛ gɛlɛ nɛkpã ana, gɛ ɛlɛishu dalɛ pɛ Owusoso Akaa adɛmɛ nɔɔ, kɛlɛinu wɔnɔ ɔfɔfuĩa mɛ ɛtakpu esi kpɛkpɛ.

Korintoanɛ 2 11:2

Ɛlɔkɔ Owusoso Akaa mɛ tɛzazã wɔlãkɛ kabhã nɛ wɔnɔ shu. Ɛtɔɖɔ ɛlɛ lu kɔ wɔnɔ sɛ nɔzanà anyɛ tenikpo gɛenu Kristoɔ, sɛ tɛ ɛlɔkɔ wɔnɔ kpɛ ahɔɛ kɔɛ asɛ adzɛ gɛ etinyi anyɛ ana.

Korintoanɛ 2 5:15

Kɛlɛ etsí akɔ bɔlɔ petee, sɛ tɛ bagɛ alɛ nɛkpã atakazã nɛkpã akɔ balɛishu pɔ tɛ̀ bàzã nɛkpã akɔ agɛ yɛetsí nɛ balɛ kɛtakpuɔ pɛ beze feke yɛ edenɔ bekpuɔ mɛ.

Romanɛ 7:4

Kliso mɛelɛ alɛ mɔ, wɔnɔ tsyɛ notsí ɔkɔ ɔshaa ɔgana Kristo abha, tɛ nodzi tenikpo ɔkɔ anunɔ gɛ befeke edenɔ bekpuɔ mɛɛ, tɛ buyu busi eyuyu gbangbã ɔkɔ Owusoso Akaa.

Galatianɛ 5:24

Bagɛ enu Kristo Yesu ayɛ xɔnɔ, bakpalà balɛ ebui kpa bhɛbhɛtɛ nɛ̀ kɛgɛ badɛmɛ nɔ nɛ̀ kɛgɛ bapɛ nɔ nɛ butsi osiɛ shu.