Korintoanɛ 1 6:11 - Nyangbo New Testament

¹¹ Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Korintoanɛ 1 6:11 Referans Kwoze

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Korintoanɛ 1 1:2

Ɛfɔnɔ kalɛ sɛsɛ Owusoso Akaa ɔha gɛalɛ Korinto, nɛ̀ bagɛ badalɛ balɛishu nɛ Yesu Kristo mɛ pɛ balɛishu dalɛ, ɔlɔkɔ plɛnɔ bagɛ balɛ ɔkɔ nyia ɔkɔ pɛ beekulu Apalete Yesu Kristoɔ inyeɛ, anɔ gɛenu balɛ Apaleteɛ nɛ̀ bɔlɔ ayɛ.

Banɔkpɛkpɛ Axɔ̃ɛ 22:16

Kɛlɛ otsiɛ nɔpɔ, kiɖe woko opoɔ dza? Lɔ, kɔ bakpɛ bulĩ akɔwɔ nɛ kɛtakpu tɛ̀ beplu wɔ ebui kpa atɛ́ɛ gana yɛinyeɛ tikukulu mɛ.’

Romanɛ 8:30

Bagɛ balɛishu yɛabhɛtɛ tɛtɔtɔɖɔ ɛlɛ elu akɔɔ, balɛ tsyɛ yɛekulu, bagɛ ekuluɔ balɛ tsyɛ yɛebhui utsyɔa akɔ, kɛlɛ bagɛ balɛ yɛebhui utsyɔa akɔɔ, balɛ tsyɛ shu yɛadalɛ.

Petro 1 1:2

banɔ gɛ bebu alɛ nɛ Owusoso Akaa gɛenu bɔlɔ Akaa ekpeɖekpeɖeɛ gɛ abhɛtɛ akpɛ otugbà nulũ, ɔganà Ɔfɔfuĩa nɔ gɛ ɔlɛ axɔ̃ɛ wɔawɔa adalɛ, ɔkɔ batɔ̃ lulũ ɔkɔ Yesu Kristo nɛ yɛ dzyosu hɔɛhɔ̃ɛ niesi. Tibhui bhuibu nɛ̀ ishu yɔyɔ kɔ wɔnɔ nɛ tikpekpè mɛ.

Hebrianɛ 10:22

nɔkɔ butso ɔplɛnɔ Owusoso Akaa nɛ̀ etúɔ gɛ akpɛ igu nɛ tɛyɛyɛkɛŋã gagalĩi mɛ, etúɔ gɛ beplu alɛ mɛ ebui zizĩ eyinɔ nɛ bɔlɔ ishupiɛ gɛ bewulu nɔ piapii nɛ̀ bulĩ dadalɛ.

Efesoanɛ 5:26

sɛ tɛ abhɛtɛ tɛ ɔlɛ ishuɔ dalɛ nɛ tipuplu nɛ̀ ɔlɛ tiwuwulu nɔ nɛ̀ bulĩ ɔganà kibuiɛ mɛ,

Efesoanɛ 5:8

Ɔmɔsɛ nɔ tɛzã otumũ mɛ oɖi, pɔ otsiɛ xɔnɔɔ nɔonu tɛdadalɛ nɛ Apaleteɛ mɛ. Nɔzã nɛ ɛkpã asɛ bunuvɔɛ gɛ balɛ amɛ adalɛ ana

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Romanɛ 8:33

Afana gɛ abalà alɔkɔ kibui nɛ Owusoso Akaa anunɔ gɛ ebu eluɔ shu? Owusoso Akaa yɛebu utsyɔa akɔ banɔ.

Romanɛ 5:1

Kliso gɛ balɔkɔ ɔlɔ asɛ bunu banɔ gbangbã ɔgana tɛyɛyɛkɛŋã mɛɛ, ishu yɔyɔ lɛ ɔlɔ nɛ̀ Owusoso Akaa nɛishi, ɔgana bɔlɔ Apalete Yesu Kristo abha,

Tesalonikanɛ 2 2:13

Pɔ badzya gɛ Apaleteɛ adɛmɛ nɔ, kɛlɛ sɛ buzi hu Owusoso Akaa ahɔɛ kiwui nyia wui nɛ wɔnɔ ɛtakpu, ɔmɔsɛ denɔ kesikpɛkpɛ mɛibeɛ, Owusoso Akaa ebu wɔnɔ elú ɔgana ɔfɔfuĩa nɔ nɛ̀ ɔlɛ axɔ̃ɛ dadalɛ wɔawɔa mɛ, nɛ̀ ɔganà kibui gbã tɛyɛyɛkɛŋã mɛ.

Banɔkpɛkpɛ Axɔ̃ɛ 13:39

Gana yɛabha anɔ nyia anɔ gɛ ayɛkɛ aŋã, bebè bhui bɔtsyɔa akɔɛ odenɔ kɛka nyia ka mɛ batɛ balɔkɔ bɔtyɔa bhui bhui akɔ wɔ nɛ Mose ɔshaa nulũ.

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Galatianɛ 3:11

Kɛlɛ mɛ dalɛ ɔsɛ bagɛ lɔkɔ ɔsha ebhui bɔtsyɔa akɔ ananà nɔ nɛ Owusoso Akaa namɛ, ɔmɔsɛ, “Bagɛ enu ebui gbangbã bhɛbhɛtɛ eleteɛ abazã nɛ̀ ɛkpã ɔgana tɛyɛyɛkɛŋã mɛ.”

Kibui Bubú Kasɛ 7:14

Ibuiliulũ asɛ, “Apalete, wonyi.” Kɛlɛ aɖɔ asɛ, “Balɛ enu banunɔ gɛ bagã ekoeyì nɛ bɔtɔ gagalĩɛ mɛ, pɛ beplu balɛ akpɛkpɛ dzloloɔ, pɛ babhɛtɛ alɛ befuli frɛrɛrɛ nɛ Obhoshieyiɛ dzyosu nɔ mɛ.

Galatianɛ 2:16

bunyi ɔsɛ beti bhui bɔtsyɔa akɔ anɔ nɛ yɛ ɔsha abha tɛbhɛbhɛtɛ shu, pɔ ɔganà tɛyɛyɛkɛŋã nɛ Yesu Kristo abha mɛ. Klisoɔ, bɔlɔ tsyɛ lɔkɔ bɔlɔ tɛyɛyɛkɛŋã kpɛ Kristo Yesu mɛ ɔsɛ tɛ bebhui bɔtsyɔa akɔ ɔlɔ nɛ Kristo abha tɛyɛyɛkɛŋã mɛ, gɛnɛ nɛ ɔsha nabha tɛbhɛbhɛtɛ shu so, ɔmɔsɛ ganà ɔsha nabha tɛbhɛbhɛtɛ mɛɛ, betibe bhui bɔtsyɔa akɔ anɔ nanà.

Korintoanɛ 1 12:2

Nɔonyi ɔsɛ gɛ nodzì ibudi eleteɛ, bawɔɛ wɔnɔ agbanà avɛnɔ ibudiɛ gɛ lɛtɛ ɖɔ kaɖɔɔ ɔkɔ.

Hebrianɛ 2:11

Anunɔ gɛ yɛakɔ banɔ tɛdadalɛ, nɛ̀ bagɛ babhɛtɛ asɛ tɛ badalɛ pete nɔɔ, bede kishopo tinikpo mɛ. Kliso kiti nu kiwuĩ ibui ɔkɔ Yesu asɛ tɛ ekulu alɛ asɛ yɛadzya alɛ.

Galatianɛ 3:24

Klisoɔ bakpɛ ɔshaa elu asɛ tɛ lɔgbana ɔlɔ ɔvɛnɔ Kristo ɔkɔ, ɔsɛ tɛ balɔkɔ tɛyɛyɛkɛŋã ebhui bɔtsyɔa akɔ ɔlɔ nɔ.

Romanɛ 5:9

Otsi alɛ gɛ bebhui utsyɔa akɔ ɔlɔ ɔgana yɛdzyosu nɔ mɛɛ, kidzo ɛlɛ nabha ke yɛebebu ɔlɔ, odenɔ Owusoso Akaa yɛɔmɔpɔɛ nɔ mɛ.

Romanɛ 3:24

kɛlɛ bebhui utsyɔa gbangbã akɔ ɔlɔ ɔgana Yesu Kristo gɛ abalɛ dzyosu nɛ ɔlɔ ɛtakpu nabha.

Petro 1 3:21

kɛlɛ bulĩ ɛlɛ kasɛ bulĩkpɛkpɛ nɛ kɛtakpu ɔkɔ anɔ gɛ ayɛkɛ wɔnɔ elu nɛkpã otsiɛ. Gɛnɛ sɛ tɛ̀ bebù kibò nɛ anɔ shu, pɔ kibui tɔtɔɖɔ lu ɔganà kitú mɛibui gbangbã nɛ Owusoso Akaa shu. Kɛlɛ yɛkɛ ɔkɔ wɔnɔ ganà Yesu Kristo yɛ̀ tɛlɔlɔ odenɔ bekpuɔ mɛ,

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Galatianɛ 3:8

Kibuiɛ gɛ bafɔnɔ eluɔ tɛmɔ putɔ nɔ ɔsɛ Owusoso Akaa ebe bhui bɔtsyɔa akɔ bagɛ etinu Yudanɛ odenɔ balɛ tɛyɛyɛkɛŋã mɛ, kɛlɛ eputɔ akɔ Abraham etì kibui gbangbã ɛlɛ elu ɔsɛ, “Gana wɔabha, bebe yulà akɔ amadiɛ petee.”

Romanɛ 4:5

Anɔ teliɛ anɛ kɛxɔ̃ɛ wɔawɔa mɛ yɛagã, pɔ ayɛkɛ Owusoso Akaa gɛ abhɛtɛ ɛtakpu mɛ gagalĩelete yɛedzi anɔ gbangbã nabha aŋãa, yɛtɛyɛyɛkɛŋãa tɛkɔ ɔsɛ tɛ edzi anɔ gbangbã.

Hebrianɛ 10:29

Kɛlɛɛ batɔ̃ pɔpɔ̃ gagalĩ ɖuwoe lu gɛ bɔyɛkɛŋã sɛ babàkɔ anunɔ gɛ akpata Owusoso Akaa Yɛeyiɛ, pɛ agɛ lɔkɔɛ nanà nɛ dzyosu olugbũ nyanyã gɛ alɔkɔ adalɛ yɛishu nɔ mɛ, pɛ ebu olugbũ mɛ nɛ Ɔfɔfuĩa nɔ gɛ lobhui banɔ obuɔ shu oɖiɛ mɔɔ dza?

Yohanes 1 2:12

Ɛfɔnɔ ebui alɛ kɔ wɔnɔ, mɛeyi alɛ gɛ ɛdɛmɛ nɔ ɔmɔsɛ balɔkɔ wɔnɔ ebui kpa etsye wɔnɔ nɛ yɛinye nɛtakpu.