Korintoanɛ 1 5:1 - Nyangbo New Testament

¹ Bakɔ bɔlɔ tititì nɛ wɔnɔ shu sɛ kɛgɔlɔ ŋaŋã ebui akpasɛ wɔnɔ mɛ, kibui gɛ ibudi elete tsyɛ atɛ abhɛtɛ. Anyɛ teli ayɛkɛ yɛakaa edzini.

Korintoanɛ 1 5:1 Referans Kwoze

Kibui Bubú Kasɛ 21:8

Pɔ kifusisíelete, bagɛ agɛyɛkɛ aŋã, atsɔ̃bui abhɛbhɛtɛelete, bagɛ beyì anɔ, aglɔŋaŋãelete, behuinɛ, ibudielete nɛ̀ asɛnɛ sɛsɛelete peteɛ xɔ̃nɔɔ-balɛ ɔzãkɔ obodzi kifu gɛtã nɛ̀ aklagbuifu ɔɖɛklɛmɛ nɔ mɛ. Kɛlinu butsi bhalàa.”

Kibui Bubú Kasɛ 2:21

Ɛkɔ yɛibe sɛ tɛ etsyina itúɔ mɛ, nɛ yɛɔmamɛ dɛdɛ ebui kpaa shu, pɔ atɛ adɛmɛ.

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Efesoanɛ 5:3

Pɔ nɛ wɔnɔ ɛshiɛ, kɛma sɛ tɛ belũ ɔnɔ ɔdɔ̃ nɛ ɔmamɛ dɛdɛ shu, alo atsɔ̃bui ka nyia ka ɛdi shu, alo anɔ gɛ apɛɛ kɛdɔ̃ gbagbla adɛ, ɔmɔsɛ ebui alɛ agɛpɛ akɔ Owusoso Akaa yɛanɔ dadalɛ.

Galatianɛ 5:19

Ebuiɛ gɛ akpà ɔplɛnɔ ebui kpa bhɛbhɛtɛ edzoɔ awɔ̃ɛ asɛ, ɔmamɛ dɛdɛ, atsɔ̃bui bhɛbhɛtɛ nɛ̀ ɛkpã kpa tɛŋaŋã,

Tesalonikanɛ 1 4:7

Ɔmɔsɛ Owusoso Akaa egi kulu bɔlɔ asɛ bututru shu, pɔ tɛ bɔza nɛ ɛkpã gɛ ɛlɛ shu dalɛ.

Korintoanɛ 2 12:21

Kifù yimɛ sɛ onupɛ ɛzɛba, mɛ Owusoso Akaa abakɔ mɛizhini mɛishu esi nɛ wɔnɔ amɛ, kɛlɛ ɛbàmɔ ɔwɔ̃nyɔnɔ denɔ banɔ gelee gɛ batɛ bhɛtɛ ebui kpa akpɛ otugbà pɛ begitsyina nɛ balɛ etúɔ mɛ odenɔ atsɔ̃bui bhɛbhɛtɛ mɛ, ebui asɛ ɔmamɛ dɛdɛ nɛ̀ bunu tibubuku ebui gɛ balɔkɔ balɛishu ashɔkpɛ mɛ.

Korintoanɛ 1 6:18

Nɔobu tɛtsɛɖɛ mɛ ɔshɛ nɛ kɛgɔlɔ ŋaŋã ebui shu. Ebui kpa ka nyia ka gɛ anɔ abhɛtɛ, abhɛtɛ alɛ nɛ ishupi niede, pɔ anunɔ gɛ abhɛtɛ kibui kpa odenɔ kɛgɔlɔ ŋaŋã mɛɛ xɔnɔɔ, abhɛtɛ kibui kpa nɛ yɛahɔɛ ishudzya shu.

Korintoanɛ 1 6:13

“Bɔŋaŋã lɛ kɔ kevũɔ, kɛlɛ kevũɔ tsyɛ alɛ kɔ́ bɔŋaŋã,” pɔ Owusoso Akaa ebezĩ balɛ taabha. Bagɛ bhɛtɛ ishudzyaa kɔ́ kɛgɔlɔ ŋaŋã ebui, pɔ Apaleteɛ babhɛtɛ ɛlɛ akɔ, kɛlɛ babhɛtɛ Apaleteɛ tsyɛ akɔ ishudzya.

Korintoanɛ 1 6:9

Nɔotinyi ɔsɛ atakpu mɛ gagalĩ eleteɛ atɛba vɛ Owusoso Akaa bukusi ɔŋãkɔɔ dza? Nɔtɛkɔ bawɔɛ wɔnɔ, bagɛ baŋã kɛgɔlɔ tsyɛ, ibudi eleteɛ, bagɛ badɛ ɔmamɛ, banyɛ gɛ bawɔsɔ̃ nɛ̀ balɛ banyɛ ɔhagbo alɛ,

Korintoanɛ 1 5:11

Pɔ, otsiɛnɔ ɛfɔnɔ kɔ wɔnɔ sɛ, kɛma sɛ tɛ nɔkpɛ ɔha nɛ anunɔ gɛ ekulu yɛishu sɛ adzya yɛenu flogo pɛ aka aŋã kɛgɔlɔ apɛ yɛ ete tɛpɛpɛ, anɔ gɛ eshu ibudi ɔkɔ̀ alo anɔ gɛ ezĩ banɔ shu, enuwɔ̃ɛ alo anɔ gɛ edzyinì banɔ akpɛ. Nɔtɛŋã bɔdɔ̃ ete tsyɛ nɛ banɔ alɛ nɛidi.

Banɔkpɛkpɛ Axɔ̃ɛ 15:29

Nobu ishu oyinɔ odenɔ bɔŋaŋã gɛ batɔ akɔ ibudiɛ, dzyosu nɛ̀ bɔdzya gɛide bagã gɛ bedzyinì balɛ iliɛ mɛ, ɔlɔkɔ ɔplɛnɔ kɛgɔlɔ ŋaŋã. Nɔkpɛ kemi tɛ̀ nɔshɛnɛ ahɔɛ nɛ ebui alɛ nɛidi shu. Bɔsɛnɔ wɔnɔ piapii.

Banɔkpɛkpɛ Axɔ̃ɛ 15:20

Pɔ nɔkɔ bɔfɔnɔ keplukpa ɔkɔ alɛ boŋ tɛ̀ bayɔlɔ ibudi bɔdɔ̃ ŋaŋã gɛ bɔlɛishu gɛdalɛ, kɛgɔlɔ ŋaŋã, nɛ̀ bɔdzya nɔnɔ gɛide bagã gɛ bedzinì balɛ ili nɛ̀ butsì tɛŋaŋã mɛ.

Korintoanɛ 2 7:12

Kliso gɛ ɛfɔnɔ keplukpa kɔ wɔnɔ tsyɛ elo, gɛnɛ anɔ gɛ abhɛtɛ kibui kpa shu so alo anunɔ gɛ babhɛtɛ kibui kpa nɛishuɔ so, pɔ sɛ tɛ nɛ Owusoso Akaa namɛ, tɛ nɔlà mɔ ebuiɛ ɔkɔ ishu nɛ kana gɛ nɔmɔ kibè ɔkɔ bɔlɔɔ.

Korintoanɛ 1 1:11

Mɛelé alɛ mɔ, banɔ teli nɛ Kloe bɔpã mɛ akɔ mɛitì sɛ ebla ebui akpasɛ wɔnɔɛshi.

Korintoanɛ 2 2:5

Onupɛ anɔ teli amana ɔmɔpɔɛ nɔ, agɛ kpɛ mɛ ɔmɔpɔɛ asɛ kana gɛ akpɛ wɔnɔ petee ɔmɔpɔɛ nɔ, nɛ kidzo tili abhaa, ɛgɛ pɛ sɛ tɛ mɛvɛ kɛlɛ abha faanɔ.