Korintoanɛ 1 4:9 - Nyangbo New Testament

⁹ Kidzì kɔmɛ xɔnɔ asɛ Owusoso Akaa agbana bɔlɔ banɔkpɛkpɛ amana ɔmɔ asɛ banɔ gɔgɔɛ nɛ banɔdzyrame ishi ana, asɛ banɔ gɛ bebu alɛ ɛpɔ asɛ tɛ̀ beyi alɛ nɛ bɔdɔ̃ oɖikɔ ana. Babhɛtɛ bɔlɔ budzì bɔdɔ̃ gɛ kanɔ nɔ̀ mɛ nyɔ̃ɔ eɖi, nɛ Owusoso Akaa axɔ̃ɛdɛ nɛ̀ banɔdzyrameɛ amɛ.

Korintoanɛ 1 4:9 Referans Kwoze

Hebrianɛ 10:33

Nɛ kibeɛ tili mɛɛ, baakwala ɔnɔ nɛ ɔmɛishi pɛ baatɔnɔ ɔnɔ ede. Kibeɛ tili pɔɔ, baalɔkɔ ɔnɔ akpɛ bagɛ balɛ tsyɛ azamɔ bɔtɔ ɔlɛ nɛidiɛ nɛishi.

Romanɛ 8:36

Asɛ kɛfɔ̀nɔ gɛ bafɔnɔ kɛlɛ eluɔ, “Nɛ wɔɛtakpuɔ, bɔmɔ butsí ɛlɛ nɛ kiwui mɛ pete, balɔkɔ bɔlɔ asɛ ibhoshi gɛ bedi yí.”

Hebrianɛ 1:14

Baxɔ̃ɛdɛ petee nɔ pɔ, anɛ ɔfɔfuĩa mɛ axɔ̃ɛ badɛ, gɛ Owusoso Akaa akpɛ alɛ asɛ tɛ baplɛnɔ bagɛ babà yɛkɛ edzu nɛ ɛkpãa dza?

Hebrianɛ 11:36

Bebu olugbũ mɛ nɛ beteli shu pɛ behusi teli, banyã beteli pɔ nɛ̀ ɛɖahui pɛ bakpɛ alɛ nɛ ɛɖavũ mɛ.

Tesalonikanɛ 1 3:3

sɛ tɛ ananà atɛba mɔ ɔwɔ̃nyɔnɔ denɔ tifefekeɖi lɛ mɛ. Ɔmɔsɛ nonyi piapii ɔsɛ babhɛtɛ bɔlɔ ɔkɔ tifefekeɖi ebui alɛ.

Korintoanɛ 2 6:9

benyi bɔlɔ pɔ babhɛtɛ asɛ betinyi bɔlɔ ana, abhɛtɛ asɛ butsi pɔ bɔlɛ nɛkpã, behuisi bɔlɔ pɔ begiyì bɔlɔ,

Banɔkpɛkpɛ Axɔ̃ɛ 19:31

Banɔ hohoeɛ gɛenu Paulo yɛɔbhia alɛ nɛ kɛma ɛlɛ mɛ tsyɛ asɛsɛ yɛ ɔklasɔ̃ asɛ atɛpɛ kɛwɔawɔa asɛ avɛ balɛ buwufù ɔwɔkɔ.

Banɔkpɛkpɛ Axɔ̃ɛ 19:29

Odunu ɔlɛ koɔ, ɔmamɛ oyukù nɛ̀ ozĩ. Banunɔ evũ Gayo nɛ̀ Aristaxo gɛ benu banɔ gɛ bagã kidzo ɔplɛnɔ Paulo odenɔ Makedonia, kɛlɛ bagbanà balɛ odunũ ɔlɛ avɛnɔ ɔma ɔlɛ bɔwufù ɔwɔkɔ.

Korintoanɛ 1 15:19

Onupɛ kanɔ alɛ mɛ ete shu so pɛ bulũ awɔ nɛ Kristo abhaa, kɛlɛ bunù ashagabui elete ɔdɛ anɔnyianɔ.

Korintoanɛ 2 11:23

Kristo yɛaxɔ̃ɛdɛ benuɔ dza? (Ɛɖɔ kaɖɔ asɛ kɛtakpu tsitsí elete ana.) pɔ igbogblo dɛ alɛ. Ɛwɔa axɔ̃ɛ gagalĩ ɔdɛ balɛ, ɛzã ɛɖa buvũ mɛ gelee ɔdɛ balɛ, behuisi mɛ ɖɔtɔɖɔtɔ dɛ balɛ, kɛlɛ ɛzakɔ butsi kibe nyia be.