Korintoanɛ 1 4:6 - Nyangbo New Testament

⁶ Mɛdzya alɛ mɔ, mɛ nɛ̀ Apolo lɔkɔ ebui alɛ kɔ wɔnɔ nɛ wɔnɔ tɛpɛpɛ̃ shu, ɔsɛ tɛ nɔkpasɛ bɔdɔ̃ odenɔ bɔlɔkɔ tɛ nolũ ebui alɛ niesi ɔsɛ “Nɔtɛ bhɛtɛ ɔfalanɔ kɛgɛ bafɔnɔ eluɔ shu.” Sɛ tɛ notibo feke anana owunɔ kabha ɔdɛ yɛɔhagbo.

Korintoanɛ 1 4:6 Referans Kwoze

Korintoanɛ 2 11:4

Ɔmɔsɛ onupɛ anɔ teli aba wɔnɔ ɔkɔ pɛ abaɖɔ kibui nɛ Yesu teli shu ɔdɛ agɛ yɛ shu bɔɖɔ kaɖɔɔ, alo onupɛ nɔyɛkɛ ɔfɔfuĩa bhlatɔ ɔdɛ ɔgɛ ɔlɛ nɔtɛyɛkɛ shuɔ, alo kibui gbangbã bhlatɔ gɛ kɛgã ɔtɔ denɔ kɛgɛ kɛlɛ nɔtɛ yɛkɛ shuɔ, kɛlɛ notsyina tsiɔ̃ faanɔ.

Korintoanɛ 2 12:19

Aabhɛtɛ wɔnɔ sɛ bɔpɛ asɛ tɛ bubu bɔlɔshu ulũ nɛ wɔnɔ amɛ dza? Bɔɔɖɔ kaɖɔ nɛ Owusoso Akaa amɛ asɛ banɔ gɛ akpasɛ Kristo mɛ ana, mɛadzya alɛ gɛ ɛdɛmɛ nɔ, kɛka nyia ka gɛ bɔbhɛtɛ, bɔbhɛtɛ ɛlɛ ɔkɔ wɔnɔ sɛ tɛ nɔzã gagalĩ.

Korintoanɛ 2 12:6

Onupɛ edzi asɛ ɛpɛ sɛ tɛ mɛitũ ahɔ nɛitũ tsyɛ elo, ɛtɛ badzi awɔaga ɔmɔsɛ ɛbazã ɛlɛ abha zɛɖɔ kibuiɛ gɛlɛ ɛlɛ ɔzãkɔ. Pɔ ɛzakà tũ mɛitelũ, sɛ tɛ anɔ nanà etì beɖi mɛ asɛ mɛinu anɔ gbagbla ɔdɛ ɔganà kɛgɛ ɛbhɛtɛ pɛ ɛɖɔ shu.

Koloseanɛ 2:18

Nɔtɛkɔ anɔ nanà gɛ adɛmɛ ezhini ishu esi nɛ asɛnɛ mɛ, pɛ aakpɛ kɛtakpu esi ɔkɔ baxɔ̃ɛdɛ abhɛtɛ akɔ nɔtɛ mɔ kɛbhɛ̃ babuia nɔ. Anɔ alɛ nɛidiɛ anyɔ̃ ebui mɛ nɛ ebuiɛ gɛ amɔ̃ shu, kɛlɛ yɛ ekpeɖekpeɖeɛ gɛ ama ɔfɔfuĩa nɔ mɛ akɔ efeke yɛishu nɛ kɛgɛ ma kɛnanà mɛ shu.

Tesalonikanɛ 1 1:5

ɔmɔsɛ bɔlɔ ibui gbangbã ba wɔnɔ ɔkɔ anɛ nɛ kaɖɔ bhlui ete, pɔ nɛ̀ ohumi, ɔlɔkɔ plɛnɔ Ɔfɔfuĩa Gbangbã nɛ̀ ebuesilulũ gɛ alɛ mɛ edzuɔ. Nonyi kanà gɛ bɔzã wɔnɔɛshi nɛ wɔnɔ ɛtakpu.

Romanɛ 12:3

Nɛ tibhui bhuibuɔ gɛ bakɔ mɛ nulũɔ, itseɖe wɔnɔ ɔmɛ anɔ ka nyia ka asɛ atɛ alɔkɔ yɛishu asɛ yɛadɛ. Nɛ kɛlɛ inye mɛɛ, nɔbhɛtɛ ekpeɖekpeɖe mɛ nɛ ishu esi zhizhinɔ ɛkpã zazãna shu boŋ, tɛ anɔ nyia anɔ ebhui ibui mɛ nɛ tɛyɛyɛkɛŋã nɛidi gɛ nɔyɛkɛ odenɔ Owusoso Akaa akɔ nɔɔ shu.

Korintoanɛ 2 10:7

Wɔnɔ xɔnɔ kabha ebuiɛ ete nooɖì. Onupɛ anɔ teli ayɛkɛ yɛishu abha aŋã sɛ enu Kristoɔ ayɛ, ewlui eɖi kɛlɛ mɛ tɛ̀ amɔ asɛ bɔlɔ tsyɛ lɛ Kristo mɛ asɛ kɛlɛ gɛ alɛ ana.

Korintoanɛ 2 4:15

Kɛlɛ petee lɛ ɔkɔ wɔnɔ tɛpɛpɛ̃ so, sɛ tɛ tibhui bhuibuɔ bavɛ banɔ kpekpèɛ ɔkɔ gɛ bamana ahɔɛhuhu gɛbà yuku gbangbã Owusoso Akaa tɛdadalɛ.

Korintoanɛ 1 8:1

Otsiɛ nɛ bɔŋaŋãa gɛ batɔ akɔ ibudiɛ shuɔ, bunyi ɔsɛ kɛlɛ tititì mɛ ɔkɔ ɔlɔ petee. Bubutì kɔ befeke ishu, pɔ tɛdɛdɛmɛ nɔ xɔnɔ bhɔ banɔ ewunɔ kabha.

Korintoanɛ 1 5:6

Wɔnɔ ishuɔ gɛ nofekeɛ gɛ pɛ. Nɔoti nyi ɔsɛ amɔwɔ tsɔtsɔ̃mɔ bhlui teli yɛakɔ avɔvɔ gɛ ekpéɛ tsyɛ atsɔmɔ̃ɔ dza?

Korintoanɛ 1 3:19

Ɔmɔsɛ kanɔ mɛ bubuti ɛlɛ nu bɔga dɔdɔ nɛ Owusoso Akaa namɛ. Asɛ gɛ bafɔnɔ elú asɛ, “Eevũ bagɛ eɖi asɛ benyi kibuiɛ nɛ balɛ bɔshɛ̃ ebui bhɛbhɛtɛ mɛ”

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Korintoanɛ 2 10:15

Buti tũ ahɔɛ bɔlɔ etelũ falanɔ kifù faanɔ nɛ kɛxɔ̃ɛ gɛ banɔ bhlatɔ awɔa shu. Kɛgɛ buɖi kidzo mɛ kɔ kɛlɛinu ɔsɛ, kibeɛ gɛ wɔnɔ tɛyɛyɛkɛŋã bakpe tɔɖɔɔ, bɔlɔ axɔ̃ɛ wɔawɔa nɛ wɔnɔɛishiɛ tsyɛ banɛɛ tɔɖɔ.

Korintoanɛ 2 10:12

Bɔtɛ pɛ sɛ tɛ̀ lɔkɔ bɔlɔshu shɔnɔ beeteli gɛ bakpɛ balɛishu nɛitití ana. Onupɛ balɔkɔ balɛishu asɛ banɔ gbagbla pɛ balɔkɔ balɛishu ashɔnɔ ishuɔ, betinu bebutinɛ.

Korintoanɛ 1 13:4

Tɛdɛdɛmɛ nɔ tɛdɔ fɔ̃ɔ, tɛdɛdɛmɛ nɔ nu ɛyamɛ gbangbã bhɛbhɛtɛ. Tɛdɛdɛmɛ nɔ tɛkpɛ̀ anɔ awɔ̃, tɛdɛdɛmɛ nɔ titũ ahɔɛ nɛ kitelũ, tɛdɛdɛmɛ nɔ tifeke ishu.

Korintoanɛ 1 9:23

Nɛ kibui gbangbã nɛtakpu so ɛbhɛtɛ alɛ nyɔ̃ɔ, sɛ tɛ̀ mɛtsyɛ ɛmɔ tiyuyula nɛ kɛlɛ mɛ.

Korintoanɛ 1 5:2

Kɛlɛ nofeke wɔnɔ ishu! Gɛnɛ ɔwɔ̃nyɔnɔ boŋ ɔlɔtɔzã wɔnɔ mɛ pɛ notobu anyɛ gɛ abhɛtɛ kibui ɛlɛ oyinɔ nɛ wɔnɔ ɛshiɛ dza?

Korintoanɛ 1 3:21

Kliso ananà ete feke yɛishu! Bɔdɔ̃ petee wɔnɔ ɔyɛ bunù,

Korintoanɛ 1 1:31

Kliso asɛ gɛ bafɔnɔ eluɔ, “Anunɔ gɛ asɛ efeke yɛishuɔ, tɛ efeke ɛlɛ nɛ Apaleteɛ mɛ.”

Korintoanɛ 1 1:19

Ɔmɔsɛ bafɔnɔ elú asɛ, Ɛbazĩ bebuti eleteɛ balɛ bubutiɛ, ɛba futsù bagɛ eɖi asɛ bubutì lɛ balɛ ahɔɛ mɛ balɛ bubutiɛ mɛ kpɛ.”

Korintoanɛ 1 1:12

Kɛgɛ mɛɖɔ kɛlɛinu ɔsɛ, wɔnɔ mɛ anɔ tenikpo aaɖɔ asɛ, “Paulo ede mɛlɛ.” Anɔ bhlatɔ tsyɛ asɛ, “Apolo ede mɛlɛ.” Teli tsyɛ asɛ, “Kefa ede mɛlɛ” kɛlɛ anɔbhlatɔ tsyɛ aɖɔ asɛ “Kristo ede mɛlɛ.”

Banɔkpɛkpɛ Axɔ̃ɛ 18:24

Nɛ kibe ɛlɛ Yudaeyi teli gɛ bezekulu asɛ Apolo, anɔ gɛede Aleksandro tsyɛ aba Efeso. Edzi anɔ gɛ akpasɛ bɔdɔ̃ avɛnɔ otugbà pɛ enyi Owusoso Akaa ebuiɛ piapii.

Banɔkpɛkpɛ Axɔ̃ɛ 19:1

Kibeɛ gɛ Apolo azã Koritoɔ, Paulo agã kishitɛbha kidzoɔ avɛ ediyì nɛ Efeso. Ɛkɛlɛ yɛadɛ tɔnɔ badɔkpasɛanɛ teli

Korintoanɛ 2 12:20

Ɔmɔsɛ kifù yimɛ sɛ onupɛ ɛba wɔnɔ ɔkɔ, ɛtɛbà mɔ wɔnɔ asɛ kana gɛ ɛpɛ sɛ nɔzã, kɛlɛ wɔnɔ tsyɛ ɔtɛbɔ mɔ mɛ asɛ kana gɛ nɔpɛ ɔsɛ tɛ mɛzã. Kifù yimɛ ɔsɛ ebelà pɛpɛ ebui, kabhãwawlakɛ ebui, ɔmɔpɔɛ kpɛkpɛ, ɔhakpa yaya, kaɖɔ kpa tɛɖɔɖɔ, banɔ shu tizizĩ, ishu fefeke nɛ̀ kawlɔ̃akɛ ebui ebeku wɔnɔ mɛ.