Korintoanɛ 1 4:5 - Nyangbo New Testament

⁵ Kliso nɔoti kulu kebhu kpɛ otugbà flogo tɛ̀ kibeɛ ba na, nɔzã opo odiyinɔ ɔsɛ Apaleteɛ aba. Yɛaba ebu ebui kpukpũ nɔnɔ gɛ akpasɛ otumũɔ mɛ oyinɔ amana ɔtɔ̃, kɛlɛ ebebu ebuiɛ gɛ lakpasɛ anɔdzyrame yɛitùɔ mɛ akasɛ. Nɛ kibe ɛlɛ Owusoso Akaa aba kpɛ bagɛ kɛlɛ sɛ akpɛ nititíɛ.

Korintoanɛ 1 4:5 Referans Kwoze

Yakobo 5:7

Kliso mɛadzya alɛ mɔ, nɔdɔ fɔ̃ɔ ɔvɛnɔ Apalete nɛbabe. Nolu awɔ̃ nɛ kɛdɔ gɛ ayadɛ àdɔ fɔ̃ɔ akɔ esiakpa sɛ tɛ kakɔ ɔdɔ̃eyi eshè nɛ alɛ abha, nɛ̀ kipoɔ gɛ epo subha nɛ yɛdɔbeɛ oɖi.

Korintoanɛ 2 5:10

Ɔmɔsɛ kɛlɛ sɛ bɔlɔ petee ba Kristo kebhu kuklu kegbu namɛ, sɛ tɛ aka nyia aka ayɛkɛ kɛgɛ kɛlɛ sɛ bakɔɛ, nɛ̀ kɛgɛ yɛabhɛtɛ kibeɛ gɛ azã ishudzya mɛ, onupɛ kinu kibui gbangbã pɛnɔsɛ kibui kpa tsyɛ.

Korintoanɛ 1 3:13

yɛxɔ̃ɛ bakasɛ kɛgɛ yɛalɔkɔ abhɔ bɔlɛ nɔ, ɔmɔsɛ Kiwuiɛ babu ɛlɛ kasɛ. Bebebù ɛlɛ akasɛ nɛ̀ kifú, kɛlɛ kifúɔ badalɛ aka nyia aka yɛ ɛxɔ̃ɛ wɔawɔa shu.

Hebrianɛ 4:13

Kɛnanà ma tikpukpũ mɛ ɔkɔ Owusoso Akaa nɛ kanɔ alɛ mɛ petee. Batsɛ bɔdɔ̃ nɛ kɛka nyia ka abha, kɛlɛ ka nyia ka dalɛ li nɛ anunɔ gɛ bɔba bhɛtɛ akɔnta ɔkɔɔ nɛ amɛ.

Korintoanɛ 2 10:18

Ɔmɔsɛ gɛnɛ anunɔ gɛ aɖɔaɖɔ akpɛ yɛishu nɛititíɛ yɛabha batɔɖɔ ahɔɛ, pɔ anunɔ gɛ Apaleteɛ aɖɔaɖɔ nɛishuɔ.

Romanɛ 2:16

Kɛbàba kɛlɛ mɛ nɛ kiwui nabha gɛ Owusoso Akaa ebekulu ebhu nɛ banɔdzyrame ebui kpukpũɔ, ɔgana Yesu Kristo abha asɛ ɛɖɔɔ gɛ mɛibui gbangbã ɖɔ luɔ ana.

Romanɛ 2:1

Klisoɔ wɔɛtakpu kɔkɔ nanà ma, wɔ anunɔ gɛ okulu ebhu ɔkɔ anɔ teliɛ, ɔmɔsɛ kibui nɔnɔ́ idi gɛ ɔlɔkɔ okulu ebhu ɔkɔ anɔ bhlatɔ nɔɔ, kɛlɛ wɔ tsyɛ ɔlɔkɔ obu ishui ipɔ nɔ, ɔmɔsɛ wɔanɔ gɛ obhui ibui mɛ tsyɛɛ, ɔbhɛtɛ kibui ɛlɛ nɛidi.

Kibui Bubú Kasɛ 20:12

Kɛlɛ ɛmɔ banɔ tsitsí, besheshè nɛ̀ bunuvɔɛ gɛ bazã itití nɛ ekusiegbuɔ otugbà, kɛlɛ badalɛ uplukpa mɛ elu. Baza dalɛ eplukpa bhlatɔ tsyɛ gɛenu ɛkpã eplukpa. Bekulu ebhu nɛ̀ banɔ tsitsíɛ nɛ kɛzã gɛ bazã nɛ ɛkpã, pɛ bafɔnɔ elu nɛ buplukpa mɛ nulũ.

Petro 1 1:7

Ebui alɛ aba ɛlɛ mɛ ana sɛ tɛ̀ wɔnɔ tɛyɛyɛkɛŋã, gɛ kigbogbolo ɔdɛ sikãɛkpã gɛ bazĩ, gɛ balɔkɔ kifù adalɛ ɛlɛ shu nɔ pɔ flogo. Tɛ babhɛtɛ ɛlɛ kidzi kibui ɛgbã gɛ babakpɛ ɛlɛ inye nɛitití, pɛ ishu dadalɛ nɛ̀ inyè gbangbã tsyɛ bazã ɛlɛ shu gɛ onupɛ Yesu Kristo ebekoeyìɛ.

Romanɛ 2:29

Ao, anunɔ gɛ enu Yudaeyi tututuɔ yɛenu anɔ gɛ alɛ yɛishu mɛ, kɛlɛ yɛhɔ̃a bhui bhuiɛ nu kitúɔ ɛhɔ̃a bhui bhui odenɔ ɔfɔfuĩa mɛ, kɛlɛ anɛ nɛ ɔsha gɛ bafɔnɔ eluɔ nulũ. Anɔ alɛ nɛidi inye kpɛkpɛ nɛititíɛ, anɛ banɔ ɔkɔ kide pɔ Owusoso Akaa ɔkɔ.

Korintoanɛ 2 4:2

Pɔ, bɔtɛ badɛmɛ tɔɖɔ ebui kpukpũ nanà tɛɖɔɖɔ nɛ̀ awũi edzo abha, bɔgɛ lɔkɔ tɛwɔɛwɔɛ ebui, alo pɛ butsyina Owusoso Akaa yɛibuiɛ tũ. Pɔ nɛ kidzo ɛlɛ nabha, bɔlɔkɔ kibui gɛlɛ ɛlɛ ɔzãkɔ bɔlɔkɔ ɖɔ kitú mɛ kibui, nɛ Owusoso Akaa namɛ.

Romanɛ 14:4

Afana wonu pɛ kɛlɛ sɛ tɛ okulu ebhu nɛ̀ Owusoso Akaa yɛaxɔ̃ɛdɛ? Apaleteɛ ete ko yɛenyi asɛ alɛ piapii alo agɛpɛ. Abalà azã piapii, ɔmɔsɛ Apaleteɛ abalà bhɛtɛ asɛ tɛ akpɛ ogù.

Yakobo 4:11

Mɛadzya alɛ mɔ, nɔtɛ ɔzɔɖɔ ebui kpa nɛ bagɔlɔ shu. Anunɔ gɛ aɖɔ ebui kpa nɛ yɛadzya shu alo ekulu ebhu niyɛɛ, alɔɛtití nɛ ɔshaa shu, kɛlɛ ekulu ebhu nɛ ɔlɛ. Onupɛ nokulu ebhu nɛ̀ ɔshaa, kɛlɛ anɛ ɔlɛ abha bhɛbhɛtɛelete nonu, pɔ nodzi ebhu ekukuluelete ɔkɔ ɔshaa.

Kibui Bubú Kasɛ 1:7

Noɖio abà nɛ̀ ɔmɔlɔ̃, kɛlɛ kiwuhũ ka nyia ka bamɔɛ, bagɛ bashɔɛ nɛ̀ bɔɖadɔ̃ tsyɛ abamɔɛ, yɛ soɔ, kanɔmanɛ pete abamɔ̃ ɔwɔ̃nyɔnɔ. Kana kɛbàba ɛlɛ mɛ! Amen.

Petro 1 5:4

Kɛlɛ onupɛ Ibhoshiɛ Agbagbana Ekusiɛ ebekoeyìɛ, nɔbɔ yɛkɛ ishu dadalɛ ɛkpã kikutuɔ gɛ ɛtɛbà zĩ ɖiɛ.

Tesalonikanɛ 1 5:2

ɔmɔsɛ nonyi piapii ɔsɛ Apaleteɛ nɛewuiɛ labatɔnɔ wɔnɔ asɛ kɛba gɛ ezĩ aba elishi ana.

Petro 2 3:4

Babàɖɔ asɛ, “Gɛ atɔɖɔ asɛ ‘abaa’ pɔ yɛɛxɔ? Denɔ kibeɛ gɛ bɔlɔ akaalɛ etsíɛ, kɛka nyia ka vɛ ɛlɛ abha asɛ kana gɛ kɛzã odenɔ kanɔ nɔ̀ esi kpɛkpɛ ibè.”

Yuda 1:14

Henox, anɔ gegenemiɛ odenɔ Adamu mɛ̀, aɖɔ ebui elú nɛ banɔ alɛ nɛidì shu asɛ̀, “Nɔoɖi mɔ, Apaleteɛ aba nɛ̀ yɛanɔ dadalɛ nɛ ihotu, ihotu mɛ

Petro 2 3:12

nɛ kibèɛ gɛ nɔoɖì idzomɛ ɔkɔ Owusoso Akaa iwuiɛ tɛbaba tsĩɔɔ nɔ. Kiwui ɛlɛ kifu bazĩ kititì ɔdɔ̃, kɛlɛ kititì ɔdɔ̃ balolò ganà kɛkpɛkpɛ hohoe mɛ̀.

Korintoanɛ 1 15:23

Pɔ anɔ nyia anɔ nɛ yɛibè gɛ batɔɖɔ akɔɛ. Kristo gɛenu anɔ gɛiputɔ, gɛ onupɛ etsodzi aba ebefeke bagɛ benu yɛayɛ.

Korintoanɛ 1 11:26

Kibe nyia be gɛ nɔtã kifufulũ alɛ pɛ nɔwɔɛ nɛ kayintse alɛ nulũɔ, nɔ ɔɖɔɛ ɛlɛ ɔkanà nɛ Apaleteɛ yɛutsiɛ shu odiyinɔ sɛ etsyina aba.

Korintoanɛ 1 1:7

Klisoɔ, nɔtɛ ɔpɛɛ ɔfɔfuĩa mɛ kɛdɔ̃ kɔkɔ nanà gɛ noɖì kidzo mɛ gagalĩi ɔkɔ bɔlɔ Apalete Yesu Kristo yɛ tibubu kasɛɛ.

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Korintoanɛ 1 3:8

Tɛtɔtɔɖɔ tinikpo kɛlɛ ɛlɛ anunɔ gɛ yɛaɖaa bɔdɔ̃ nɛ̀ agɛ yɛakpɛ bulĩɛ nɛ bɔlɛ shuɔ ahɔɛ, kɛlɛ babà buia kɛbhɛ kɔ aka nyia aka nɛ yɛ kɛxɔ̃ɛ wɔawɔa shu.

Korintoanɛ 1 3:14

Onupɛ kɛgɛ yɛabhɔ eluɔ zã nɛ̀ ɛkpãa, aba yɛkɛ yɛbhɛ babuia.

Korintoanɛ 1 11:16

Onupɛ anɔ teli apɛ asɛ tɛ̀ awlɔ̃akɛ kibui ɛlɛ, kibui nanà bha má bɔlɔ nɛ̀ Owusoso Akaa ɔhaa xɔnɔ ahɔɛ bɔɔ bhɛtɛ̀.

Yakobo 5:9

Nɔtɛ ɔvɛnɔ olugbũ nɛ bagɔlɔ ɔkɔ, mɛadzya alɛ mɔ, sɛ tɛ batɛ bekulu ebhu nɛ ɔnɔ. Ɖio, kebhukulueleteɛ tsyɛ yɛeli edulũɔ alɛ!

Korintoanɛ 2 10:9

Ɛgɛ pɛ sɛ tɛ abhɛtɛ asɛ ɛkpɛ wɔnɔ kifù nɛ̀ mɛ buplukpaa.